Ester 3:10 - Maung A Balita Biblia

¹⁰ Inekal na ari so singsing to ya ikakana tod pantimbri na saray ganggan, pian magmaliw iran opisyal a ganggan. Insan to inter ed toon kalaban na saray Judio, si Haman a lakin anak nen Hamedata a kabyangay boleg nen Agag.

Maung a Balita Biblia

¹⁰ Inekal na ari so singsing to ya ikakana tod pantimbri na saray ganggan, pian magmaliw iran opisyal a ganggan. Insan to inter ed toon kalaban na saray Judio, si Haman a lakin anak nen Hamedata a kabyangay boleg nen Agag.

Ester 3:10 Iomraidhean Croise

Genesis 41:42

Inekal na ari so singsing to a panagmarka, insan to insolung ed gamet nen Jose. Sinolungan toy kawes a linen, tan initdan toy kadinan balituk a para beklew to.

Ester 3:1

Ag abayag, inyatagey nen Ari Asuero so kipapasen na sakey a lakin manngaray Haman. Impasen to a kumadwan sankatageyan ya opisyal na impirio. Si Haman et lakin anak nen Hamedata a kabyangay boleg nen Agag.

Ester 3:11

Inkuan na Ari ed sikato, “Kayaryan mo ray totoo tan saray kuarta ra; gawam ed sikaray labay mo.”

Ester 3:9

No labay na Kagalang kon Ari, mangipaakseb kay sakey a ganggan a nepeg a pateyen ira. No gawaen mo ya, andi-duaruwan makapangyan ak na talon lasus tan pitomplo tan liman toniladan pilak ed saray makaoley ed panagsinupan na ari ya onkanan pangikurang na oley ed impirio.”

Ester 7:6

Inmebat si Ester, “Say kalaban mi et sayan toon maoges tan managpairap ed sikami—si Haman!” Asabyan na baleg a takot si Haman diad arap na ari tan say riyna.

Ester 8:2

Inekal na ari imay singsing ton panagtimbri (a binawi tod kinen Haman) tan inter tod kinen Mardokeo.

Ester 8:8

Balet say ganggan a nipaakseb ed ngaran na ari tan amarkaan na panagtimbri to et ag lan balut nabawi. Anggaman ontan, nayarian yoy mansulat ed saray Judio na antokaman a labay yo; nayarian yoy mansulat ed ngaran ko tan markaan yo na panagtimbrik.”