Ester 1:3 - Maung A Balita Biblia

³ Diad kumatlon taon na panooley to imparaanan toy baleg a ponsia iray amin ya opisyal to tan saray katulong tod panooley to. Dinmagop iray sondalo na Persia tan saray sondalo na Media. Dinmagop met iray gobirnador tan saray manonan totoo ed saray luyag.

Maung a Balita Biblia

³ Diad kumatlon taon na panooley to imparaanan toy baleg a ponsia iray amin ya opisyal to tan saray katulong tod panooley to. Dinmagop iray sondalo na Persia tan saray sondalo na Media. Dinmagop met iray gobirnador tan saray manonan totoo ed saray luyag.

Ester 1:3 Iomraidhean Croise

Genesis 40:20

Kalabas na taloy agew, nen agew na inkianak na ari, angiparaan na ponsia a para amin ya opisyal to; impaipaway to may inkargadoy alak ed palasio tan samay pangulon panadiro to tan inyarap to rad saray opisyal to.

1 Saray Arari 3:15

Abangon si Solomon, insan to naamtaan ya akisalitad sikato so Dios diad panamegley na kogip. Insan linmad Jerusalem, nanalagey ed arap na Kaban na Sipanan na Katawan tan angisaklang ed Katawan na bagat a popoolan tan say bagat a para kareenan. Kayari to ya, nanggaway baleg a ponsia a para saray amin ya opisyal to.

Esdras 1:2

“Sikato yay ganggan nen Ciro ya Impirador na Persia. Say Katawan a Dios na Tawen ginanggan to ak a manoley ed intiron mundo tan impalima tod siak so pangipaalagey na Timplon para sikato diad Jerusalem na Juda.

Ester 1:14

Saray sankabetbetan a kerewan toy simbawa et di Carsena, Setar, Admata, Tarsis, Meres, Marsena tan Memucan—pitoran opisyal na Persia tan Media a sankatageyan iran betang so bebembenan da ed nanarian.

Ester 1:4

Anem bulan ya impapanengneng to ray kayamanan, kagalangan tan karakpan na impirio to.

Ester 2:18

Insan nanggawa na baleg a ponsia so ari a pamagalang ed kinen Ester; inimbitaan ton amin iray opisyal to tan saray manoley to. Imbawag tod intiron nanarian so sakey a pista opisyal, tan nambubunog na saray rigalon manepeg ya iter ed ari.

Ester 3:7

Diad kumalabinduan taon na panooley nen Ari Asuero, diad ononan bulan, say bulan na Nisan, ingganggan nen Haman a gawaen so pampapalaranan a tatawagen na “purim,” ta amtaen to no dinay manepeg ya agew tan bulan a panggawad samay getma to. Apili so kumalabintalon agew na kumalabinduan bulan, say bulan na Adar.

Isaias 21:2

Nipasingayew ed siak so nipaakar ed saray maruksan nagawa a nipaakar ed panagtraidor tan panagderal. Sondalo na Elam, dogpa kayo! Sondalo na Media, looban yo ray siudad! Panganggaen la na Dios so panamairap na Babilonia.

Jeremias 51:11

Dinagdag na Katawan iray arari na Media, lapud getma ton deralen so Babilonia. Onya so ibawi to lapud samay inkaderal na Timplo to. Saray opisyal ya ondodogpa igaganggan da, “Tareman yo ray pana yo! Iparaan yo ray samper yo!

Daniel 5:1

Aminsan a labi inimbitaan nen Ari Belsasar ed sakey a baleg a ponsia iray sanlibon atagey ya opisyal to, tan naniinoman iray alak.

Daniel 5:28

say Parsin et paldua, ta apalduay nanarian mo tan niiter ed saray taga Media tan saray taga Persia.”

Daniel 6:1

Kinaliktan nen Dario so impanoro to na sanlasus tan duamplon gobirnador ed intiron impirio to.

Daniel 8:20

“Samay anengneng mon karniron kalakyan a duaray saklur to et say nanarian na Media tan Persia.

Marcos 6:21

Sinmabin siansiay pankanawnawa nen Herodias nen nantaryay Herodes ed inkianak to. Inimbitaan nen Herodes iray mambebembey ambelat iran betang ed gobirno, saray opisyal da ray sondalo, tan saray manonan totood Galilea.