Ester 1:2 - Maung A Balita Biblia

² Diad Susa a manonan siudad na Persia so kawalaay trono to.

Maung a Balita Biblia

² Diad Susa a manonan siudad na Persia so kawalaay trono to.

Ester 1:2 Iomraidhean Croise

2 Samuel 7:1

Manaayam la natan si Ari David ed palasio to, tan inyagel na Katawan ed amin da ray kalaban to.

1 Saray Arari 1:46

Si Solomon la natan so ari.

Nehemias 1:1

Sikato yay istoria na agawaan nen Nehemias a lakin anak nen Hacalias. Diad bulan na Kislev nen Kumaduamploy taon na panooley nen Impirador Artajerjes, siak, si Nehemias, et wala ak ed manonan siudad na Susan.

Ester 2:3

Manoro ka na saray opisyal ed balang luyag na impirio, tan paawit mod sikara iray amin a maganan malangwer a mamarikit ed harim mo diad Susa, say manonan siudad. Ibagam ya iyakar da rad panagayaman na saray bibii. Ipaasikasom ira ed kinen Hegai a yunukon makaoley ed saray bibiim. Ibagam a pagang-ganaen da ran maung.

Ester 2:5

Diad Susa a manonan siudad walay manaayam diman a sakey a Judio a manngaran na Mardokeo ya anak nen Jair; nanlapud tribu nen Benjamin tan kabyangay boleg nen Kis tan si Simei.

Ester 3:15

Lapud ganggan na ari nipaamtad saray totood Susa, say manonan siudad imay ganggan. Saray ibabaki impasabi rad saray luyag so balita. Naninoman so ari tan si Haman, legan a nagegewgew so intiron siudad na Susa.

Ester 4:16

“Laka, ta pantitipon mo ray amin a Judion walad Susa; manayuno kayo tan mampikasi kayon para siak. Ag kayo mamangan odino oniinom na antokaman ed loob na taloy agew tan taloy labi. Onya met so gawaen ko tan saray bibiin managlingkur ed siak. Kayari na sayan gawaen tayo, onla ak ed ari, anggaman a sumlang ed ganggan. No nepeg ya ompatey ak, sipaparaan ak ya ompatey.”

Daniel 4:4

“Siak, si Nabucodonosor, mambibilay ak nen saman a mainawa ed palasiok, panliliketan ko so ontan lan iyaaligwas ko.

Daniel 8:2

Diad sayan pasingayew biglan niwala ak ed dalem na aliber na padir a siudad na Susa diad luyag na Elam. Manalalagey ak ed gilig na Ilog na Ulai,