Esdras 9:2 - Maung A Balita Biblia

² Saray lalakin Judio et angaasawa ra na saray bibiin taga arum a bansa, kanyan alaukan so poli na masanton totoo na Dios. Saray pangulo tan saray opisyal so manonan mananumlang.

Maung a Balita Biblia

² Saray lalakin Judio et angaasawa ra na saray bibiin taga arum a bansa, kanyan alaukan so poli na masanton totoo na Dios. Saray pangulo tan saray opisyal so manonan, mananumlang.

Esdras 9:2 Iomraidhean Croise

Genesis 6:2

Saray anak na Dios anengneng dan maganggana ra yan bibii, kanyan nampili ray inasawa ra.

1 Saray Arari 11:1

Amayamay si bibiid arum a bansa so naibegan nen Solomon. Likud ed samay inasawa ton anak na ari ed Egipto, angasawa ni na saray bibiin Moabita, Ammonita, Edomita, Sidonia, tan Hetea.

Esdras 10:2

Insan si Secanias a lakin anak nen Jehiel tan kabyangay boleg nen Elam inkuantod Esdras, “Nankasalanan kamid Dios lapud impangaasawa mid saray bibiin taga arum a bansa. Anggaman ontan, wala niy ilalo na Israel.

Esdras 9:12

Imbaga rad sikami ya ag kamin balut mangasawa o miasawa ed saraman a totoo. Imbaga ra met ya ag mi ran balut tulongan ya onaligwas o ombolaslas, no labay min kayaryanen so kaabigan na dalin tan ando lan andon ipatawir mid saray kabyangay boleg mi.

Esdras 9:14

Kanyan anto niy makasengeg na isumlang mi lamet ed saray ganggan mo tan mangasawa o miasawa ed sarayan maoges a totoo? No gawaen mi ni ya, ompetapetang lay olom ed sikami tan sigput mo kami lan pateyen tan ag mo la abuloyan a walay natilak ed sikami.

Nehemias 13:17

Nampasnukan ko ray pangulo na saray Judio tan inkuankod sikara, “Nengneng yoy kaogsan a gagawaen yo! Gagawaen yon aliwan masanto so Agew na Panagpainawa.

Nehemias 13:28

Si Joiada a lakin anak nen Eliasib so Pangulon Pari. Balet inasawa na sakey ed saray lalakin anak to so anak nen Sanbalat a taga baley na Bet-horon, kanyan pinataynan kod Jerusalem si Joiada.

Exodo 19:6

Magmaliw kayo a totoon nisaklang ed siak labat, tan papari a manlingkur ed siak.” Sikara yay imbaga na Dios ed saray Israelita diad panamegley nen Moises.

Exodo 22:31

“Sikayo ray totook, kanyan ag yo kakanen so karni na dinanman ya ayep a pinatey na saray ayep ed takel; iter yo lad saray aso.

Exodo 34:16

Saray lalakin anak yo et asingger a mangasawa ra na saray bibiin anak da, et natanggoyur da ran ombeneg ed siak tan mangigalang ed saray diriyos da.

Isaias 6:13

Anggaman a natilak ed dalin so kakaplod saray totoo, naderal met iray natilak; singa ra sengeg na kiew a robli a binatang.” (Say sengeg iyaaliling toy balon gapowan na saray totoo na Dios.)

Levitico 21:15

No aliwan birhin so asawaen to, saray anak to a nepeg a masanto ra et marotak ira onung ed ganggan. Siak so Katawan tan siak so angibiig ed sikato a Pangulon Pari.”

Malakias 2:11

Ag tinoor na saray totood Juda so sipan dad Dios tan nanggagawa rad Jerusalem tan diad intiron bansa na mabambanday a bengatla. Dinotakan da so Timplo ya inaro na Katawan. Saray lalaki et angaasawa ra na saray bibiin mangigagalang ed saray diriyos na arum a bansa.

Malakias 2:15

Ag ta say Dios impankasakey to kayod laman tan ispiritu? Antoy getma tod saya? Say getma to et say pananak yo na saray petepeteg a totooy Dios. Kanyan apiapiger yon imanoen ya anggapoy anggan sakey ed sikayo so maneral na sipan to ed asawa to.

1 CORINTO 7:14

Ta say aliwan mananisian laki et magmaliw a makapaliket ed Dios makasengeg ed mananisian asawa to, tan say aliwan mananisian bii et magmaliw a makapaliket ed Dios, makasengeg ed asawa ton mananisia. Ta no aliwan ontan, ag magmaliw a makapaliket ed Dios iray anak da, balet say katwaan to, makapaliket ira.

2 CORINTO 6:14

Ag kayo nepeg a mikasakey ed saray aliwan mananisia. Makapanolup kasiy katonungan tan say kaogsan? O say liwawa tan say bilonget?

Deuteronomio 14:2

Kayaryan kayo na Katawan a Dios yo; pinili to kayon dilin totoo to diad saray amin a totood tapew na dalin.

Deuteronomio 7:6

Gawa yo ra ya, ta kayaryan kayo na Katawan a Dios yo. Diad amin da ray totood tapew na dalin pinili to kayon dili a nidoma-doman totoo to.

Josue 22:15

Sinmabi ra ed dalin na Galaad, diad saray totoo na tribu di Ruben, Gad, tan say kapalduay Manases.

Josue 23:12

No ipolisay yo so Katawan tan migampi kayod saray akeraan nin bansa tan miasawaan kayod sikara,