Esdras 9:11 - Maung A Balita Biblia

¹¹ ya inter mo rad sikami diad panamegley na saray aripen mon propita. Imbaga rad sikami a say dalin a panayaman mi et napnoy karotakan, lapud saray totoon nanaayam et pinano ra, manlapud sakey a ketegan ya anggad sakey a ketegan, na saray makapaingongot tan marotak a kagagawa.

Maung a Balita Biblia

¹¹ ya inter mo rad sikami diad panamegley na saray aripen mon propita. Imbaga rad sikami a say dalin a panayaman mi et napnoy karotakan, lapud saray totoon nanaayam et pinano ra, manlapud sakey a ketegan ya anggad sakey a ketegan, na saray makapaingongot tan marotak a kagagawa.

Esdras 9:11 Iomraidhean Croise

2 Saray Arari 21:16

Pinatey nen Manases iray amayamay a totoon anggapoy kasalanan, kanyan adelap na dala so daladalan na Jerusalem; sayan ginagawa to et kaaruman na samay impangilagyat ton angigalang ed saray talintao iray totood Juda, kanyan impankasalanan to rad Katawan.

2 Saray Awaran 33:2

Nanggagawa na kaogsan ed arap na Katawan, diad impangaalig tod saray makapaingungot ya ogali da ray totoon pinapataynan na Katawan legan a mankukurang iray totoo to.

Esdras 6:21

Saramay bagat et kinan na amin da ray Israelitan pinmawil tan saray amin a totoon tinondaan day paganon kagagawa na saray arum a totoon manaayam ed saman a dalin tan dinmago ran mangigalang ed Katawan a Dios na Israel.

Esdras 9:1

Kayari na impakagawad sarayan amin, linma rad siak iray pigaran pangulo na saray totood Israel. Imbaga rad siak a saray totoo, saray papari, tan saray Levita et ag ira binmiig ed saray Cananeo, Heteo, Perezeo, Jebuseo, Ammonita, Moabita, Egipsio, tan Amorreo. Aaligen da ray makapaingungot a bengatlan gagawaen na sarayan totoo.

Esdras 9:10

“Balet natan, a Dios, antoy nibaga mi kayari na saray agawa? Ag mi tinoluk iray ganggan mo

Jeremias 26:5

Nepeg yon dengelen iray salita na saray aripen kon propita ya imbabakik ed sikayo. Ag yo nin balut inonur iray imbabaga rad sikayo.

2 CORINTO 7:1

Nisipan ira yan amin ed sikatayo, inararon agagi. Linisan tayo sirin so laman tan ispiritu tayo ed amin a makarotak. Pampelengan ti siriy magmaliw a nagnap ed kinasanto, diad panamegley na pambilay a walay panamagalang tayo ed Dios.

Deuteronomio 12:31

Ag yo ipapara so panangigalang yod Dios yo ed panangigalang da ed saray diriyos da, ta diad panangigalang dad saray diriyos da gagawaen da ray amin a makapaingungot a kabosul na Katawan. Ibabagat da ni ingen ed apoy na saray altar da iray anak da.

Deuteronomio 18:12

Say Katawan a Dios yo et kabosul to ray totoon manusumpal na sarayan makapaingongot a gawgawa, tan sikato yay makasengeg a pataynanen to ray totoo ed sarayan bansa legan yon mankukurang.