Esdras 9:1 - Maung A Balita Biblia

¹ Kayari na impakagawad sarayan amin, linma rad siak iray pigaran pangulo na saray totood Israel. Imbaga rad siak a saray totoo, saray papari, tan saray Levita et ag ira binmiig ed saray Cananeo, Heteo, Perezeo, Jebuseo, Ammonita, Moabita, Egipsio, tan Amorreo. Aaligen da ray makapaingungot a bengatlan gagawaen na sarayan totoo.

Maung a Balita Biblia

¹ Kayari na impakagawad sarayan amin, linma rad siak iray pigaran pangulo na saray totood Israel. Imbaga rad siak a saray totoo, saray papari, tan saray Levita et ag ira binmiig ed saray Cananeo, Heteo, Perezeo, Jebuseo, Ammonita, Moabita, Egipsio, tan Amorreo. Aaligen da ray makapaingungot a bengatlan gagawaen na sarayan totoo.

Esdras 9:1 Iomraidhean Croise

Genesis 15:16

Onlabas so apatiran kailalakan kasakbayan a makapawil ira diay kabyangay boleg mo. Pansiansiaen kon panayamen ira diay Amorreo ya anggad alablabas lay inkaoges da, insan ko ra dusaen tan pataynanen.”

1 Saray Arari 11:1

Amayamay si bibiid arum a bansa so naibegan nen Solomon. Likud ed samay inasawa ton anak na ari ed Egipto, angasawa ni na saray bibiin Moabita, Ammonita, Edomita, Sidonia, tan Hetea.

2 Saray Awaran 33:2

Nanggagawa na kaogsan ed arap na Katawan, diad impangaalig tod saray makapaingungot ya ogali da ray totoon pinapataynan na Katawan legan a mankukurang iray totoo to.

2 Saray Awaran 8:7

Saray pinapasoot nen Solomon ya impankikimey et saray kabyangay boleg na saray totoon manaayam ed Canaan ya ag pinatey na saray Israelita nen nilooban day dalin. Kabyangan na sayan boleg iray totoon Amorreo, Heteo, Perezeo, Heveo, tan Jebuseo. Aripen ni ya anggad natan iray kabyangay boleg na sarayan totoo.

Esdras 10:2

Insan si Secanias a lakin anak nen Jehiel tan kabyangay boleg nen Elam inkuantod Esdras, “Nankasalanan kamid Dios lapud impangaasawa mid saray bibiin taga arum a bansa. Anggaman ontan, wala niy ilalo na Israel.

Esdras 10:8

Saray pangulo da ray totoo so angiganggan ed saya. Siopamay ag makakar ed loob na taloy agew et naalay amin a kayaryan to tan naekal so kanepegan ton kabyangan na olupan.

Nehemias 13:23

Diad saman met a panaon akabatan ko a dakerakel iray Judion lalaki ya angaasawa na saray bibiin taga Asdod, Ammon, tan Moab.

Nehemias 4:3

Manalalagey ed diking to si Tobias ya Ammonita, tan kuanton inyarum, “Anto kasin padir so nayarian dan ipaalagey? Anggan asod katakelan labat angangko nayarian ton igeba!”

Nehemias 4:7

Nen nadngelan di Sanbalat, Tobias, tan saray totood Arabia, Ammon, tan Asdod ya itutuloy mi so pangipapaalagey lamet ed padir na Jerusalem tan napansasaip mi la ray nagnagba, pinmetang a maung so olo ra.

Saray Salmo 106:35

Ingen, akiasawaan irad sikara, tan tinmombuk irad saray kaogaliyan da.

Exodo 13:5

Sinambaan na Katawan ed saray lalaki yo ya iter tod sikayo so dalin na saray Cananeo, saray Heteo, saray Amorreo, saray Heveo, tan saray Jebuseo. No niakar to kayo lad saman a mayaman tan mataban dalin, silibraan yo yan pista diad ononan bulan na kapag taon.

Exodo 23:23

Onlan onona nen say sikayo so anghil ko tan iyakar to kayo ed dalin na saray Amorreo, saray Heteo, saray Perezeo, saray Cananeo, saray Heveo, tan saray Jebuseo, tan deralen ko ra.

Exodo 33:16

Panoy pakaamta na siopaman a makaliliket kad saray totoom tan diad siak, no ag ka milad sikami? Say kiwawalam ed sikami et mangipanengneng a doma kami ed saray arum a totoo diad tapew na dalin.”

Isaias 52:11

Ag yo sasaewen a taynan so Babilonia, amin yon umaawit na saray kagawaan na Timplo. Ag yo didiwiten so antokaman a marotak onung ed ganggan; pansiansia yon masanto so sikayon dili tan taynan kayo.

Jeremias 26:10

Nen saray pangulo na Juda nadngelan da no antoy agawa, nangganat iran linma ed Timplo manlapud palasio tan inmirung irad pasen da diad Balon Puirta.

Jeremias 26:16

Insan saramay pangulo tan saramay totoo kuandad saray papari tan saray propita, “Ag nepeg a pateyen yan too, lapud nansalita ed sikatayo diad ngaran na Katawan tayon Dios.”

Levitico 18:3

Ag yo aaligen iray kagagawa na saray Egipsio a nanayaman yo nen saman, odino saray kagagawa da ray taga dalin na Canaan a pangyaakaran kod sikayo natan.

Malakias 2:11

Ag tinoor na saray totood Juda so sipan dad Dios tan nanggagawa rad Jerusalem tan diad intiron bansa na mabambanday a bengatla. Dinotakan da so Timplo ya inaro na Katawan. Saray lalaki et angaasawa ra na saray bibiin mangigagalang ed saray diriyos na arum a bansa.

Saray Bilang 23:9

Manlapud tagey na kapokdulan nanengneng ko ra; Manlapud kapokdulan nabantag ko ra. Sakey iran bansan mambibilay a mambukbukor; Amta ra a magmaung niy inkabindisionan da nen saray arum a bansa.

Saray Bilang 25:6

Aminsan walay sakey ya Israelitan angawit ed dalem na tulda to na sakey a biin Madianita, legan a sankanengneng nen Moises tan amin ya Israelita a wala rad lolooban na Tuldan Ayamay Katawan ta maneermen ira.

Deuteronomio 18:9

“No onsabi kayod dalin ya iiter ed sikayo na Katawan a Dios yo, ag yo aaligen iray makapaingongot ya ogali na saray bansan wadman la.

Deuteronomio 23:8

Saray kabyangay boleg da ed kumatlon kailalakan tan mantombuk iran kailalakan et nayarin mikasakey ed saray totoo na Katawan.

Deuteronomio 7:1

“Say Katawan a Dios yo et iyakar to kayod dalin a panayaman yo, tan amayamay a totoo so pataynanen to. Legan yon looban so dalin, pataynanen to ray totoo na pitoran bansa a baleg tan makapanyari nen say sikayo: saray Heteo, saray Gergeseo, saray Amorreo, saray Cananeo, saray Perezeo, saray Hebeo, tan saray Jebuseo.

Josue 23:12

No ipolisay yo so Katawan tan migampi kayod saray akeraan nin bansa tan miasawaan kayod sikara,