Esdras 8:33 - Maung A Balita Biblia

³³ Insan diad kumapat ya agew linma kamid Timplo, sinimbang mi ra may pilak, balituk, tan saray ikakanad Timplo. Kayari mi ran sinimbang, impalima mi rad kinen Meremot a pari a lakin anak nen Urias. Kaiba toy Eleazar a lakin anak nen Finees, tan duaran Levita a di Josabad a lakin anak nen Jesua tan Nodias a lakin anak nen Binui.

Maung a Balita Biblia

³³ Insan diad kumapat ya agew linma kamid Timplo, sinimbang mi ra may pilak, balituk, tan saray ikakanad Timplo. Kayari mi ran sinimbang, impalima mi rad kinen Meremot a pari a lakin anak nen Urias. Kaiba toy Eleazar a lakin anak nen Finees, tan duaran Levita a di Josabad a lakin anak nen Jesua tan Nodias a lakin anak nen Binui.

Esdras 8:33 Iomraidhean Croise

Esdras 10:23

Saray Levita: Josabad, Simei, Kelaya (atawag met a Kelita), Petahias, tan Eliezer

Esdras 2:40

Saray boleg na Levita a pinmawil: Jesua tan Cadmiel (kabyangay iray boleg nen Hodavias)—pitomplo tan apat Saray tumutogtog tan saray kumakanta ed Timplo (Kabyangan iray boleg nen Asaf)—sanlasus, duamplo tan walo Saray guardiad Timplo (kabyangan iray boleg di Sallum, Ater, Talmon, Acub, Hatita, tan Sobai)—sanlasus, talomplo tan siam

Esdras 8:25

Insan ko sinimbang iray ikanad Timplo a pilak, balituk, tan saray ikakana ya inrigalo na impirador, saray sumisimbawa to, saray opisyal to, tan saray arum ya Israelita. Kasumpal kon sinimbang inter ko rad saray papari.

Esdras 8:26

Saraya so inter kod sikara: pilak—duamplo tan liman tonilada sanlasus a pilak ya ikakana—pitomplon kilo balituk—talon libo tan apat a lasus a kilo duamplon balituk a yaung—pitoran kilo duaran pinon gansan yaung—kaparay belat na saramay balituk a yaung

Esdras 8:29

Asikaso yo ran maung anggad nasabi yoy Timplo. Diad loob da ray kuarto na papari, simbang yo rad arap da, insan yo ipalimad saray pangulo na saray papari tan saray Levita, tan diad saray pangulo da ray totood Israel a walad Jerusalem.”

Esdras 8:30

Kanyan inasikaso na saray papari tan saray Levita iray pilak, balituk, tan saray ikakana ya iyakar dad Timplo ed Jerusalem.

Esdras 8:34

Abilang, asimbang, nilista ran amin.

Nehemias 10:9

Saray Levita: Jesua a lakin anak nen Azanias, Binui, a kabyangay boleg nen Henadad, Cadmiel, Sebanias, Hodias, Kelita, Pelaya, Hanan, Mica, Rehob, Hasabias, Zacur, Serebias, Sebanias, Hodias, Bani, tan Beninu.

Nehemias 3:21

Impaalagey nen Meremot a lakin anak nen Urias tan apo nen Haccoz so onsoblay a soldung na padir ya anggad kasamputay abung nen Eliasib.

Nehemias 3:24

Impaalagey nen Binui a lakin anak nen Henadad so onsoblay a soldung na padir manlapud abung nen Azarias ya anggad suyok na padir;

Nehemias 3:4

Impaalagey nen Meremot a lakin anak nen Urias tan apo nen Haccoz so onsoblay a soldung na padir. Impaalagey nen Mesullam a lakin anak nen Berekias tan apo nen Mesezabel so onsoblay a soldung na padir. Impaalagey nen Sadoc a lakin anak nen Baana so onsoblay a soldung na padir.

Nehemias 8:7

Inmalagey iray totoo, tan saray onggendan a Levita so angipaliwawad sikara na Ganggan; Jesua, Bani, Serebias, Jamin, Acub, Sabetai, Hodias, Maasias, Kelita, Azarias, Josabad, Hanan, tan Pelaya.