Esdras 8:23 - Maung A Balita Biblia

²³ Kanyan nanayuno kami tan impikasi mid Dios ya iyagel to kami, et inebatan to ray pikakasi mi.

Maung a Balita Biblia

²³ Kanyan nanayuno kami tan impikasi mid Dios ya iyagel to kami, et inebatan to ray pikakasi mi.

Esdras 8:23 Iomraidhean Croise

Genesis 25:21

Ag mananak si Rebeca, ta lepes, kanyan impikasi nen Isaac. Inebatan na Katawan so pikakasi to, et nanlokun si Rebeca.

2 Saray Arari 13:4

Insan nampikasid Katawan si Joacaz, et inebatan na Katawan so pikakasi to, lapud pakanenengneng tod ontan lan pamapairap na ari na Siria ed saray Israelita.

1 Saray Awaran 5:20

Nanmatalek irad Dios tan kinmerew ira na tulong to. Say Dios inebatan to ray pikakasi ra tan impanalo to rad saray Agareno tan saray kagampi ra.

Esdras 8:31

Tinaynan miy Ilog na Ahava nen kumalabinduan agew na ononan bulan, insan amaarap kamid Jerusalem. Kaiba mi so Dios mi tan inyagel to kamid idogpa tan panabat na saray kalaban legan min nambiahi.

Nehemias 9:1

Diad kumaduamplo tan apat ya agew ed saman met lamlamang a bulan, nantitipon iray totoo ta nanayuno ra a pangipanengneng day ermen dad saray kasalanan da. Imbibiig da lay sikaran dili ed amin da ray sangkaili. Nankakawes iray sako tan iniinan day dabuk so kaolowan da a tanday ermen da. Nanalegey ira, insan da ginapwan ya impapatwa iray kasalanan da tan saray kasalanan da ray lalaki ra.

Ester 4:16

“Laka, ta pantitipon mo ray amin a Judion walad Susa; manayuno kayo tan mampikasi kayon para siak. Ag kayo mamangan odino oniinom na antokaman ed loob na taloy agew tan taloy labi. Onya met so gawaen ko tan saray bibiin managlingkur ed siak. Kayari na sayan gawaen tayo, onla ak ed ari, anggaman a sumlang ed ganggan. No nepeg ya ompatey ak, sipaparaan ak ya ompatey.”

Probirbio 3:5

Manmatalek ka ed Katawan diad intiron pusom. Ag ka manmamatalek ed dilin pakatalus mo.

Isaias 19:22

Dusaen na Katawan iray Egipsio, insan to ra balet paabigen. Ompawil irad sikato, dengelen to ray pikakasi ra tan paabigen to ra.

Jeremias 33:3

“Tawag kad siak, et ebatan ta ka; ibagak ed sika ray makapakelaw tan niamut a bengatlan ag mo ni ra akabatan.

Daniel 9:3

Insan masimoon ak a nampikasi ed Katawan a Dios, nankerew ak ed sikato, nanayuno ak, nankawes ak na sako, tan nanirung ak ed dapul.

Lucas 2:37

insan abalo, tan natan walomplo tan apat taon to lan abalo. Ag la onaalis ed Timplo, tan agew-labin igagalang toy Dios diad panamegley na panaayuno tan pampipikasi to.

Saray Gawgawa 10:30

Inkuanen Cornelio, “Apat agew lay linmabas. Nen singa onyan oras na alas tris ed ngarem, mampipikasi ak ed abung ko. Kabebekta, nanalagey ed arap ko so sakey a lakin masilesileng so kawes to

Deuteronomio 4:29

Diman yo anapen so Katawan a Dios yo et no ipuspuso yon anapen, narumog yo.