Esdras 8:21 - Maung A Balita Biblia

²¹ Diad abay na Ilog na Ahava ingganggan kon manayuno kamin amin tan mampaabeba kamin amin ed arap na Dios mi. Ingganggan ko met a kerewen min iwanwan to kami ed pambiahi mi tan iyagel to kamid kaatapan, sikami, saray anak mi tan amin a kayaryan mi.

Maung a Balita Biblia

²¹ Diad abay na Ilog na Ahava ingganggan kon manayuno kamin amin tan mampaabeba kamin amin ed arap na Dios mi. Ingganggan ko met a kerewen min iwanwan to kami ed pambiahi mi tan iyagel to kamid kaatapan, sikami, saray anak mi tan amin a kayaryan mi.

Esdras 8:21 Iomraidhean Croise

2 Saray Awaran 20:3

Ataktakot si Josafat kanyan kinerew ton iwanwan na Katawan. Insan to ingganggan a nagaway ayuno ed intiron bansa.

2 Saray Awaran 20:4

Nangganat a linmad Jerusalem iray totood balang siudad na Juda, ta kinerew dad Katawan ya iwanwan to ra.

Esdras 8:15

Tinipon ko ya amin iray totoo diad abay na ilog ya onaagos ed baley na Ahava. Nankampo kamid man a taloy agew. Naamtaan kon wala ray papari ed grupo balet anggapo ray Levita.

Esdras 8:31

Tinaynan miy Ilog na Ahava nen kumalabinduan agew na ononan bulan, insan amaarap kamid Jerusalem. Kaiba mi so Dios mi tan inyagel to kamid idogpa tan panabat na saray kalaban legan min nambiahi.

Nehemias 9:1

Diad kumaduamplo tan apat ya agew ed saman met lamlamang a bulan, nantitipon iray totoo ta nanayuno ra a pangipanengneng day ermen dad saray kasalanan da. Imbibiig da lay sikaran dili ed amin da ray sangkaili. Nankakawes iray sako tan iniinan day dabuk so kaolowan da a tanday ermen da. Nanalegey ira, insan da ginapwan ya impapatwa iray kasalanan da tan saray kasalanan da ray lalaki ra.

Ester 4:16

“Laka, ta pantitipon mo ray amin a Judion walad Susa; manayuno kayo tan mampikasi kayon para siak. Ag kayo mamangan odino oniinom na antokaman ed loob na taloy agew tan taloy labi. Onya met so gawaen ko tan saray bibiin managlingkur ed siak. Kayari na sayan gawaen tayo, onla ak ed ari, anggaman a sumlang ed ganggan. No nepeg ya ompatey ak, sipaparaan ak ya ompatey.”

Saray Salmo 137:1

Diad gilig na saray ilog ed Babilonia inmiirung kami; mannangis kamin akanunot diman ed Sion.

Saray Salmo 5:8

Katawan, dakerakel iray kalaban ko! Iwanwan mo ak pan mangonur ed linawam, tan ipalinew mo pay dalan mo a tombuken ko.

Saray Salmo 5:9

Ag napanmatalkan so salita da ray kalaban ko; labay da labat so manderal. Maamuyot so panagsalita ra, balet napnoy makapatey a panamalikdo.

Saray Salmo 8:2

tan ikakanta na saray ogogaw tan saray kapangyanak. Maligen ka tan ag ka nasisigensigen na amin a kalaban mo; sarasarag mon patondaen iray onsusumlang ed sika.

Probirbio 3:6

Diad amin a gawaen mo nunot mo lawas so Katawan, et iwanwan to kad maptek a dalan.

Isaias 30:21

No onsuawi kayod dalan, narengel yod benegan yo so bosis to a mankuan, “Saya so dalan. Tombuk yo.”

Isaias 35:8

Niwalad satan so sakey a maawang a dalan a tatawagey, “Say Dalan na Inkasanto.” Anggapoy makasalanan a manakar ed saman a dalan; anggapo rad may makulang-kulang a mangibalang ed saray ondalan.

Isaias 42:16

“Itabin ko ray bulag a totook diad saray dalan ya ag da nin balut nanakaran. Pagmaliwen kon liwawa so bilonget da tan pataren koy matibagkul a dalin da. Sikara yay sipan ko, et sumpalen ko ran sumpalen.

Isaias 49:10

ag iran balut naerasan odino naapgaan. Ag ira napasakitan na petang na agew tan makasinit a dagem, ta iwanwan ira na samay maarod sikara. Iwanwan to rad abay na sobul na danum.

Isaias 58:3

Tepet na saray totoo, “Akin et manayuno kami no ag lamlamang imanoen na Katawan so panayuno mi? Akin et manayuno kami anta ag met lamlamang imanoen na Katawan so ag mi pangan?” Say Katawan kuantod sikara, “Say katwaan to ibabansag yod panagayuno yo so panggagawa yoy pankaabigan yon dili tan say pamapairap yod saray kumikimey yo.

Isaias 58:5

No manaayuno kayo, papairapen yoy sikayon dili; itetewek yon singa dika so olo yo tan mangyaaplag kayoy sako tan tatayakan yoy dapul so dokulan yo. Ontan so tatawagen yon panagayuno? Abaloan yon manliket ak ed satan?

Jeremias 10:23

Katawan, amtak ya anggapoy siopaman a toon walad lima toy pansumpalan to; anggapoy toon nabembenan toy dilin bilay to.

Jeremias 42:3

Pikasim pa a say Katawan a Dios tayo et ipanengneng tod sikami so nepeg min laen tan gawaen.”

Daniel 9:3

Insan masimoon ak a nampikasi ed Katawan a Dios, nankerew ak ed sikato, nanayuno ak, nankawes ak na sako, tan nanirung ak ed dapul.

Joel 1:14

Iganggan yon nagawa so sakey a panayuno; pantitipon yo ray totoo. Pantitipon yo ray pangulo tan amin da ray totood Juda. Pantitipon yo ra ed Timplo na Katawan a Dios yo tan tawag kayod sikato!

Levitico 16:29

Saray onggendan a totontonen et nepeg a tombuken ira ya anggan kapigan man a panaon. Diad kumaplon agew na kumapiton bulan, saray Israelita tan saray sangkailin manaayam ed kawalaan da et nepeg a manayuno ra tan ag ira mankimey.

Levitico 16:31

Sayan agew et masanton tuloy, kanyan saray totoo et nepeg a manayuno ra tan ag ira mankimey. Sarayan totontonen et nepeg a tombuken ira ya anggan kapigan man a panaon.

Levitico 23:29

Siopamay mangan ed satan ya agew ag la nibilang a sakey ed saray totoo na Dios.

Jonas 3:5

Sinisia na saray totood Ninive so impaibalita na Dios. Kanyan nampapaknaan da a manayuno so balang sakey ed sikara, tan amin a totoo, manlapud sankatageyan ya anggad sankaabebaay kipapasen, et nansolung ira na sako a pangipanengneng da a nagbabawi ra.

Jonas 3:7

Impaibawag tod saray totood Ninive: “Sikato yay ganggan na ari tan saray opisyal to: Anggapoy siopaman a mangan; amin a totoo, amin a baka, tan amin a karniro et nisebel ed sikaran mangan odino oninom.

Saray Bilang 14:3

Akin et say Katawan iyakar to itayod saman a dalin? Napatey itayo ed bakal, tan nadakep iray kaasawaan tan saray anak tayo. Ag magmaung nin ompawil itayod Egipto?”

Saray Bilang 14:31

Imbaga yo a nadakep iray anak yo, balet iyakar ko rad saman a dalin ya ag yo labay, tan sikatoy panayaman da.

Saray Gawgawa 2:39

Ta insipay Dios yad sikayo tan saray anak yo, tan diad saray amin a walad arawi—amin a tatawagen na Dios a Katawan tayo.”

Saray Huis 20:26

Insan amin da ray Israelita linma rad Betel tan nanermen ira. Nanirung irad man ed arap na Katawan tan ag iran balut angan anggad labi. Angisaklang ira na saray bagat a popoolan tan saray bagat a para kareenan—insaklang da ra yan amin ed arap na Katawan.

1 Samuel 7:6

Kanyan nantitipon iran amin ed Mizpa. Angala ray danum tan imbales dan imbagat ed Katawan, tan nanayuno ran sanagew. Inkuanda, “Nankasalanan kamid Katawan.” (Diad Mizpa so nansintinsiaan nen Samuel ed saray kolkolan da ray Israelita.)