Esdras 7:8 - Maung A Balita Biblia

^8-9 Tinaynan day Babilonia nen ononan agew na ononan bulan, et diad pananulong na Dios akasabi rad Jerusalem nen ononan agew na kumaliman bulan.

Maung a Balita Biblia

^8-9 Tinaynan day Babilonia nen ononan agew na ononan bulan, et diad pananulong na Dios akasabi rad Jerusalem nen ononan agew na kumaliman bulan.

Esdras 7:8 Iomraidhean Croise

Esdras 10:9

Diad loob na taloy agew, linmad Jerusalem iray amin a lalakin manaayam ed dalin na Juda tan Benjamin. Nantitipon irad plasa na Timplo nen kumadwamplon agew na kumasiam a bulan. Mammaples a maung so oran ed saman, et lapud onyay panaon tan lapud ambelat so makasengeg na nantitiponan da, manggiwgiw so balang sakey ed sikara.

Esdras 7:7

Iinmay Esdras ed Jerusalem a kaiba toy sakey a grupo na saray Israelita, a pati saray papari, saray Levita, saray tumugtogtog tan saray kumakanta ed Timplo, saray guardiay Timplo, tan saray kumikimey. Agawa ya nen kumapitoy taon na panooley nen Ari Artajerjes.

Esdras 8:32

Nen akasabi kamid Jerusalem, nampainawa kami na taloran agew.

Esdras 9:9

Naaripen kami, balet ag mo kami pinaolyan ed saman a kipapasen. Lapud ag mangoman a panangarom initdan mo ray impirador ed Persia na puson maabagey ed sikami, kanyan inabuloyan da kami nin mambilay tan mangipaalagey lamet na Timplom ya aderal-deral. Inabuloyan da kami met a mambilay ya arawid kaatapan diad Juda tan diad Jerusalem.

Ester 2:16

Kanyan diad kumapiton taon na panooley nen Ari Asuero, diad kumaplon bulan a tatawagey Tebet, niakar si Ester ed palasio na ari.

Daniel 9:25

Amtaen tan talusan mo ya: Manlapud kipaakseb na ganggan a nipawil ed gendat a kipapasen so Jerusalem ya anggad isabi na pangulon pinili na Dios, mamimpiton pitoran taon so napalabas. Nipaalagey lamet so Jerusalem; nipawil iray dalan tan saray mabiskeg a tirinsira to, tan mansiansia ra ya a mamimpiton anemaplo tan duan taon, balet panaon ya na saray gunigon.