Esdras 7:28 - Maung A Balita Biblia

²⁸ Lapud ag mangoman a panangaro na Dios nalak so maung a linawa na impirador, saray sumisimbawa to, tan amin da ray makapanyarin opisyal to. Say Katawan a Dios initdan to ak na biskeg na linawa, et ayarian kon atanggoyur a milad siak ya ompawil iray amayamay a pangulo na saray boleg da ray Israelita.”

Maung a Balita Biblia

²⁸ Lapud ag mangoman a panangaro na Dios nalak so maung a linawa na impirador, saray sumisimbawa to, tan amin da ray makapanyarin opisyal to. Say Katawan a Dios initdan to ak na biskeg na linawa, et ayarian kon atanggoyur a milad siak ya ompawil iray amayamay a pangulo na saray boleg da ray Israelita.

Esdras 7:28 Iomraidhean Croise

Genesis 32:28

Inkuanto may too, “Aliwa lan Jacob so ngaran mo. Akibalsakan kad Dios tan saray totoo, et analo ka; kanyan Israel la so ngaran mo.”

Genesis 43:14

Iyabuloy komun na Dios a Makapanyarin-amin a kasian to kayo tay too, pian ipawil tod sikayo si Benjamin tan samay sakey ya agi yo. Para say siak, no nepeg a naandid siak iray anak ko, sipaparaan ak.”

Esdras 5:5

Balet ag pinaolyan na Dios iray pangulo na saray Judio, kanyan ag ira pinatonda na saray opisyal na Persia, anggad ag da pakasulat ed Impirador Dario tan pakaawat na ebat to.

Esdras 7:14

Siak tan saray pitoran sumisimbawak so mangibabakid sika, pian nanengneng moy kipapasen na Jerusalem tan Juda. Nengneng mo no panon so pakakaonur diman ed nimatalek ed sikan Ganggan na Dios mo.

Esdras 7:6

Sakey ya iskriba si Esdras tan kabkabat toy Ganggan ya inter na Katawan a Dios na Israel ed kinen Moises. Lapud walad kinen Esdras so bindision na Dios, inter na ari ed sikato so antokaman a kerewen to. Manlapud Babilonia

Esdras 8:1

Sikato yay listaan da ray pangulo na saray boleg a nibantak ed Babilonia tan pinmawil ed Jerusalem a kaiba ray Esdras nen si Artajerjes so impirador:

Esdras 8:15

Tinipon ko ya amin iray totoo diad abay na ilog ya onaagos ed baley na Ahava. Nankampo kamid man a taloy agew. Naamtaan kon wala ray papari ed grupo balet anggapo ray Levita.

Esdras 8:18

Lapud panangaro na Dios imbaki rad sikami si Serebias a marunong a laki tan sakey a Levitan kabyangay boleg nen Mahli; akilad sikatoy labinwalo ed saray lalakin anak tan agagi to.

Esdras 9:9

Naaripen kami, balet ag mo kami pinaolyan ed saman a kipapasen. Lapud ag mangoman a panangarom initdan mo ray impirador ed Persia na puson maabagey ed sikami, kanyan inabuloyan da kami nin mambilay tan mangipaalagey lamet na Timplom ya aderal-deral. Inabuloyan da kami met a mambilay ya arawid kaatapan diad Juda tan diad Jerusalem.

Nehemias 1:11

Dengel mo natan so pikakasik tan saray pikakasi da ray arum ya ariripen mo a labay da kan pagalangan. Paaligwas mo ak pa natan, tan iyabuloy mon kasian ak na impirador.” Diad saraman ya agew siak so makaoley ed alak na impirador.

Nehemias 2:8

Akikerew ak met na sulat a para si Asaf, say manaasikasod saray takel na ari. Imbaga na sulat ya itdan ak nen Asaf na saray troso ya ikanad saray puirta na tirinsiran mangguardiad Timplo, para saray padir na siudad, tan para abung a panayaman ko. Inter ed siak na impirador iray amin a kerew ko, lapud kaibak so Dios.

Saray Salmo 109:12

Anggapo komuy mangasid sikato; anggapo komuy mangasikasod saray nataynan ton olilan anak to.

Jonas 3:7

Impaibawag tod saray totood Ninive: “Sikato yay ganggan na ari tan saray opisyal to: Anggapoy siopaman a mangan; amin a totoo, amin a baka, tan amin a karniro et nisebel ed sikaran mangan odino oninom.