Esdras 7:17 - Maung A Balita Biblia

¹⁷ “Apiger mon isaliw yan kuarta na saray bakan kalakyan, saray karniron kalakyan, saray kordiro, say trigo, tan say alak. Isaklang mo ra ed tapew na altar ed Timplod Jerusalem.

Maung a Balita Biblia

¹⁷ Apiger mon isaliw yan kuarta na saray bakan kalakyan, saray karniron kalakyan, saray kordiro, say trigo, tan say alak. Isaklang mo ra ed tapew na altar ed Timplod Jerusalem.

Esdras 7:17 Iomraidhean Croise

Esdras 6:12

Say Dios ya amilid Jerusalem a pasen a panangigalangan ed sikato et taloen to komun so siopaman ya ari o dinanman a bansan ag mangitaltalek ed sayan ganggan tan salien ton deralen so Timplod tan. Siak, si Dario, so mangigaganggan. Nepeg a sigput so pangonur ed ganggan ko.”

Esdras 7:18

Nayarian mon ikana so nakeraan a pilak tan balituk ed antokaman a labay mo tan saray kabansaan mo onung ed linawa na Dios yo.

Isaias 16:1

Manlapud kalawakan ed siudad na Sela saray taga Moab et ama-iyakar ira na sakey a kordiron rigalo rad manooley ed Jerusalem.

Saray Bilang 15:3

Say bakan kalakyan, say karniron kalakyan, say karniron kabatyan, odino say kanding et nayarin iyapay ed Katawan a sakey a bagat a popoolan, odino sakey a bagat a panumpal na sipan, odino sakey a bagat a manlapud mabolus a linawa, odino sakey a bagat no silibraan yo ray niganan pista yo; makapaliket ed Katawan so balingit na sarayan bagat.

Juan 2:14

Anengneng tod dalem na Timplo ray totoon manlalakoy baka, karniro, tan malapati, tan saray akayorung a mansasalat na kuarta.