Esdras 7:15 - Maung A Balita Biblia

¹⁵ Sikay mangawit na saray pilak tan balituk a labay ko tan saray sumisimbawak ya ibagat ed Dios na Israel a walad Jerusalem so Timplo to.

Maung a Balita Biblia

¹⁵ Sikay mangawit na saray pilak tan balituk a labay ko tan saray sumisumbawak ya ibagat ed Dios na Israel a walad Jerusalem so, Timplo to.

Esdras 7:15 Iomraidhean Croise

1 Saray Awaran 29:6

Insan saray pangulo da ray boleg, saray opisyal da ray tribu, saray kapitan da ray sondalo, tan saray makaoley ed saray kayaryan na ari et mabolus so linawa ran angiter

2 Saray Awaran 2:6

Balet say katwaan to anggapoy makapangipaalagey na timplon para Dios, lapud ag nakarga na anggan say intiron kabaleg na tawen so Dios mi. Kanyan panon so pakapangipaalagey ko na timplon para sikato? Say nayarian kon ipaalagey labat et say sakey a pasen a pampoolan na insinso ed Dios.

2 Saray Awaran 32:23

Amayamay iray totoon linmad Jerusalem a sankaawit da ray bagat dad Katawan tan saray rigalo rad kinen Ezekias; kanyan nanlapud saman ya agawa, igagalang na amin a totood arum a bansa si Ezekias.

2 Saray Awaran 6:2

Amaalagey ak natan na marakerakep a timplon para sika, sakey a pasen a panayaman mo ed ando lan ando.”

2 Saray Awaran 6:6

Balet natan pinilik so Jerusalem a pasen a pangigalangan ed siak, tan pinili ta ka, David, a manoley ed saray totook.’”

Esdras 1:6

Tinulongan ira na saray kaabay da diad impangiter dad sikara na saray ikakanan pilak, balituk, saray abasto, saray ayayep, saray arum a mabmablin kagawaan, tan saray bagat ya isaklang ed Timplo.

Esdras 6:12

Say Dios ya amilid Jerusalem a pasen a panangigalangan ed sikato et taloen to komun so siopaman ya ari o dinanman a bansan ag mangitaltalek ed sayan ganggan tan salien ton deralen so Timplod tan. Siak, si Dario, so mangigaganggan. Nepeg a sigput so pangonur ed ganggan ko.”

Esdras 6:4

Saray padir nepeg a tapewan na tabla diad balang mikatlon dasig na baton nantatapewan. Manlapud kayamanan na palasio so amin a gastosen.

Esdras 7:14

Siak tan saray pitoran sumisimbawak so mangibabakid sika, pian nanengneng moy kipapasen na Jerusalem tan Juda. Nengneng mo no panon so pakakaonur diman ed nimatalek ed sikan Ganggan na Dios mo.

Esdras 8:25

Insan ko sinimbang iray ikanad Timplo a pilak, balituk, tan saray ikakana ya inrigalo na impirador, saray sumisimbawa to, saray opisyal to, tan saray arum ya Israelita. Kasumpal kon sinimbang inter ko rad saray papari.

Saray Salmo 135:21

Idayew yoy Katawan diad Sion, diad Jerusalem a panaayaman to. Idayew yoy Katawan!

Saray Salmo 26:8

Katawan, inarok so abung a panaayaman mo, say pasen a kawalaay kagalangan mo.

Saray Salmo 72:10

Saray arari na Espanya tan saray arari na saray isla et mangiter irad sikato na saray rigalo; saray arari na Arabia tan Etiopia et mangiter irad sikato na saray bagat.

Saray Salmo 76:11

Sumpal yo ray insipan yod Katawan a Dios yo; amin yon kaliber-liber a bansa, mangawit kayo ray rigalod sikato. Say Dios patatakoten tod sikato iray totoo;

Saray Salmo 76:2

Walad Jerusalem so abung to; manaayam ed Palandey na Sion.

Saray Salmo 9:11

Kantaan yoy pangidayew so Katawan a manaayam ed Sion! Ibawag yod saray bansa iray gawgawa to!