Esdras 7:14 - Maung A Balita Biblia

¹⁴ Siak tan saray pitoran sumisimbawak so mangibabakid sika, pian nanengneng moy kipapasen na Jerusalem tan Juda. Nengneng mo no panon so pakakaonur diman ed nimatalek ed sikan Ganggan na Dios mo.

Maung a Balita Biblia

¹⁴ Siak tan saray pitoran sumisumbawk so mangibabakid sika, pain nanengneng moy kipapasen na Jerusalem tan Juda. Nengneng mo no panon so pakakaonur diman ed nimatalek ed sikan Ganggan na Dios mo.

Esdras 7:14 Iomraidhean Croise

Esdras 1:3

Niwala komuy Dios ed sikayon amin a totoo to. Nepeg yoy onla ed Jerusalem na Juda, ta ipaalagey yo lamet so Timplo na Katawan, say Dios na Israel, say Dios a gagalangen ed Jerusalem.

Esdras 5:8

“Ipakabat mid sika, Kagalang min Impirador, a linma kamid luyag na Juda. Et arumog mi a nipapaalagey lamet so Timplo na matalonggaring a Dios. Ankakabaleg a tinabas a bato tan saray kiew so nikakana. Inapiapiger tan anggapoy tonda so kimey.

Esdras 6:12

Say Dios ya amilid Jerusalem a pasen a panangigalangan ed sikato et taloen to komun so siopaman ya ari o dinanman a bansan ag mangitaltalek ed sayan ganggan tan salien ton deralen so Timplod tan. Siak, si Dario, so mangigaganggan. Nepeg a sigput so pangonur ed ganggan ko.”

Esdras 6:8

Igaganggan kod sikayo a tulongan yo ran mangipaalagey lamet. Nepeg a nabayaran a tampol iray amin a gagastosen da; say kuartad palasio a natitipon manlapud saray buis na Sagur na Eufrates so pangalaan na ibayar, pian ag ontonda so kimey.

Esdras 7:15

Sikay mangawit na saray pilak tan balituk a labay ko tan saray sumisimbawak ya ibagat ed Dios na Israel a walad Jerusalem so Timplo to.

Esdras 7:28

Lapud ag mangoman a panangaro na Dios nalak so maung a linawa na impirador, saray sumisimbawa to, tan amin da ray makapanyarin opisyal to. Say Katawan a Dios initdan to ak na biskeg na linawa, et ayarian kon atanggoyur a milad siak ya ompawil iray amayamay a pangulo na saray boleg da ray Israelita.”

Esdras 8:25

Insan ko sinimbang iray ikanad Timplo a pilak, balituk, tan saray ikakana ya inrigalo na impirador, saray sumisimbawa to, saray opisyal to, tan saray arum ya Israelita. Kasumpal kon sinimbang inter ko rad saray papari.

Ester 1:14

Saray sankabetbetan a kerewan toy simbawa et di Carsena, Setar, Admata, Tarsis, Meres, Marsena tan Memucan—pitoran opisyal na Persia tan Media a sankatageyan iran betang so bebembenan da ed nanarian.

Isaias 8:20

Onya so iyebat mod sikara, “Dengel yoy ibabangat ed sikayo na Katawan! Ag yo dedengelen iray managpanon ed saray ispiritu na inaatey—ag da napaandi so gunigon.”

Daniel 2:47

Inkuan na ari, “Say Dios mo so sankatalonggaringan ed amin da ray diriyos, say Katawan da ray arari, tan sikato so mangipapaamta ed kabaliksan na saray mistirio. Amtak ya, lapud ayarian mon impaliwawa so kabaliksan na sayan mistirio.”

Daniel 6:20

Kasabi tod samay abut, mapagpagan kinmulyaot, “Daniel ya aripen na mabilay a Dios! Ayarian kan niagel ed saray lion na Dios a matoor mon panlilingkuran?”

Daniel 6:26

Igaganggan ko ed intiron impiriok a nepeg a takotan tan galangen na amin a too so Dios nen Daniel. “Sikatoy mabilay a Dios, tan sikatoy manoley ed ando lan ando. Ag balut naderal so panarian to, tan ag balut mangangga so pakayari to.

Zacarias 6:10

Inkuanto, “Alam iray rigalon inter na saray totoon nibantak ed arum a bansa a di Heldai, Tobias, tan Jedaya, tan lakan tampol ed abung nen Josias a lakin anak nen Sofonias. Amin da ra yan lalaki et pinmawil iran nanlapud Babilonia ya inkibantakan da.