Esdras 7:1 - Maung A Balita Biblia

¹ Linmabas so amayamay a taon. Nen impirador na Persia si Artajerjes, walay sakey a lakin manngaran na Esdras ya anak nen Seraya a lakin anak nen Azarias, a lakin anak nen Helcias.

Maung a Balita Biblia

¹ Linmabas so amayamay a taon. Nen impirador na Persia si Artajerjes, walay sakey a lakin manngaran na Esdras ya anak nen Seraya a lakin anak nen Azarias, a lakin anak nen Helcias.

Esdras 7:1 Iomraidhean Croise

2 Saray Arari 22:4

“Lakad kinen Pangulon Pari a si Helcias, ta nengneng mo no pigara lay kuartan nanlapud saray totoo ya atipon na saray paparin nipasen ed lolooban na Timplo.

2 Saray Arari 22:8

Imbaga nen Safan ed kinen Helcias so ganggan na ari, tan imbaga nen Helcias ed sikato a nalmo tod dalem na Timplo so Libro na Ganggan. Inter nen Helcias ed kinen Safan so libro, tan binasa to.

2 Saray Arari 25:18

Si Nebuzaradan, say pangulo na saray sondalon taga Babilonia et inala to met a priso ira di Seraya a Pangulon Pari, Sofonias ya onkumadwad Pangulon Pari, tan saray talora nin manonan opisyal na Timplo.

2 Saray Awaran 34:15

Inkuantod kinen Safan, “Nalmok diad Timplo so libro na Ganggan.” Inter tod Safan imay libro,

2 Saray Awaran 34:9

Nipalima ed kinen Hilcias a Pangulon Pari so kuarta ya akoliktad Timplo na saray Levitan guardia. (Sayan kolikta et iniiter na saray taga Efraim, Manases, tan saray arum nin pasen ed Nanarian ed Baybay tan saray taga Juda, Benjamin, tan Jerusalem.)

Esdras 4:7

Diad legan na panooley nen Impirador Artajerjes ed Persia nansulat ed impirador ira di Bislam, Mitredates, Tabeel, tan saray kakaiba ra. Say salitan Aramaica so inkana ed sayan sulat da, kanyan nepeg ya ipatalus no ibasa.

Esdras 6:14

Saray pangulo da ray Judio et maples so impangipaalagey dad Timplo, ta apabiskeg so linawa ra lapud saray salita di propita Aggeo tan Zacarias. Asumpal dan impaalagey so Timplo onung na impaiganggan ed sikara na Dios na Israel, tan di Ciro, Dario, tan Artajerjes ya impirador irad Persia.

Esdras 7:10

Inapasakey la nen Esdras so bilay to diad panaral tan pangonur tod Ganggan, tan diad pangibangat tod saray Israelita na saray bilin tan saray totontonen a walad Ganggan.

Esdras 7:12

“Nanlapu yan kaletan ed Impirador Artajerjes diad kinen Esdras a pari a kabkabat toy Ganggan na Dios na Tawen.

Esdras 7:2

Si Helcias et lakin anak nen Sallum, a lakin anak nen Sadoc, a lakin anak nen Ahitob.

Esdras 7:21

“Siak, si Impirador Artajerjes, igaganggan ta kayon amin a makaoley ed kayamanan na Luyag na Sagur na Eufrates ya iter yon tampol iray amin a kerewen nen Esdras a pari a kabkabat toy Ganggan na Dios na Tawen.

Nehemias 11:11

Si Seraya a lakin anak nen Helcias tan apo nen Mesullam. Saray arum a lalaki to et di Sadoc, Meraiot, tan Ahitob a Pangulon Pari.

Nehemias 2:1

Aminsan ya agew nen bulan na Nisan diad kumaduamploy taon na panooley nen Impirador Artajerjes, inyakaran koy alak nen akarongo. Ag to ak nin balut anengneng a maermen nen saman,

Nehemias 8:1

Diad kumapiton bulan saray totood Israel et manaayam la rad saray dilin baley da. Nen ononan agew na saman a bulan nantitipon iran amin ed Jerusalem diad plasa a walad kaloob ed Puirta na Danum. Kinerew dad kinen Esdras, say pari tan iskriba na Ganggan ya inter na Katawan ed Israel diad panamegley nen Moises, ya alaen toy libro na Ganggan.