Esdras 6:14 - Maung A Balita Biblia

¹⁴ Saray pangulo da ray Judio et maples so impangipaalagey dad Timplo, ta apabiskeg so linawa ra lapud saray salita di propita Aggeo tan Zacarias. Asumpal dan impaalagey so Timplo onung na impaiganggan ed sikara na Dios na Israel, tan di Ciro, Dario, tan Artajerjes ya impirador irad Persia.

Maung a Balita Biblia

¹⁴ Saray pangulo da ray Judio et maples so impangipaalagey dad Timplo, ta apabiskeg so linawa ra lapud saray salita di propita Aggeo tan Zacarias. Asumpal dan impaalagey so Timplo onung na impaiganggan ed sikara na Dios na Israel, tan di Ciro, Dario, tan Artajerjes ya impirador irad Persia.

Esdras 6:14 Iomraidhean Croise

Esdras 3:8

Kanyan diad kumadwan bulan ed kumadwan taon manlapud samay insabi rad kawalaan na Timplo na Katawan diad Jerusalem, inggapo ray kimey. Nantutulongan a nankimey ira di Zorobabel, Josue, saray amin a kakanayon da, saray papari, tan saray Levita. Diad tuay tua tinmulong ya amin iray Israelitan pinmawil ed Jerusalem. Nipasen a makaoley ed amin a kimey ed Timplo iray amin a Levitan mantaon na duamplo a mampaatagey.

Esdras 4:24

Apatonday kimey ed Timplo tan nansiansian ag adiwit ya anggad kumadwan taon na panooley nen Impirador Dario na Persia.

Esdras 4:3

Inkuan ed sikara di Zorobabel, Josue, tan saray pangulo da ray boleg, “Ag mi kaukolay tulong yod pangipaalagey na sakey a timplo para Katawan a Dios mi. Sikamin diliy mangipaalagey onung na ingganggan ed sikami nen Impirador Ciro na Persia.”

Esdras 5:1

Diad sayan panaon inggapo di propita Aggeo tan Zacarias a lakin anak nen Iddo so nampulong ed ngaran na Dios na Israel ed saray Judion manaayam ed Juda tan Jerusalem.

Esdras 5:13

Insan diad ononan taon na impanoley nen Impirador Ciro ed Babilonia, ingganggan ton ipaalagey mi lamet so Timplo.

Esdras 5:2

Nen nadngel di Zorobabel a lakin anak nen Salatiel tan Josue a lakin anak nen Josadac so pulong da, intubat day kimey ed Timplo ed Jerusalem. Tinmulong ed sikara ira may duaran propita.

Esdras 6:3

“Diad ononan taon na impanoley nen Impirador Ciro, ingganggan ton ipaalagey lamet ed Jerusalem so Timplo a pambagatan tan pangisaklangan na saray bagat a popoolan. Nepeg a talomplon mitro so kaatagey tan talomplon mitro so kaawang na ipaalagey lamet a Timplo.

Esdras 6:8

Igaganggan kod sikayo a tulongan yo ran mangipaalagey lamet. Nepeg a nabayaran a tampol iray amin a gagastosen da; say kuartad palasio a natitipon manlapud saray buis na Sagur na Eufrates so pangalaan na ibayar, pian ag ontonda so kimey.

Esdras 7:1

Linmabas so amayamay a taon. Nen impirador na Persia si Artajerjes, walay sakey a lakin manngaran na Esdras ya anak nen Seraya a lakin anak nen Azarias, a lakin anak nen Helcias.

Esdras 9:9

Naaripen kami, balet ag mo kami pinaolyan ed saman a kipapasen. Lapud ag mangoman a panangarom initdan mo ray impirador ed Persia na puson maabagey ed sikami, kanyan inabuloyan da kami nin mambilay tan mangipaalagey lamet na Timplom ya aderal-deral. Inabuloyan da kami met a mambilay ya arawid kaatapan diad Juda tan diad Jerusalem.

Nehemias 6:15

Kayariy impankimey a limamplo tan duay agew, asumpal so impamaalagey lamet ed padir nen kumaduamplo tan liman agew na bulan na Elul.

Isaias 44:28

Ikokuankod kinen Ciro, ‘Sikay mangilaman ed siak a manoley; onuren mo so labay kon pagawad sika; iganggan mon nipaalagey lamet so Jerusalem tan nilira iray pundasion na Timplo.’”

Aggeo 1:1

Diad ononan agew na kumanem a bulan na kumadwan taon na panaari nen Dario ed Persia, say Katawan nansalita diad panamegley nen propita Aggeo. Say sinalita na Katawan et para si Zorobabel a gobirnador na Juda tan lakin anak nen Sealtiel, tan para si Josue a Pangulon Pari tan lakin anak nen Josadac.

Aggeo 1:8

Laka yo lad kapokdulan ta mangala kayoy kiew, tan ipaalagey yo lamet so Timplo; diad satan siak so napaliket tan nagalang ak onung na manepeg a kigalang ko.

Zacarias 1:1

Nen kumawalon bulan na kumadwan taon na panaari nen Dario ed Persia, say Katawan akisalitad kinen propita Zacarias a lakin anak nen Berekias tan apo nen Iddo.

Zacarias 1:16

Kanyan pinmawil ak ed Jerusalem ta kasian koy siudad. Napasimbalon nipaalagey so Timplok tan nipaalagey lamet so siudad.”

Zacarias 4:9

Inkuanto, “Inlira nen Zorobabel so pundasion na Timplo, et sumpalen ton ipaalagey. No nagawa ya, naamtaan na saray totook a siak so angibakid sika ed sikara.

Zacarias 8:9

“Mampabiskeg kayoy linawa! Narerengel yo natan ira may salitan imbabaga na saray propita diad samay panaon a nililira so pundasion diad pamapasimbaloy kipaalagey na Timplo.