Esdras 6:1 - Maung A Balita Biblia

¹ Kanyan ingganggan nen Impirador Dario a nagaway pansokay ed saray awaran na ari a nisinup ira ed Babilonia.

Maung a Balita Biblia

¹ Kanyan ingganggan nen Impirador Dario a nagaway pansokay ed saray awaran na ari a nisinup ira ed Babilonia.

Esdras 6:1 Iomraidhean Croise

Esdras 4:15

a pasokayan mo ray awaran na saray lalakim. No gawaen mo ya, naamtaan mo a sayan siudad et mananumlang tan nanlapu la nen saman naniiter na gunigon ed saray arari tan saray manoley ed saray luyag. Gendat a mairap ya oleyan iray totoo to. Sikato yay makasengeg no akin et aderal iman a siudad.

Esdras 4:19

Ingganggan kon nagawa so sakey a panosisa, et arumog a nanlapu la nen saman linmalaban a tua so Jerusalem ed saray arari, tan amayamay iray manaayam diman a mananumlang tan managgaway gulo.

Esdras 5:17

“Natan sirin, Kagalang min Impirador, no isisipen mon pankaabigan, pasokayan mo pad saray awaran na ari diad Babilonia, ta nengneng mo no kasi ingganggan nen Impirador Ciro odino andi ya ipaalagey lamet so Timplo ed Jerusalem. Kasumpal to, ipakabat mo pad sikami no antoy labay mon nagawa nipaakar ed sayan pamaakaran.”

Esdras 6:22

Pitoy agew a sigput so liket dan nansilibra ed Pistay Tinapay ya Anggapoy Libadura. Malikeliket ira lapud ginawa na Katawan so Impirador na Asiria a maabig so linawa tod sikara, kanyan initdan to ra na ginastos dad impangipaalagey da lamet ed Timplo na Dios na Israel.

Esdras 7:13

“Igaganggan ko ya amin da ray Israelitan walad sakop na panooleyan ko, saray papari, tan saray Levitan malabay a milad sika ed Jerusalem et naabuloyan ira.

Say Libro nen Job 29:16

Singa ak ama ed saray mairap-bilay, tan akigampi ak ed saray sangkailin walay gunigon.

Saray Salmo 40:7

kanyan inmebat ak, “Wadya ak; saray bilibilin mod siak et wala rad libro na Ganggan.

Probirbio 25:2

Papagalangen tayoy Dios lapud pangyaamut tod saray bengatla, balet papagalangan tayo ray arari lapud saray pangipapaliwawa rad saray bengatla.

Jeremias 36:29

Imbaga na Katawan ed siak ya ikuankod kinen Ari Joakim yan salita to, “Pinoolan mo may babasaen, tan tinepet mod kinen Jeremias no akin et insulat ton onsabi so ari na Babilonia a manderal ed sayan dalin, tan pateyen to ray totoo tan saray ayayep dia.

Jeremias 36:32

Insan angala ak na sananey a nilokut a pansulatan tan inter kod sikritariok a si Baruc. Insulat ed satan nen Baruc iray amin ya indiktak. Insulat ton amin iray logan na samay nilokut a babasaen a pinoolan nen Ari Joakim tan saray salita a miparpara ed saramay indiktak ed sikato.

Ezekiel 2:9

Anengneng koy liman onaarap ed siak, tan sankabembenan toy nilokut a babasaen.

Ezekiel 3:1

Inkuan na Dios, “Sika a toon ompatey, akan mo yan nilokut a babasaen; insan ka onlan mansalita ed saray totood Israel.”

Daniel 9:25

Amtaen tan talusan mo ya: Manlapud kipaakseb na ganggan a nipawil ed gendat a kipapasen so Jerusalem ya anggad isabi na pangulon pinili na Dios, mamimpiton pitoran taon so napalabas. Nipaalagey lamet so Jerusalem; nipawil iray dalan tan saray mabiskeg a tirinsira to, tan mansiansia ra ya a mamimpiton anemaplo tan duan taon, balet panaon ya na saray gunigon.

Puyan 5:1

Anengneng kod kawanan a lima na samay akayorung ed trono so sakey a babasaen a nilokut. Asulatan a duay pagpag to, tan sinaraay pitoran timbri.