Esdras 4:7 - Maung A Balita Biblia

⁷ Diad legan na panooley nen Impirador Artajerjes ed Persia nansulat ed impirador ira di Bislam, Mitredates, Tabeel, tan saray kakaiba ra. Say salitan Aramaica so inkana ed sayan sulat da, kanyan nepeg ya ipatalus no ibasa.

Maung a Balita Biblia

⁷ Diad legan na panooley nen Impirador Artajerjes ed Persia nansulat ed impirador ira di Bislam, Mitredates, Tabeel, tan saray kakaiba ra. Say salitan Aramaica so inkana ed sayan sulat da, kanyan nepeg ya ipatalus no ibasa.

Esdras 4:7 Iomraidhean Croise

2 Saray Arari 18:26

Insan inkuan di Eliakim, Sebna, tan Joas ed samay opisyal, “Mansalita kad sikamiy Aramaica, ta natalusan mi. Ag ka mansasalitay Hebreo, ta ondedengel iray totoon walad tapew na padir.”

Esdras 4:1

Nadngelan na saray kalaban da ray totoo ed Juda tan Benjamin a saray pinmawil ed Jerusalem manlapud inkibantakan dan bansa et ipapaalagey da lamet so Timplo na Katawan a Dios na Israel.

Esdras 4:17

Impawit na impirador yan ebat: “Awat yoy pabanok ed sikayo: Rehum a gobirnador, Simsai a sikritario na luyag, tan saray kaiba yo a manaayam ed Samaria, tan saray arum a pasen ed Sagur na Eufrates.

Esdras 4:8

Nansulat met ed impirador si Rehum a gobirnador, tan si Simsai a sikritario na luyag. Saya so sulat diad Impirador Artejerjes nipaakar ed Jerusalem:

Esdras 4:9

“Nanlapu yan sulat ed kinen Rehum a gobirnador, tan si Simsai a sikritario na luyag, saray kakaiba ra, saray huis, saray arum ya opisyal a gendat iran taga Erec, Babilonia, tan Susa, diad dalin na Elam,

Esdras 5:6

Saya so sulat ya impawit dad impirador:

Esdras 7:1

Linmabas so amayamay a taon. Nen impirador na Persia si Artajerjes, walay sakey a lakin manngaran na Esdras ya anak nen Seraya a lakin anak nen Azarias, a lakin anak nen Helcias.

Esdras 8:36

Inala da may kaletan ton inter ed sikara na ari, insan da inyawat ed saray gobirnador tan saray opisyal na Luyag na Sagur na Eufrates. Sarayan angyawatan da et tinmutulong ira ed saray totoo tan diad panangigalang ed Timplo.

Nehemias 2:1

Aminsan ya agew nen bulan na Nisan diad kumaduamploy taon na panooley nen Impirador Artajerjes, inyakaran koy alak nen akarongo. Ag to ak nin balut anengneng a maermen nen saman,

Isaias 36:11

Insan inkuan di Eliakim, Sebna, tan Joa ed samay opisyal, “Mansalita kad sikamiy Aramaica, ta natalusan mi. Ag ka mansasalitay Hebreo, ta ondedengel iray totoon walad tapew na padir.”

Daniel 11:2

Katwaan ira yay salitaen kod sika natan.” Samay anghil inkuanto, “Talora nin ari so manoley ed Persia, insan onsalat so kumapat a mayaman ni nen saramay talora. Diad kabisbiskegan to lapud kayamanan to, sagyaten ton mibakal so nanarian na Grecia.

Daniel 2:4

Inmebat irad ari diad salitan Aramaica, “Mansiansia komun a mambilay so Kagalang ya Ari! Ibagam ed sikami so kogip mo, et ipaliwawa mid sika.”