Esdras 4:4 - Maung A Balita Biblia

⁴ Insan saray arum a totoon manaayam lad saman a dalin et pinabetel day linawa na saray Judio tan tinaktakot da ra, pian ag da la ituloy ya ipaalagey so Timplo.

Maung a Balita Biblia

⁴ Insan saray arum a totoon manaayam lad saman a dalin et pinabetel day linawa na saray Judio tan tinaktakot da ra, pian ag da la ituloy ya ipaalagey so Timplo.

Esdras 4:4 Iomraidhean Croise

2 Samuel 4:1

Tinmakot si Isboset ya anak nen Saul nen nadngelan ton apatey ed Hebron si Abner, tan apagaan iray amin a totood Israel.

Esdras 3:3

Anggaman ya antakot irad saray arum a totoon manaayam ed saman a dalin, impaalagey da lamet so altar ed pasen ton gendat. Insan ginapwan da lamet so nampool ed tapew na altar na saray kinabwasan tan nilabin bagat.

Esdras 4:5

Pinapasoksokan da ray opisyal ed gobirno, pian sumpaen da ra. Ag da tinondaan a ginagawa ya, legan na impanoley nen Impirador Ciro ya anggad impanoley nen Impirador Dario.

Nehemias 4:11

Abaloan na saray kalaban mi ya ag mi ra nanengneng odino ag mi naamtaan so nagagawa, anggad akasabi la ran mamapatey ed sikami tan mamapatondad kimey mi.

Nehemias 4:2

Diad arap na saray kakaiba to tan saray sondalo na Samaria inkuanto, “Antoy linmad olo na saray pangaskasiyan a Judio? Labay dan ipaalagey lamet so siudad? Abaloan da kasi a diad pangibagat da nasumpal da so kimey ed sanagew? Nayarian da kasin gawaen a bato ira may bunton na atemek-temek tan apool-poolan a bengatla?”

Nehemias 6:9

Papatakoten da kami labat, pian natondaan so kimey. Nampikasi ak, “Balet natan, O Dios, pabiskeg mo ak pa!”

Jeremias 38:4

Insan inkuan na saray opisyal ed ari, “Nepeg a pateyen yan too. Diad pansasalita toy onya pakakapoyen toy linawa da ray sondalo tan saray arum a totoon walad dalem na siudad. Aliwan pankaabigan na karaklan so aanapen na sayan too, no ag say pakaderalan da.”

Daniel 10:13

Say prinsipin anghil na nanarian na Persia et sinumlang to ak na duamplo tan sakey ya agew. Insan si Miguel a sakey ed saray manonan anghil et dinmagon tinmulong ed siak, lapud bukbukor koy atilak ed Persia.

Daniel 10:20

Inkuanto, “Amtam so makasengeg na inyakaran kod sika? Linma ak dia, ta ipaamtak ed sika so nisulat ed Libro na Katwaan. Ompawil ak la natan, ta milaban ak ed anghil a bantay na Persia. Kayari to ya ompanengneng so anghil a bantay na Grecia. Anggapoy arum ya ontulong ed siak likud ed kinen Miguel ya anghil a bantay na Israel.