Esdras 4:3 - Maung A Balita Biblia

³ Inkuan ed sikara di Zorobabel, Josue, tan saray pangulo da ray boleg, “Ag mi kaukolay tulong yod pangipaalagey na sakey a timplo para Katawan a Dios mi. Sikamin diliy mangipaalagey onung na ingganggan ed sikami nen Impirador Ciro na Persia.”

Maung a Balita Biblia

³ Inkuan ed sikara di Zorobabel, Josue, tan saray pangulo da ray boleg, Ag mi kaukolay tulong yod pangipaalagey na sakey a timplo para Katawan a Dios mi. Sikamin diliy mangipaalagey onung na ingganggan ed sikami nen Impirador Ciro na Persia.

Esdras 4:3 Iomraidhean Croise

2 Saray Awaran 36:22

Nen ononan taon na panooley ed Babilonia nen Impirador Ciro na Persia, imbaga na Katawan ed sikato a mangipaakseb na sakey a ganggan, paisulat to, insan to paibasay maksil ed inerman a pasen ed impirio. Agawa ya pian napatwa so imbaga na Katawan diad panamegley nen propita Jeremias.

Esdras 1:1

Diad ononan taon na panooley nen Impirador Ciro ed Persia say Katawan pinatwa toy imbaga to diad panamegley nen propita Jeremias. Tinanggoyur toy Ciro ya ipaakseb toy onggendan a ganggan, paisulat to insan to paibandod inerman a pasen ed nanarian to:

Esdras 1:2

“Sikato yay ganggan nen Ciro ya Impirador na Persia. Say Katawan a Dios na Tawen ginanggan to ak a manoley ed intiron mundo tan impalima tod siak so pangipaalagey na Timplon para sikato diad Jerusalem na Juda.

Esdras 1:3

Niwala komuy Dios ed sikayon amin a totoo to. Nepeg yoy onla ed Jerusalem na Juda, ta ipaalagey yo lamet so Timplo na Katawan, say Dios na Israel, say Dios a gagalangen ed Jerusalem.

Esdras 3:8

Kanyan diad kumadwan bulan ed kumadwan taon manlapud samay insabi rad kawalaan na Timplo na Katawan diad Jerusalem, inggapo ray kimey. Nantutulongan a nankimey ira di Zorobabel, Josue, saray amin a kakanayon da, saray papari, tan saray Levita. Diad tuay tua tinmulong ya amin iray Israelitan pinmawil ed Jerusalem. Nipasen a makaoley ed amin a kimey ed Timplo iray amin a Levitan mantaon na duamplo a mampaatagey.

Nehemias 2:20

Inmebat ak, “Pampalaboen kami na Dios na Tawen. Sikami ray aripen to, kanyan igapo miy pangipaalagey. Balet sikayo, anggapoy kanepegan yon mangayaryan na bengatla ed Jerusalem. Anggapoy pibibiang yod saray agawgawad sayan siudad.”

Isaias 44:28

Ikokuankod kinen Ciro, ‘Sikay mangilaman ed siak a manoley; onuren mo so labay kon pagawad sika; iganggan mon nipaalagey lamet so Jerusalem tan nilira iray pundasion na Timplo.’”

Isaias 45:4

Totoroen ta kan ontulong ed aripen kon Israel, saray totoon pinilik. Initdan ta kay baleg a kagalangan anggaman ya ag mo ak kabat.

Mateo 10:16

“Dengel kayo! Ibabaki ta kayon singa karniro ed pegley da ray asod katakelan. Nakaukolan a maalwar kayo a singa saray oleg tan mauyamo kayo a singa saray malapati.

Juan 4:9

Inmebat imay biin Samaritana, “Akin, anta Judio ka et mimiala kad siak na inomin mo? Ag mo ta amta a Samaritana ak?” (Ta saray Judio ag ira mitotongtong ed saray Samaritano.)

Saray Gawgawa 8:21

Anggapoy betang odino kanepegan mod sayan kimey, ta marotak ed arap na Dios so pusom.