Esdras 4:20 - Maung A Balita Biblia

²⁰ Nanooley diman iray ararin makapanyari tan inooleyan da so intiron luyag na Sagur na Eufrates, tan nanaala rad man na saray buis.

Maung a Balita Biblia

²⁰ Nanooley diman iray ararin makapanyari tan inooleyan da so intiron luyag na Sagur na Eufrates, tan nanaala rad man na saray buis.

Esdras 4:20 Iomraidhean Croise

Genesis 15:18

Diad saman ya agew, akisipanan so Dios ed kinen Abram. Inkuanto, “Isipan kon iter ed saray kabyangay boleg mo yan dalin, manlapud ketegan na Egipto ya anggad Ilog na Eufrates,

1 Saray Arari 4:21

Sakop na nanarian nen Solomon iray amin a bansa a manlapud bokig na Ilog na Eufrates ya anggad sagur na Filistia, tan anggad ketegay Egipto. Nambabayar iray buis ed sikato tan wala rad silong na pakaoley to legan ton nambilay.

1 Saray Arari 4:24

Manoley si Solomon ed saray dalin ed sagur na Ilog na Eufrates, manlapud Tifsa ya anggad Eufrates tan anggad sagur na siudad na Gaza. Walad silong na pakaoley to ray amin ya ararid sagur na Eufrates, tan maung so pipiolup tod saray kakaabay ton bansa.

1 Saray Arari 5:1

Si Ari Hiram na Tiro et kaaro nen David, kanyan nen nadngelan ton si Solomon so sinmalat ed ama ton David a manari, angibaki na pigaran opisyal to.

1 Saray Arari 5:4

Balet, natan, initdan ak na Katawan a Dios ko na kareenan ed inerman a pasen a sakop na nanarian ko. Anggapo la ray kalaban ko tan anggapo lay kaatapan a nepeg kon takotan.

1 Saray Awaran 18:13

Nankampod nandoroman lugar na Edom iray sondalo to, kanyan nagmaliw a walad silong na pakaoley nen David iray tagad man. Impanatalo na Katawan si David ed anggan iner a pasen.

1 Saray Awaran 18:3

Insoblay nen David a dinogpaan si Ari Hadadezer na Seba, diad asingger ed lugar na Hamat, nen si Hadadezer et labay ton iletneg so pakaoley tod dalin a kaabay na Ilog na Eufrates.

1 Saray Awaran 18:6

Insan nankampod Damasco iray sondalo to; saray tagad man et nagmaliw iran walad silong na pakaoley to, kanyan nambabayar iray buis ed sikato. Impanatalo na Dios si David ed anggan iner a pasen.

1 Saray Awaran 19:19

Nen naamtaan na saray ararin walad pakaoley nen Hadadezer a tinalo ra na saray Israelita, akikaaro rad kinen David tan nagmaliw iran walad silong na pakaoley to.

2 Saray Awaran 17:11

Pigaran Filisteo so angyakar ed kinen Josafat na dakel a pilak tan arum iran rigalo. Pigara met ya Arabe so angyakar ed sikato na piton libo tan piton lasus a karniro tan piton libo tan piton lasus a kanding.

2 Saray Awaran 9:14

likud ed buis na saray nigosianti. Mangiiter met na balituk tan pilak iray amin ya ararid Arabia, tan saray gobirnador na distritod Israel.

Esdras 4:13

Kagalang min Impirador, no nipaalagey la lamet yan siudad tan nasumpal la ray padir to, ag la mambayar na buis iray totoo, et diad onya ondaiset so onloob a kuarta ed palasio.

Esdras 4:16

Ag kami sirin manduaruwa a no nipaalagey lamet yan siudad tan nasumpal iray padir to, ag la naoleyan na Kagalang min Impirador so Luyag na Sagur na Eufrates.”

Esdras 4:19

Ingganggan kon nagawa so sakey a panosisa, et arumog a nanlapu la nen saman linmalaban a tua so Jerusalem ed saray arari, tan amayamay iray manaayam diman a mananumlang tan managgaway gulo.

Esdras 4:21

Kanyan iganggan yo ra man a totoo a tondaan dan ipaalagey lamet so siudad, anggad pangiganggan kon ituloy.

Esdras 7:24

Sebel ed sikayo so mangala na saray buis ed saray papari, saray Levita, saray tumutogtog tan saray kumakanta, saray guardia, saray kumikimey, odino siopaman nin manlilingkur ed Timplo.

Saray Salmo 72:8

Manlapud dayat ya anggad dayat so sakop na nanarian to, manlapud Ilog na Eufrates ya anggad saray samput na dalin.

Saray Tagleey 1:1

Agaylay ermen na Jerusalem a gendat a napnoy totoo! Gagalangen na sankamundoan nen saman, balet singa biin balo so kipapasen to natan; Sankarakpan nen saman ed saray siudad, balet aripen so nagmaliwan to.

Ezekiel 19:11

Nagmaliw a mabisbiskeg iray sanga to, tan binmaleg iran sitro na ari. Binmalbaleg tan saray sanga to toktokdulen da ray lorem; anengneng na balang sakey so ontan lan kaatagey tan kinalambut to.

Mateo 9:9

Inmalis si Jesus manlapud saman a lugar. Nen manaakar anengneng toy Mateo, sakey a sumisingil na buis, ya akayorung ed opisina to. Inkuanen Jesus ed sikato, “Tombuk kad siak.” Inmalagey si Mateo tan akilad sikato.