Esdras 4:12 - Maung A Balita Biblia

¹² “Labay min ipaamta ed sika, Kagalang min Impirador, a saray Judion linma dia a nanlapud arum a nasasakopan yon dalin et manaayam la rad Jerusalem tan ipapaalagey da lamet so maoges tan mananumlang a siudad. Inggapo da lan ipapaalagey lamet iray padir, et ag mabayag nasumpal da la.

Maung a Balita Biblia

¹² Labay min ipaamta ed sika, Kagalang min Impirador, a saray Judion linma dia a nanlapud arum a nasasakopan yon dalin et manaayam la rad Jerusalem tan ipapaalagey da lamet so maoges tan mananumlang a siudad. Inggapo da lan ipapaalagey lamet iray padir, et ag mabayag nasumpal da la.

Esdras 4:12 Iomraidhean Croise

2 Saray Arari 18:20

Inkuanto, “Abaloan yo amon naala na saray salita so pasen na talonggaring tan biskeg na saray sondalo? Siopay ilaloan yon ontulong ed sikad ilaban yod Asiria?

2 Saray Arari 24:1

Legan na panaari nen Joakim, nilooban nen Ari Nabucodonosor na Babilonia so Juda, tan taloy taon ya apasoot si Joakim ya onsuko ed pakaoley nen Ari Nabucodonosor; balet ag abayag linmaban si Joakim.

2 Saray Awaran 36:13

Linmaban si Sedekias ed Ari Nabucodonosor ya amasoot ed sikaton mansamba diad ngaran na Dios a magmaliw a matoor ed ari. Anawet so puso to kanyan ag nagbabawi o pinmawil ed Katawan a Dios na Israel.

Esdras 4:11

Saya so logan na sulat: “Diad Impirador Artajerjes: nanlapu yan sulat ed saray aripen ton manaayam ed Sagur na Eufrates.

Esdras 4:15

a pasokayan mo ray awaran na saray lalakim. No gawaen mo ya, naamtaan mo a sayan siudad et mananumlang tan nanlapu la nen saman naniiter na gunigon ed saray arari tan saray manoley ed saray luyag. Gendat a mairap ya oleyan iray totoo to. Sikato yay makasengeg no akin et aderal iman a siudad.

Esdras 4:19

Ingganggan kon nagawa so sakey a panosisa, et arumog a nanlapu la nen saman linmalaban a tua so Jerusalem ed saray arari, tan amayamay iray manaayam diman a mananumlang tan managgaway gulo.

Esdras 5:3

Linman tampol ed Jerusalem ira di Gobirnador Tatnai na Sagur na Eufrates, Setar-bozenai, tan saray kapara ran opisyal tan tinepet da, “Siopay angiganggan ed sikayon ipaalagey yan Timplo tan iyan iray kagawaan to?”

Esdras 5:9

“Tinepet mid satan ed saray pangulo da ray totoo no siopay angiganggan ed sikaran ipaalagey da lamet so Timplo tan iyan iray kagawaan to.

Nehemias 1:3

Imbaga rad siak a baleg so paniirap da ray akaligtar tan akapawil lad baley da; memelag-melagen met ira na saray totoon sangkaili a manaayam ed kaliber-liber da. Imbaga ra met ed siak ya ageba ni ray padir na Jerusalem tan ag ni apasimbalon nipaalagey iray puirtan apoolan.

Nehemias 6:6

Onyay logan na sulat: “Imbagad siak nen Gesem a nibabalitad saray totood kaliber-liber a bansa a sika tan saray kaparam a Judio et getma yoy onlaban ed oley, kanyan papasimbaloen yon ipaalagey so padir. Imbaga to ni a pilalek moy magmaliw ya ari,

Ester 3:8

Kanyan inkuanen Haman ed ari, “Walay sakey a poli na totoon nitaytayak irad intiron impiriom. Narumog ira ed balang luyag. Nidomad arum a totoo iray totombuken dan kaogaliyan. Sakey ni, ag da oonuren iray ganggan na impirio, kanyan ag mo pankaabigan so pamaolyan mod sikara.

Jeremias 52:3

Lapud mapalalon pasnuk na Katawan, pinaekal tod arap to iray totood Jerusalem tan saray totood Juda. Linmaban si Sedekias ed Ari Nabucodonosor na Babilonia.

Daniel 3:8

Lapud saya wala ray pigaran taga Babilonia ya anganamut na pankanawnawa ran mangidalem ed saray Judio.

Daniel 9:25

Amtaen tan talusan mo ya: Manlapud kipaakseb na ganggan a nipawil ed gendat a kipapasen so Jerusalem ya anggad isabi na pangulon pinili na Dios, mamimpiton pitoran taon so napalabas. Nipaalagey lamet so Jerusalem; nipawil iray dalan tan saray mabiskeg a tirinsira to, tan mansiansia ra ya a mamimpiton anemaplo tan duan taon, balet panaon ya na saray gunigon.

Lucas 13:34

“Jerusalem, O Jerusalem! Papateyen mo ray propita tan tutupaken mo ray imbakiy Dios ed sika! Amimpigapigan labay kon tiponen iray anak mo, a singa panitipon na nganak ed saray siwsiw to diad silong na payak to, balet ag mo labay!

Saray Gawgawa 24:5

Ta nalmoan min magolo yan too. Manangigapoy golo ed amin da ray Judio ed intiron mundo, tan sikatoy panguloy sikta na saray Nazareno.

1 TESALONICA 5:22

Arawian yoy amin a klasiy kaogsan.