Esdras 3:8 - Maung A Balita Biblia

⁸ Kanyan diad kumadwan bulan ed kumadwan taon manlapud samay insabi rad kawalaan na Timplo na Katawan diad Jerusalem, inggapo ray kimey. Nantutulongan a nankimey ira di Zorobabel, Josue, saray amin a kakanayon da, saray papari, tan saray Levita. Diad tuay tua tinmulong ya amin iray Israelitan pinmawil ed Jerusalem. Nipasen a makaoley ed amin a kimey ed Timplo iray amin a Levitan mantaon na duamplo a mampaatagey.

Maung a Balita Biblia

⁸ Kanyan diad kumadwan bulan ed kumadwan taon manlapud samay insabi rad kawalaan na Timplo na Katawan diad Jerusalem, inggapo ray kimey. Nantutulongan a nankimey ira di Zorobabel, Josue, saray amin a kakanayon da, saray papari, tan saray Levita. Diad tuay tua tinmulong ya amin iray Israelitan pinmawil ed Jerusalem. Nipasen a makaoley ed amin a kimey ed Timplo iray amin a Levitan mantaon na duamplo a mampaatagey.

Esdras 3:8 Iomraidhean Croise

1 Saray Awaran 23:4

Impasen na ari iray duamplo tan apat a libo a mangipangulo na kimey ed Timplo, tan say anem a libo et impasen to ran makaoley ed pansulat na awaran tan panintinsia ed antokaman a kolkolan.

1 Saray Awaran 3:17

Sikara yay kabyangay boleg nen Jeconias ya adakep. Pitoray lalakin anak nen Jeconias: di Sealtiel,

Esdras 10:18

Sikato yay listaan da ray lalakin taga arum a bansay kaasawaan da: Saray Papari a nilista ran onung ed boleg a nanlapwan da: Say boleg nen Josue tan saray agagi ton lalaki ya anak ira nen Josadac: Maasias, Eliezer, Jarib, tan Gedolias.

Esdras 2:2

Saray pangulo ra et di Zorobabel, Josue, Nehemias, Seraya, Reelaya, Mardokeo, Bilsan, Mispar, Bigvai, Rehum, tan Baana. Sikato yay listaan na saray boleg na Israel a kataruk toy bilang na saray pinmawil:

Esdras 3:2

Si Josue a lakin anak nen Josadac, saray kapara ton papari, tan si Zorobabel a lakin anak nen Salatiel tan saray kakanayon to et impaalagey da lamet so altar a para Dios na Israel, pian napampoolan da na saray bagat onung na nisulat ed Ganggan nen Moises a too na Dios.

Esdras 4:24

Apatonday kimey ed Timplo tan nansiansian ag adiwit ya anggad kumadwan taon na panooley nen Impirador Dario na Persia.

Esdras 4:3

Inkuan ed sikara di Zorobabel, Josue, tan saray pangulo da ray boleg, “Ag mi kaukolay tulong yod pangipaalagey na sakey a timplo para Katawan a Dios mi. Sikamin diliy mangipaalagey onung na ingganggan ed sikami nen Impirador Ciro na Persia.”

Esdras 5:16

Kanyan sinmabiy Sesbasar, insan to inletneg so pundasion; siansia so kimey ya anggad natan, balet ag ni asumpal.’

Esdras 5:2

Nen nadngel di Zorobabel a lakin anak nen Salatiel tan Josue a lakin anak nen Josadac so pulong da, intubat day kimey ed Timplo ed Jerusalem. Tinmulong ed sikara ira may duaran propita.

Aggeo 1:1

Diad ononan agew na kumanem a bulan na kumadwan taon na panaari nen Dario ed Persia, say Katawan nansalita diad panamegley nen propita Aggeo. Say sinalita na Katawan et para si Zorobabel a gobirnador na Juda tan lakin anak nen Sealtiel, tan para si Josue a Pangulon Pari tan lakin anak nen Josadac.

Zacarias 4:9

Inkuanto, “Inlira nen Zorobabel so pundasion na Timplo, et sumpalen ton ipaalagey. No nagawa ya, naamtaan na saray totook a siak so angibakid sika ed sikara.

Zacarias 6:12

Ibagam ed sikato a say Katawan a Makapanyarin-amin kuanto, ‘Say toon tatawagen na Say Sanga et onaligwas ed kawalaan to tan pasimbaloen ton ipaalagey so Timplo na Katawan.

Saray Bilang 4:3

tan ilista ton amin iray lalakin mantaon na talomplo ya anggad limamplo a nayarian day mankimey ed Tuldan Ayamay Katawan.