Esdras 3:7 - Maung A Balita Biblia

⁷ Angiiter iray totoo na kuartan ibayar ed saray kantiro tan saray karpintiro; angiiter met ira na saray kakanen, iinomen, tan larak na oliba ya ipapawit dad siudad na Tiro tan Sidon, a sikaray kasalat ira na saray kiew a sidro a manlapud Libano, ya ipaanur irad dayat ya anggad Joppe. Agawa ra yan amin diad impangyabuloy nen Impirador Ciro na Persia.

Maung a Balita Biblia

⁷ Angiiter iray totoo na kuartan ibayar ed saray kantiro tan saray karpintiro; angiiter met ira na saray kakanen, iinomen, tan larak na oliba ya ipapawit dad siudad na Tiro tan Sidon, a sikaray kasalat ira na saray kiew a sidro a manlapud Libano, ya ipaanur irad dayat ya anggad Joppe. Agawa ra yan amin diad impangyabuloy nen Impirador Ciro na Persia.

Esdras 3:7 Iomraidhean Croise

2 Samuel 5:11

Si Ari Hiram na Tiro angibaki na totoo to ed kinen David; initdan to na saray troson sidro, saray karpintiro tan saray kantiro ta ipaalageyan day sakey a palasio.

1 Saray Arari 5:6

Kanyan mangibaki ka pad Libano na saray totoom, ta ibatangan da ak na saray sidro. Tulongan ira na saray totook, et bayaran ko ray totoom no pigaray labay mo. Sikakabat ka met lanti ya ag naparaan na saray totook so dunong na saray totoom ed pambatang na saray kiew a sidro.”

2 Saray Arari 12:10

No dakel lay kuartad kahon, dagoen la na sikritario na ari tan say Pangulon Pari, bilangen day kuarta, ikarga rad saray supot, insan da ra berberen.

2 Saray Arari 12:13

Anggapo balet ed samay kuarta so inkanan pambayar ed panggawa na saray pilak a kupa, palanggana, trumpita, odino saray katli na pabiloy lamparaan, odino antokaman a kagawaan a pilak o balituk.

2 Saray Awaran 34:10

Insan nipalima yan kuarta ed saramay makaoley ed panaapiger na Timplo, insan da inter ed

Esdras 3:6

Ag ni inggapo na saray totoo so pangipaalagey lamet ed Timplo; anggaman ontan ginapwan da lad ononan agew na kumapiton bulan so mangisaklang ed Katawan na saray bagat a popoolan.

Ezekiel 27:17

Saray taga Juda tan Israel et imbayar dad saray lakom iray trigo, dilo, larak na oliba, tan saray rikado.

Jonas 1:3

Balet sananey a dalan so inarap to, ta labay ton ibatikan so Katawan. Linmad Jope a dimay akanengnengan to na sakey a bapor ya onla lad Espanya. Kayari ton binayaran so pasahi to, linmogan ed samay bapor a kaiba to ray tripulanti ya onlad Espanya a diman to naarawian so Katawan.

Saray Gawgawa 12:20

Agaylay pasnuk nen Herodes ed saray taga Tiro tan Sidon, kanyan nampapaknaan day onlad sikato. Inmasingger ni rad kinen Blasto ya inkargadoy palasio, pian naibaan to ran miariglo ed kinen Herodes, ta say pambibilay da et manlalapud dalin a nasasakopan to.

Saray Gawgawa 9:36

Diad Jope wala met so sakey a biin mananisia a manngaray Tabita. (Diad salitay Grigo say ngaran to Dorcas, ya “sakey ya ulsa” so labay ton ibaga.) Anggapo lay arum a gagawaen to no ag say panggawa toy kamaungan tan panulong tod saray mairap-bilay.

Saray Gawgawa 9:38

Asingger so Jope ed Lida, kanyan nen nadngelan na saray disipulod Jope a walad Lida si Pedro, angibaki ray duaran totoo tan papaibaga ra, “Mila ka karin tampol ed sikami.”

Saray Gawgawa 9:43

Nambayag dimay Pedro ed Jope, tan akipundod kinen Simon a managkurti na katat.