Esdras 3:2 - Maung A Balita Biblia

² Si Josue a lakin anak nen Josadac, saray kapara ton papari, tan si Zorobabel a lakin anak nen Salatiel tan saray kakanayon to et impaalagey da lamet so altar a para Dios na Israel, pian napampoolan da na saray bagat onung na nisulat ed Ganggan nen Moises a too na Dios.

Maung a Balita Biblia

² Si Josue a lakin anak nen Josadac, saray kapara ton papari, tan si Zorobabel a lakin anak nen Salatiel tan saray kakanayon to et impaalagey da lamet so altar a para Dios na Israel, pian napampoolan da na saray bagat onung na nisulat ed Ganggan nen Moises a too na Dios.

Esdras 3:2 Iomraidhean Croise

Genesis 12:7

Pinmanengneng so Katawan ed kinen Abram tan inkuantod sikato, “Sikato yay bansa ya iter kod saray kabyangay boleg mo.” Nanggawad may Abram na altar a para Katawan a pinmanengneng ed sikato.

1 Saray Awaran 23:14

Balet nipasen a kabyangan na saray Levita iray lalakin anak nen Moises a too na Dios.)

1 Saray Awaran 3:17

Sikara yay kabyangay boleg nen Jeconias ya adakep. Pitoray lalakin anak nen Jeconias: di Sealtiel,

1 Saray Awaran 3:19

Duaray lalakin anak nen Pedaya a di Zorobabel tan Simei. Si Zorobabel so ama na duaran lalaki a di Mesullam tan Hananias, tan sakey a bii a si Selomit.

2 Saray Awaran 6:6

Balet natan pinilik so Jerusalem a pasen a pangigalangan ed siak, tan pinili ta ka, David, a manoley ed saray totook.’”

Esdras 10:18

Sikato yay listaan da ray lalakin taga arum a bansay kaasawaan da: Saray Papari a nilista ran onung ed boleg a nanlapwan da: Say boleg nen Josue tan saray agagi ton lalaki ya anak ira nen Josadac: Maasias, Eliezer, Jarib, tan Gedolias.

Esdras 10:20

Say boleg nen Imer: Hanani tan Zebadias

Esdras 10:21

Say boleg nen Harim: Maasias, Elias, Semaya, Jehiel, tan Uzias

Esdras 10:22

Say boleg nen Pasur: Elioenai, Maasias, Ismael, Natanael, Josabad, tan Elasa.

Esdras 2:2

Saray pangulo ra et di Zorobabel, Josue, Nehemias, Seraya, Reelaya, Mardokeo, Bilsan, Mispar, Bigvai, Rehum, tan Baana. Sikato yay listaan na saray boleg na Israel a kataruk toy bilang na saray pinmawil:

Esdras 3:8

Kanyan diad kumadwan bulan ed kumadwan taon manlapud samay insabi rad kawalaan na Timplo na Katawan diad Jerusalem, inggapo ray kimey. Nantutulongan a nankimey ira di Zorobabel, Josue, saray amin a kakanayon da, saray papari, tan saray Levita. Diad tuay tua tinmulong ya amin iray Israelitan pinmawil ed Jerusalem. Nipasen a makaoley ed amin a kimey ed Timplo iray amin a Levitan mantaon na duamplo a mampaatagey.

Esdras 5:2

Nen nadngel di Zorobabel a lakin anak nen Salatiel tan Josue a lakin anak nen Josadac so pulong da, intubat day kimey ed Timplo ed Jerusalem. Tinmulong ed sikara ira may duaran propita.

Nehemias 12:1

Say onggendan et say listaan da ray papari tan saray Levitan pinmawil manlapud saray arum a bansan nibantakan da. Kaolup ira nen Zorobabel a lakin anak nen Sealtiel tan si Jesua a Pangulon Pari.

Nehemias 12:8

Saray Levita: Saray onggendan et sikaray makaoley ed panagkanta na saray imno na pisasalamat: Jesua, Binui, Cadmiel, Serebias, Juda, tan Matanias.

Saray Salmo 78:68

Ingen pinili toy tribu nen Juda tan say Palandey na Sion ya inararo to.

Exodo 27:1

Manggawa ka na altar ya akasia. Nepeg a kuadrado; duara tan kapalduan mitro so karokey to tan duara tan kapalduan mitro so kaawang to, tan sakey tan kapalduan mitro so kaatagey to.

Aggeo 1:1

Diad ononan agew na kumanem a bulan na kumadwan taon na panaari nen Dario ed Persia, say Katawan nansalita diad panamegley nen propita Aggeo. Say sinalita na Katawan et para si Zorobabel a gobirnador na Juda tan lakin anak nen Sealtiel, tan para si Josue a Pangulon Pari tan lakin anak nen Josadac.

Aggeo 1:12

Insan si Zorobabel, tan si Josue, tan amin da ray totoon sinmempet a nanlapud inkibantak ed Babilonia inonur day imbagad sikara na Katawan a Dios da. Tinmakot ira tan inonur day propita Aggeo ya ibabaki na Katawan.

Aggeo 1:14

Pinabiskeg na Katawan so linawa na balang sakey ed sikara a mangipaalagey lamet ed Timplo: si Zorobabel a gobirnador na Juda; si Josue a Pangulon Pari, tan amin a totoon sinmempet a nanlapud inkibantak dad arum a bansa. Inggapo ray impankimey da ed Timplo na Katawan a Makapanyarin-amin a Dios da,

Aggeo 2:21

“Laka ta ibagam ed kinen Zorobabel a gobirnador na Juda, ya onyay kuankod sikato, ‘Ngalngalik la yegyegen so tawen tan dalin;

Aggeo 2:23

Diad satan ya agew alaen ta ka, Zorobabel, ya aripen ko tan toroen ta kan manoley ed ngaran ko. Sika so pinilik.” Say Katawan a Makapanyarin-amin so nansalita.

Zacarias 3:1

Diad sananey a pasingayew say Katawan impanengneng tod siak a manalalagey ed arap na anghil na Katawan si Josue a Pangulon Pari. Manalalagey met diman ed abay to si Satanas ya akaparaan lan mangakusa ed kinen Josue.

Zacarias 3:8

Dengel ka sirin, Josue, sika a Pangulon Pari; tan dengel kayon kapara ton papari, sikayo a tanda na maung a nagawa ed arapen a panaon; ipaamtak so aripen ko a tatawagey Say Sanga!

Zacarias 6:11

Gawam a korona iray balituk tan pilak ya iniiter da, insan mo ipatoon ed olo na Pangulon Pari a si Josue a lakin anak nen Jehosadak.

Saray Bilang 28:2

a bilinen to ray Israelita a mangyapay irad Dios diad saray niganan panaon na saray bagat a popoolan a makapaliket ed sikato.

Lucas 3:27

ya anak nen Joanan. Si Joanan anak nen Resa, ya anak nen Zorobabel, ya anak nen Sealtiel, ya anak nen Neri.

Saray Huis 6:24

Amaalagey diman si Gedeon na altar a para Katawan tan inngaran to na “Kareenan so Katawan.” (Anggad natan, sayan altar et manalalagey nid man ed Ofra a kayaryan na boleg nen Abiezer.)