Esdras 2:1 - Maung A Balita Biblia

¹ Dakerakel ed saray nibantak ed luyag na Babilonia so pinmawil ed Jerusalem tan diad Juda; pinmawil so balang sakey ed sikara diad dilin baley to. Saray pamilya da ra ya et nanaayam la ran nibantak ed Babilonia nanlapu lad impanakep nen Ari Nabucodonosor ed sikara.

Maung a Balita Biblia

¹ Dakerakel ed saray nibantak ed luyag na Babilonia so pinmawil ed Jerusalem tan diad Juda; pinmawil so balang sakey ed sikara diad dilin baley to. Saray pamilya da ra ya et nanaayam la ran nibantak ed Babilonia nanlapu lad impanakep nen Ari Nabucodonosor ed sikara.

Esdras 2:1 Iomraidhean Croise

2 Saray Arari 25:11

Insan inawit nen Nebuzaradan ed Babilonia iray totoon atilak ed siudad, saray atilak a marunong a kumikimey, tan saray akigampid saray taga Babilonia.

1 Saray Awaran 9:1

Nilistan amin iray totoo ed Israel onung ed saray pamilya ra, tan nisulat ed Libron nipaakar ed saray Ararid Israel. Nibantak ed Babilonia iray totood Juda lapud saray kasalanan da.

1 Saray Awaran 9:2

Saray inmonan pinmawil ed saray kayaryan da a walad saray siudad et saray papari, saray Levita, tan saray managlingkur ed Timplo, tan saray karaklan ya Israelita.

Esdras 1:11

Amiamin, walay liman libo tan apat a lasus a yaung a balituk tan pilak tan saray arum a kagawaan ya inawit nen Sesbasar, nen sikato tan saray arum a nibantak a bansa et linma rad Jerusalem manlapud Babilonia.

Esdras 2:2

Saray pangulo ra et di Zorobabel, Josue, Nehemias, Seraya, Reelaya, Mardokeo, Bilsan, Mispar, Bigvai, Rehum, tan Baana. Sikato yay listaan na saray boleg na Israel a kataruk toy bilang na saray pinmawil:

Esdras 2:70

Nanayam ed Jerusalem odino diad abay to iray papari, saray Levita, tan pigarad saray totoo; nanayam ed saray asingger a baley iray tumutogtog tan saray kumakanta, saray guardiad Timplo, tan saray kumikimey ed Timplo; tan nanayam ed saray baley na saray lalaki ra iray arum ya Israelita.

Esdras 5:8

“Ipakabat mid sika, Kagalang min Impirador, a linma kamid luyag na Juda. Et arumog mi a nipapaalagey lamet so Timplo na matalonggaring a Dios. Ankakabaleg a tinabas a bato tan saray kiew so nikakana. Inapiapiger tan anggapoy tonda so kimey.

Esdras 6:2

Balet diad siudad na Ecbatana diad luyag na Media so akarumogan na sakey a babasaen a nilokut ya akapangisulatan na onggendan:

Esdras 8:35

Amin a pinmawil a nanlapud arum a bansan nibantakan da et angisaklang irad Dios na Israel na saray bagat a popoolan. Angibagat ira na labinduan bakan kalakyan para amin ya Israelita, anemaplo tan siam a karniron kalakyan, pitomplo tan piton kordiro; angibagat met ira na labinduan kanding pian napaandi ray kasalanan da. Amin da ra ya et bagat a popoolan ed Katawan.

Nehemias 12:1

Say onggendan et say listaan da ray papari tan saray Levitan pinmawil manlapud saray arum a bansan nibantakan da. Kaolup ira nen Zorobabel a lakin anak nen Sealtiel tan si Jesua a Pangulon Pari.

Ester 1:1

Nen ari si Asuero sakop toy sanlasus tan duamplo tan piton luyag manlapud India ya anggad Sudan.

Ester 1:11

Ingganggan to ran awiten dan akakorona si Riyna Vasti. Magangganan bii so riyna, et nilabay na ari ya ipanta toy ganggana to ed saray opisyal tan amin da ray bisita to.

Ester 1:3

Diad kumatlon taon na panooley to imparaanan toy baleg a ponsia iray amin ya opisyal to tan saray katulong tod panooley to. Dinmagop iray sondalo na Persia tan saray sondalo na Media. Dinmagop met iray gobirnador tan saray manonan totoo ed saray luyag.

Ester 1:8

Sawasawaan so iinomen; ingganggan na ari ed saray aripen ed palasio a nayarin inomen na siopaman so labalabay to.

Ester 8:9

Agawa ya nen kumaduamplo tan talon agew na kumatlon bulan, say bulan na Sivan. Tinawag nen Mardokeo iray sikritario na ari tan angidikta na saray sulat a para saray Judio, tan saray gobirnador, saray makaoley, tan saray opisyal na amin iray sanlasus tan duamplo tan piton luyag, manlapud India ya anggad Sudan. Nipawit ira yan sulat ed balang luyag onung ed dilin salita tan panagsulat diman; Nipawit met ira ed saray Judio onung ed dilin salita tan panagsulat da.

Isaias 48:20

Paway kayod Babilonia, taynanan yo man a pasen! Maliket yon ibawag so balita; ipaamta yod amin a pasen: “Dinondon la na Katawan so aripen ton Israel!”

Jeremias 50:19

Papawilen kod dalin da iray totood Israel. Pantagano da ray bunga na tanaman ya ontutubod Palandey na Carmelo tan diad pasen na Basan, tan kanen day labalabay da ed saray tanaman ya ontutubo ed dalin na Efraim tan dalin na Galaad.

Saray Tagleey 1:3

Saray totood Juda et pangaskasiyan iran aripen; apasoot iran manlingkur ed arawi. Manaayam irad saray sananey a dalin; anggapoy pasen a natawag dan kayaryan. Ag ira makabatik, lapud alakub ira na saray kalaban.

Saray Tagleey 1:5

Nampalabo ray kalaban to; sikato lay walad silong na pakayari ra. Paniirapen na Katawan, lapud amin ya amayamay a kasalanan to; Anggan saray ogogaw adakep ira tan sikaray inaawit na kalaban da.

Saray Tagleey 4:22

Nambayar lay Sion na kasalanan to; ag kami la nibantak ed arum a bansa. Balet sika Edom, dusaen ka na Katawan; ibawag toy kasalanan a gagawaen mo.

Sofonias 2:7

Say dalin yo panayaman na saray taga Juda ya akapaliis ed patey. Ipastol da rad may karniro ra tan manogip irad saray kaabungan ed Ascalon. Asikasoen ira na Katawan a Dios da tan paaligwasen to ra lamet.

Saray Gawgawa 23:34

Nen abasa nen gobirnador imay sulat, tinepet tod kinen Pablo no taga iner. Nen naamtaan ton taga Cilicia