Esdras 10:9 - Maung A Balita Biblia

⁹ Diad loob na taloy agew, linmad Jerusalem iray amin a lalakin manaayam ed dalin na Juda tan Benjamin. Nantitipon irad plasa na Timplo nen kumadwamplon agew na kumasiam a bulan. Mammaples a maung so oran ed saman, et lapud onyay panaon tan lapud ambelat so makasengeg na nantitiponan da, manggiwgiw so balang sakey ed sikara.

Maung a Balita Biblia

⁹ Diad loob na taloy agew, linmad Jerusalem iray amin a lalakin manaayam ed dalin na Juda tan Benjamin. Nantitipon irad plasa na Timplo nen kumadwamplon agew na kumasiam a bulan. Mammaples a maung so oran ed saman, et lapud onyay panaon tan lapud ambelat so makasengeg na nantitiponan da, manggiwgiw so balang sakey ed sikara.

Esdras 10:9 Iomraidhean Croise

Esdras 10:10

Inmalagey si Esdras a pari, insan nansalitad sikara. Inkuanto, “Aliwa kayon matoor, ta angaasawa kayoy bibiin taga arum a bansa, kanyan inaruman yoy kasalanan na Israel.

Esdras 10:3

Nepeg miy manggaway sinambaan a sipan ed Dios tayo a pataynanen mi ra yan bibii tan saray anak da. Sumpalen mi so antokaman ya isimbawam a gawaen mi, sika tan saray arum a totoon papablien da ray ganggan na Dios. Onuren mi so antokaman ya ibabagay Ganggan na Dios.

Esdras 10:8

Saray pangulo da ray totoo so angiganggan ed saya. Siopamay ag makakar ed loob na taloy agew et naalay amin a kayaryan to tan naekal so kanepegan ton kabyangan na olupan.

Esdras 9:4

Inmirung ak diman a maerermen ya anggad oras na panangisaklang na bagat ed labi. Legan kon akayurong minokut ak na amin da ray totoon ataktakot lapud imbaga na Dios na Israel nipaakar ed saray kasalanan da ray pinmawil ed Jerusalem.

Ester 2:16

Kanyan diad kumapiton taon na panooley nen Ari Asuero, diad kumaplon bulan a tatawagey Tebet, niakar si Ester ed palasio na ari.

Jeremias 10:10

Balet sika, Katawan, so tua a Dios, sika so mabilay a Dios, tan say andi-anggaan ya ari. No mampasnuk ka onggiwgiw so sankamundoan; ag natepelan na saray bansa so pasnuk mo. (

Jeremias 10:13

Diad ganggan to inmungol so danum ed tagey na tawen; aawiten to ray lorem a nanlapud saray sokung na mundo. Pakikirmaten to no onooran, tan pasisiplugen toy dagem a manlalapud panagsinupan ton kuarto.

Jeremias 36:22

Panaoy ambetel ed saman tan manyodyorung ed abay na apoy so ari diad loob na palasio ton para panaoy ambetel.