Esdras 10:8 - Maung A Balita Biblia

⁸ Saray pangulo da ray totoo so angiganggan ed saya. Siopamay ag makakar ed loob na taloy agew et naalay amin a kayaryan to tan naekal so kanepegan ton kabyangan na olupan.

Maung a Balita Biblia

⁸ Saray pangulo da ray totoo so angiganggan ed saya. Siopamay ag makakar ed loob na taloy agew et naalay amin a kayaryan to tan naekal so kanepegan ton kabyangan na olupan.

Esdras 10:8 Iomraidhean Croise

Esdras 10:7

Niganggan ed intiron Jerusalem tan Juda a mantitipon ed Jerusalem iray amin ya Israelitan pinmawil manlapud inkibantakan dan bansa.

Esdras 10:9

Diad loob na taloy agew, linmad Jerusalem iray amin a lalakin manaayam ed dalin na Juda tan Benjamin. Nantitipon irad plasa na Timplo nen kumadwamplon agew na kumasiam a bulan. Mammaples a maung so oran ed saman, et lapud onyay panaon tan lapud ambelat so makasengeg na nantitiponan da, manggiwgiw so balang sakey ed sikara.

Esdras 7:26

Nepeg a nadusan tampol so siopaman ya ag mangonur ed saray ganggan na Dios mo odino saray ganggan na impirio. Say iter a dusa nayarin say patey, odino say pangibantak ed arum a bansa, odino say pangalad kayaryan to, odino say pangipriso.”

Nehemias 13:28

Si Joiada a lakin anak nen Eliasib so Pangulon Pari. Balet inasawa na sakey ed saray lalakin anak to so anak nen Sanbalat a taga baley na Bet-horon, kanyan pinataynan kod Jerusalem si Joiada.

Nehemias 13:3

Nen nadngel na saray totood Israel yan parti na Ganggan pinaekal dad olupan da iray amin a taga arum a bansa.

Levitico 27:28

Ag nayarin ilako o dondonen na sakey a too so insaklang ton sigput ed Katawan; nayarin too, ayep, odino dalin. Masanto tan anggad anggan kayaryan na Katawan yan insaklang to.

Mateo 18:17

No ag to ni ra dengelen, idalem mo lad iglisia. No ag to ni dengeley pati iglisia, ipasen mon sakey a Hintil o sakey a sumisingil na buis.”

Juan 16:2

Papawayen da kayod saray sinagoga. Onsabi ingey panaon a siopamay mamatey ed sikayo, ipasen ton manlilingkur ed Dios.

Juan 9:22

Onyay imbaga ray atateng to, lapud antakot irad saray Judio. Ta nampapaknaan la na saray Judio a papawayen dad sinagoga so siopaman a mangibagan si Jesus so Cristo.

Juan 9:34

Inmebat irad sikato, “Anta nianak kan makasalanan, sika ni ingey mangibabangat ed sikami?” Pinapaway da sirin ed sinagoga.

Josue 6:19

Amin a bengatlan ginawa ed pilak, balituk, gansa, odino balatyang et ibiig iran para Katawan. Nepeg ya iyakar ira ed panagsinupan na kayamanan na Katawan.”

Saray Huis 21:5

Tinepet da, “Walay grupo ed amin da ray tribu na Israel ya ag akitipon ed arap na Katawan diad Mizpa?” (Sinambaan da nen saman a siopamay ag linmad Mizpa et nepeg a pateyen).

1 Samuel 11:7

Angalay duaran baka, pinatas to, tan impailiber tod intiron dalin na Israel tan impaibaga to, “Siopamay ag milad kinen Saul tan si Samuel a mibakal, onyay nagawad saray baka to!” Saray totood Israel tinmakot irad Katawan, kanyan akila ran amin ed bakal.