Esdras 10:3 - Maung A Balita Biblia

³ Nepeg miy manggaway sinambaan a sipan ed Dios tayo a pataynanen mi ra yan bibii tan saray anak da. Sumpalen mi so antokaman ya isimbawam a gawaen mi, sika tan saray arum a totoon papablien da ray ganggan na Dios. Onuren mi so antokaman ya ibabagay Ganggan na Dios.

Maung a Balita Biblia

³ Nepeg miy manggaway sinambaan a sipan ed Dios tayo a pataynanen mi ra yan bibii tan saray anak da. Sumpalen mi so antokaman ya isimbawam a gawaen mi, sika tan saray arum a totoon papablien da ray ganggan na Dios. Onuren mi so antokaman ya ibabagay Ganggan na Dios.

Esdras 10:3 Iomraidhean Croise

2 Saray Arari 11:17

Si Joiada impisipanan tod Katawan so ari tan saray totoo a sikaray totoo na Katawan; impansipanan to met so ari tan saray totoo.

2 Saray Awaran 29:10

“Ginetmak la natan a misipanan itayo ed Katawan, say Dios na Israel, pian ontonda lay pasnuk tod sikatayo.

2 Saray Awaran 30:12

Tinenyeg met na Dios so kapusoan da ray totood Juda tan impankakasakey to rad pilalek dan mangonur na linawa to diad panumpal dad saray ganggan na ari tan saray opisyal to.

2 Saray Awaran 34:21

“Lakayo ta ipanonan yo ak ed Katawan tan amin iray totoon atilak nin manaayam ed Juda tan Israel. Amtaen yo so nipaakar ed saray bangat na sayan libro. Mamapasnuk so Katawan ed sikatayo, lapud ag inonur na saray lalaki tayo so salita na Katawan tan ag da ginawa so ibabaga na sayan libro.”

2 Saray Awaran 34:27

nampatauli ka tan nampaabeba kad siak; ginebyas moy kawes mo tan manakakis ka nen nadngelan mo no panoy panusak ed Jerusalem tan saray totoon manaayam diman. Nadngel koy pikakasim,

Esdras 10:11

Natan sirin, ipatwa yo ray kasalanan yod Katawan a Dios da ray lalaki yo. Gawa yo la natan iray makapaliket ed sikato. Biig kayod saray sangkailin manaayam ed sayan dalin, tan pataynan yo la ray kaasawaan yon aliwan Judio.”

Esdras 10:44

Amin da ra ya et walay kaasawaan dan taga arum a bansa. Insisian da ra, insan pinapataynan da ra tan saray anak da.

Esdras 10:9

Diad loob na taloy agew, linmad Jerusalem iray amin a lalakin manaayam ed dalin na Juda tan Benjamin. Nantitipon irad plasa na Timplo nen kumadwamplon agew na kumasiam a bulan. Mammaples a maung so oran ed saman, et lapud onyay panaon tan lapud ambelat so makasengeg na nantitiponan da, manggiwgiw so balang sakey ed sikara.

Esdras 9:4

Inmirung ak diman a maerermen ya anggad oras na panangisaklang na bagat ed labi. Legan kon akayurong minokut ak na amin da ray totoon ataktakot lapud imbaga na Dios na Israel nipaakar ed saray kasalanan da ray pinmawil ed Jerusalem.

Nehemias 10:1

Say inmonan nampirma et say Gobirnador a si Nehemias a lakin anak nen Hacalias, insan sinmoblay si Sedekias. Nampirma met iray onggendan:

Nehemias 8:14

Naamtaan da a say Ganggan ya inter na Katawan diad panamegley nen Moises et ingganggan to ray Israelita a manayam irad saray abung-abung legay Pista na saray Abung-abung.

Nehemias 9:38

Lapud sayan amin ya agawa, sikamin totood Israel, et nanggawa kami na malet a paknaan ya insulat tan pinirmaan na saray pangulo mi, saray Levita mi, tan saray papari mi.

Saray Salmo 119:120

Lapud sika natatakot ak; lapud saray sintinsiam natatakot ak.

Saray Salmo 119:59

Ninunot koy kagagawak, et isisipan kon tombuken iray ganggan mo.

Isaias 66:2

Siak a dili so amalsad sansinakuban. Maliket ak ed saray mapaabeba tan magbabawi, saray walay takot tan mangoonur ed siak.

Isaias 8:20

Onya so iyebat mod sikara, “Dengel yoy ibabangat ed sikayo na Katawan! Ag yo dedengelen iray managpanon ed saray ispiritu na inaatey—ag da napaandi so gunigon.”

Ezekiel 9:4

“Lakad intiron siudad na Jerusalem, ta markaan moy muling na balang sakey a toon maermen tan magunigon, lapud amin a makapaingungot a nagagawad siudad.”

Deuteronomio 29:12

Wadya kayo natan ya onabubon ed sayan pisipanan ed sikayo na Katawan a Dios yo tan mangawat na saray susumpalen a nipaakar ed sayan sipanan,

Josue 9:6

Insan ira linmad kampod Gilgal tan kuandad kinen Josue tan saray lalaki na Israel, “Arawdawiy nanlapwan min dalin. Labay min mipaknaan kayod sikami.”