Esdras 10:14 - Maung A Balita Biblia

¹⁴ Patilak mo lad Jerusalem iray opisyal mi, ta sikara lay akaoley ed sayan pamaakaran. Insan balang sakey a walay asawa ton taga arum a bansa et onla dia ed niganan oras, a kaiba to ray pangulo tan saray huis na siudad to. Diad onya onkepa so pasnuk na Dios ed sayan agawa.”

Maung a Balita Biblia

¹⁴ Patilak mo lad Jerusalem iray opisyal mi, ta sikara lay akaoley ed sayan pamaakaran. Insan balang sakey a walay asawa ton taga arum a bansa et onla dia ed niganan oras, a kaiba to ray pangulo tan saray huis na siudad to. Diad onya onkepa so pasnuk na Dios ed sayan agawa.

Esdras 10:14 Iomraidhean Croise

2 Saray Arari 23:26

Balet ag ni kinmepa ya anggad natan so mapalalon pasnuk na Katawan ed Juda lapud saray ginagawa nen Ari Manases.

2 Saray Awaran 28:11

Dengel yo ak! Agagi yo ra yay adakep yo. Papawil yo la ra, ta no andi dusaen kayo na Katawan diad pasnuk to.”

2 Saray Awaran 29:10

“Ginetmak la natan a misipanan itayo ed Katawan, say Dios na Israel, pian ontonda lay pasnuk tod sikatayo.

2 Saray Awaran 30:8

Ag yo papaaweten so puso yon singa sikara, no ag ingen toluk kayod Katawan. Dago kayod Timplo ed Jerusalem a pinasanton andi anggaan na Katawan a Dios yo. Igalang yo pian ag to kayo la pampasnukan.

Esdras 10:13

Balet ta inyarum dan inkuan, “Dakerakel kamin maung tan onooran pa ni met na maksil. Ag mi nayariay manalagey diad paway. Ag nasumpal ed sanagew odino duaran agew so pagagawam, lapud amayamay a maung ed sikami so nankasalanan ed saya.

Esdras 10:15

Anggapoy sinmumlang ed sayan plano likud ed kinen Jonatan a lakin anak nen Asael, tan si Jahazias a lakin anak nen Ticva. Pinilaan ira nen Mesullam tan si Sabetai a Levita.

Saray Salmo 78:38

Balet say Dios mapangasid saray totoo to. Pinirdona to ray kasalanan da tan ag to ra pinatey. Naynay a pinokpokan toy pasnuk to, tan pinabetel toy petang na olo to.

Isaias 12:1

Onsabiy agew a saray totoo mankanta ra: “Idadayew ta ka, Katawan! Mamapasnuk kad siak nen saman, balet natan liligliwaen mo ak tan ambetel lay olom ed siak.

Saray Bilang 25:4

tan kuantod kinen Moises, “Tipon mon amin iray pangulo na Israel tan, diad pangonur mod siak, patey mo ra ed arap na karaklan et diad ontan onkepa lay pasnuk kod saray totoo.”

Deuteronomio 13:17

Ag kayo mangisisinup na antokaman a nepeg a deralen, et diad satan onkepa so ontan lan pasnuk na Katawan tan abageyen to kayo. Kasian to kayo tan parakelen to kayon totoo, onung na insipan tod saray lalaki yo,

Deuteronomio 17:9

tan iparontal yoy kaso yo ed saray Levitan papari tan diad huis ya akayorung ed saman a panaon, ta sikaray panintinsia yo.

Josue 7:26

Tinabunan day ankakabaleg a bato si Acan; wadman ni ra yan bato ya anggad natan. Sikato yay makasengeg a sayan pasen et atawag na Patar na Gunigon. Lapud sayan agawa kinmepa so mapalalon pasnuk na Katawan.