Esdras 10:1 - Maung A Balita Biblia

¹ Akatewek a mampipikasi si Esdras diad arap na Timplo, manakakis tan ipapatua to ra yan kasalanan. Legan ton mampipikasi minokut na saray amayamay ya Israelita—lalaki, bibii, tan ogogaw—tan manakakis na ampaipait.

Maung a Balita Biblia

¹ Akatewek a mampipikasi si Esdras diad arap na Timplo, manakakis tan ipapatua to ra yan kasalanan. Legan ton mampipikasi minokut na saray amayamay ya Israelitalalaki, bibii, tan ogogawtan manakakis na ampaipait.

Esdras 10:1 Iomraidhean Croise

1 Saray Arari 8:30

Dengel mo pa ray pikakasik tan saray pikakasi na saray totoom no mampikasi ran akaarap ed sayan Timplo. Diad ayaman mon tawen, dengel mo kami pa tan pirdona mo kami.

1 Saray Arari 9:3

Inkuan na Katawan ed sikato, “Nadngel koy pikakasim. Pasantosen ko yan Timplon impaalagey mo, ta sikatoy pasen a pangigalangan ed siak diad ando lan ando. Asikasoen tan iyagel ko ed anggan anton panaon.

2 Saray Awaran 20:13

Amin da ray lalaki ed Juda, pati saray kaasawaan tan saray anak da, et manalalagey irad man ed arap na Timplo.

2 Saray Awaran 20:9

a no ondalan ed sikaray bengatlan manderal, a singa say bakal, salot, odino eras makakar iran manalagey ed arap na sayan Timplo a pangigagalangan ed sika. Makapampikasi rad sika lapud kagugunigon da, et dengelen tan iyagel mo ra.

Esdras 10:6

Manlapu ed arap na Timplo, linmay Esdras ed kuarton panaayaman nen Johanan a lakin anak nen Eliasib. Sanlabid man a nanermen lapud aliwan matoor ira may pinmawil manlapud inkibantakan dan bansa. Ag angan o inminom na antokaman.

Nehemias 1:4

Nen nadngel ko ya, inmirung ak, insan ak nanakis. Pigay agew ak a nanermen tan ag angan. Nampikasi ak ed Dios.

Nehemias 1:6

Imano mo ak pa, Katawan, tan talineng mo ak pa ed agew-labin pangipipikasik ed saray aripen mo a totood Israel. Ipatuak a nankasalanan kami, sikamin totood Israel. Nankasalanan ak tan saray lalakik.

Nehemias 10:28

Sikamin totood Israel, saray papari, saray Levita, saray guardiad Timplo, saray tumutogtog tan saray kumakanta ed Timplo, saray kumikimey ed Timplo, tan saray arum a diad panangonur ed Ganggan na Dios et imbiig day sikaran dili ed saray sangkailin manaayam ed dalin mi, sikami tan saray kaasawaan mi tan amin da ray anak min wala lay pakatalus,

Nehemias 8:9

Nen nadngel na saray totoo so labay ya ibaga na Ganggan, atenyeg so puso ra kanyan nanaakis ira. Saray mangipapaliwawa na Ganggan a di Nehemias a gobirnador, Esdras a pari tan iskriba, tan saray Levita, et inkuanda sirin ed amin a totoo, “Masanto yan agew ed Katawan a Dios yo, kanyan ag kayo nepeg a manermen odino onakis.

Saray Salmo 119:136

Singa ilog a managos iray lua ed matak, lapud ag oonuren na saray totoo so ganggan mo.

Saray Salmo 32:5

Insan impatwak iray kasalanan kod sika; ag ko inyamut iray maoges a ginagawak. Ginetmak ya ipatwak irad sika, et pinirdonam ya amin iray kasalanan ko.

Jeremias 13:17

No ag kayo ondengel, maamut a manakis ak lapud panagpaatagey yo. Manakis ak na ampaipait, tan onagos so luak lapud nalan adakep iray totoo na Katawan.

Jeremias 9:1

Bobun na danum la komun yay olok, tan sobul na lua iray matak, pian makapanakis ak ed agew tan labi lapud saray totood bansak ya apatey-patey.

Daniel 9:20

Intuloy ko so nampikasi; impatwak iray kasalanan ko tan saray kasalanan da ray totook ya Israel, tan kinerew kod Katawan a Dios ko ya ipawil to la komun ed gendat a kipapasen so masanton Timplo to.

Oseas 14:2

Pawil kayod Katawan, tan iyapay yo yan pikakasi ed sikato: “Pirdonam pan amin iray kasalanan mid sika, Katawan, tan dengel mo pay pikakasi mi; et diad ontan idayew mi ka onung na insipan mi.

Zacarias 12:10

“Panoen ko na ispiritu na panangasi tan ispiritu na pikakasi iray kabyangay boleg nen David tan saray arum a totoo ed Jerusalem. Onnengeng irad sakey a dinoyuk da, tan ermenan da a singa ra saray maneermen ed saksakey ya anak. Mapalaloy panermen da a singa ra saray maneermen ed impatey na panguloan ya anak a laki.

Mateo 3:6

Impapatwa ray kasalanan da, tan binibinyagan to rad Ilog na Jordan.

Lucas 19:41

Asingsingger lay Jesus ed siudad na Jerusalem. Kanengneng tod siudad inakisan to

Saray Gawgawa 10:30

Inkuanen Cornelio, “Apat agew lay linmabas. Nen singa onyan oras na alas tris ed ngarem, mampipikasi ak ed abung ko. Kabebekta, nanalagey ed arap ko so sakey a lakin masilesileng so kawes to

Saray Gawgawa 21:5

Balet nen asumpal lay panaon mid man, intuloy mi so nambiahi. Amin da, pati saray kaasawaan tan saray anak da, impatnubang da kami ya anggad paway na siudad. Nantalimukor kamin amin ed baybay tan nampikasi kami.

Saray Taga Roma 9:2

Agaylay ermen ko, tan agaylay ag itonday sakit na pagew ko, lapud saray agagik, saray kadalaan tan kabaleyan ko.

Deuteronomio 31:12

Pantitipon yo ray amin a lalaki, bibii, tan saray ogogaw, tan saray sangkailin manaayam ed saray baley yo, pian narengel dan amin so Ganggan tan naaralan da so ontakot ed Katawan a Dios yo tan matoor dan onuren iray bangat to.

Josue 7:6

Si Josue tan saray pangulo na Israel pinipilat day kawes da lapud ermen da, intitiblak day laman da ed dalin diad arap na Kaban na Sipanan na Katawan, tan nandodokul irad man ya anggad labi, a kadadabuk so kaoloan da diad pangipanengneng dad ermen da.

Josue 8:35

Balang sakey ed saray ganggan nen Moises et imbasa ra nen Josue ed amin a nantitipon a totoo, pati saray bibii tan saray ogogaw, ontan met ed saray taga arum a bansa a manaayam ed kawalaan da.