Esdras 1:2 - Maung A Balita Biblia

² “Sikato yay ganggan nen Ciro ya Impirador na Persia. Say Katawan a Dios na Tawen ginanggan to ak a manoley ed intiron mundo tan impalima tod siak so pangipaalagey na Timplon para sikato diad Jerusalem na Juda.

Maung a Balita Biblia

² Sikato yay ganggan nen Ciro ya Impirador na Persia. Say Katawan a Dios na Tawen ginanggan to ak a manoley ed intiron mundo tan impalima tod siak so pangipaalagey na Timplon para sikato diad Jerusalem na Juda.

Esdras 1:2 Iomraidhean Croise

1 Saray Arari 8:27

“Balet tua kasin makapanayam ka ed tapew na dalin, O Dios? Ag ka nakarga na anggan say intiron tawen; panon ko sirin a kargaen na sayan Timplon impaalagey ko?

2 Saray Awaran 2:12

Nadayew komun so Katawan a Dios na Israel, say Manamalsa ed tawen tan dalin! Initdan toy Ari David na sakey a makabat ya anak a lakin maung so pakatalus to tan marunong ed amin a bengatla. Et natan mangipaalagey na timplon para Katawan tan palasion panayaman to.

Esdras 1:5

Lapud saya namparaan ya onlan mamaalagey lamet ed Timplo na Katawan ed Jerusalem iray pangulo na saray boleg ed tribu di Juda tan Benjamin, saray papari tan saray Levita, tan amin da ray tinenyeg na Dios so puso ra.

Esdras 3:7

Angiiter iray totoo na kuartan ibayar ed saray kantiro tan saray karpintiro; angiiter met ira na saray kakanen, iinomen, tan larak na oliba ya ipapawit dad siudad na Tiro tan Sidon, a sikaray kasalat ira na saray kiew a sidro a manlapud Libano, ya ipaanur irad dayat ya anggad Joppe. Agawa ra yan amin diad impangyabuloy nen Impirador Ciro na Persia.

Esdras 4:3

Inkuan ed sikara di Zorobabel, Josue, tan saray pangulo da ray boleg, “Ag mi kaukolay tulong yod pangipaalagey na sakey a timplo para Katawan a Dios mi. Sikamin diliy mangipaalagey onung na ingganggan ed sikami nen Impirador Ciro na Persia.”

Esdras 5:15

Imbagad sikato na impirador ya alaen to ra, insan to ra ipawil ed Timplo ed Jerusalem, tan ipaalagey to so Timplo ed inalageyan ton gendat.

Esdras 6:10

Nepeg ya onyay nagawa, pian makapangisaklang ira na saray bagat a makapaliket ed Dios na Tawen. Nipikasi rad satan ya iter na Dios so bindision tod siak tan saray lalakin anak ko.

Esdras 6:3

“Diad ononan taon na impanoley nen Impirador Ciro, ingganggan ton ipaalagey lamet ed Jerusalem so Timplo a pambagatan tan pangisaklangan na saray bagat a popoolan. Nepeg a talomplon mitro so kaatagey tan talomplon mitro so kaawang na ipaalagey lamet a Timplo.

Esdras 7:12

“Nanlapu yan kaletan ed Impirador Artajerjes diad kinen Esdras a pari a kabkabat toy Ganggan na Dios na Tawen.

Nehemias 1:4

Nen nadngel ko ya, inmirung ak, insan ak nanakis. Pigay agew ak a nanermen tan ag angan. Nampikasi ak ed Dios.

Nehemias 1:5

“Katawan a Dios na Tawen! Matalonggaring ka tan nepeg kan takotan. Matoor kan mangaro tan susumpalen moy impisipanan mo ed saray mangaarod sika tan mangoonur na saray ganggan mo.

Saray Salmo 136:26

Misalamat kayod Dios na tawen; andi-anggaan so panangaro to.

Saray Salmo 85:2

Pinaandim ya amin iray kasalanan na saray totoom, tan pinirdonam iray amin a kaogsan da.

Probirbio 21:1

Mainomay ya iwanwan na Katawan so kanunotan na ari, a singa kinainomay na panangiwanwan tod agos na kolus.

Isaias 41:2

“Siopay angyakar na mananalod bakal a taga bokig tan panataloen to ya anggad iner so laen to? Siopay mangiiter ed sikatoy pananalo ed saray arari tan saray bansa? Wawasiwasen to ra na ispada to, et nikayat iran singa dabuk. Bubuyaken ira na saray pana to, et magmaliw iran singa osang ya itiktikyab na dagem.

Isaias 44:26

Balet no walay ipasakbay na aripen ko, no walay ibakik a mangipaamta na saray planok gagawaen kon ontua ira man a pasakbay tan planok. Ibabagak ed Jerusalem a manayam lamet iray totood man, tan ibagak ed saray siudad na Juda a nipaalagey ira lamet. Onalagey lamet iray siudad ya aderal-deral.

Isaias 44:28

Ikokuankod kinen Ciro, ‘Sikay mangilaman ed siak a manoley; onuren mo so labay kon pagawad sika; iganggan mon nipaalagey lamet so Jerusalem tan nilira iray pundasion na Timplo.’”

Isaias 45:1

Say Katawan pinili ton manari si Ciro. Tinoro to a manakep ed saray bansa; ibabaki ton mangekal na pakayari da ray arari; ilokas na Katawan iray puirta na saray siudad a looban nen Ciro. Say Katawan kuantod kinen Ciro.

Isaias 66:1

Say Katawan kuanto, “Say tawen so tronok tan say dalin so toonan na salik. Anton klasiy abung sirin so ipaalagey yon para siak, anton klasiy pasen so panayaman ko?

Jeremias 10:11

Sikayo ran totoo nepeg yon ibagad sikara a saray diriyos ya ag da ginawa so tawen tan dalin, et naderal ira. Naandi ra ed anggan iner a pasen diad tapew na dalin.)

Jeremias 27:5

“Siak, diad panamegley na pakayarik tan biskeg ko, pinalsak so mundo, saray totoo, tan amin ya ayayep a manaayam ed tapew na dalin; iiter ko ya ed siopaman a labay kon pangitdan.

Jeremias 29:10

“Say Katawan kuanto, ‘Kayari na pitomploy taon a panoley na Babilonia ed sikayo, ipanengneng koy panangarok ed sikato tan sumpalen koy sipan ko a papawilen ta kayod dalin yo.

Daniel 1:21

Nansiansian kabyangan na opisyal na ari si Daniel ya anggad impakadakep ed Babilonia nen Ari Ciro, say impirador na Persia.

Daniel 2:21

Walad lima to so oras tan say panaon; sikatoy mangipapayorung tan mangeekal ed saray arari; sikatoy mangiiter na kakabatan ed saray makabat tan say pakatalus ed saray makatalus.

Daniel 2:28

Balet walay Dios ed tawen a sikatoy mangipapaamtad saray mistirio. Impaamta tod sika, Kagalang ya Ari, no antoy nagawa ed arapen. Natan ibagak ed sika so kogip mo, say nipasingayew ed sika nen naogip ka.

Daniel 4:25

Napaarawi kad kawalaan da ray totoo tan manayam kad kawalaan da ray ayayep ed katakelan. Pitoy taon a mangan kay dika a singa baka, tan manogip ka ed pasen ya anggapoy tarung, a diman ka nalinaewan. Insan birbiren mo a walad silong na pakaoley na Sankatageyan a Dios iray nanarian na too tan nayarian to ran iter ed siopaman a labay ton pangitdan.

Daniel 4:32

Napaarawi kad kawalaan da ray totoo, manayam kan kaibam iray ayayep ed katakelan, tan pitoy taon kan mangay dika a singa baka. Insan birbiren mod satan ya amin a nanarian na too et walad silong na pakaoley na Sankatageyan a Dios tan nayarian to ran iter ed siopaman a labay ton pangitdan.”

Daniel 5:23

Ginawam iray sumpad Katawan na tawen, ta impaalam ira may kupa tan losur a nala ed Timplo to. Naniinoman yo, sika, saray manonan opisyal mo, saray asawam, tan saray iyaamung mon bibii tan inggalang mo ray diriyos a balituk, pilak, gansa, balatyang, kiew, tan bato—saray diriyos ya ag ira makanengneng odino makadngel tan anggapoy amta ran alu. Balet ag mo pinagalangan so Dios a walad lima toy bilay mo tan walad silong na pakayari toy amin a gagawaen mo.

Daniel 6:25

Insan sinulat nen Ari Dario iray totoo ed amin a bansa, anggan antoy kolor na baog da tan salita ra: “Maabig komun so kipapasen yon amin a sabien to yan ganggan ko.

Jonas 1:9

“Sakey ak a Hebreo,” ebat nen Jonas. “Mangigagalang ak ed Katawan a Dios na tawen, say nanggawad dalin tan say dayat.”