Ecclesiastes 9:7 - Maung A Balita Biblia

⁷ Sigi labat—akan moy kanen mo tan manliket ka; inom moy alak mo tan manggayaga ka. Aabubonan na Dios so gawaen mo.

Maung a Balita Biblia

⁷ Sigi labatakan moy kanen mo tan manliket ka; inom moy alak mo tan manggayaga ka. Aabubonan na Dios so gawaen mo.

Ecclesiastes 9:7 Iomraidhean Croise

Genesis 12:19

Akin et imbagam ya agim tan inabuloyan mon inalak ya asawa? Niay asawam, alam la tan taynan ki la!”

1 Saray Arari 8:66

Diad kumawalon agew, pinasempet la nen Solomon iray totoo. Inggalang na amin a totoo si Ari Solomon tan sinmempet iran maliket lapud amin a bindision ya inter na Katawan ed aripen ton David tan saray totoo ton Israelita.

Ecclesiastes 10:19

Say pista mampagayaga tan say alak mampasayaksak, balet no anggapoy kuarta ag ka makapampista tan makainom na alak.

Ecclesiastes 11:8

No andokey so bilay mo nepeg a misalamat ka lapud balang sakey a taon a pambibilay to. Balet nepeg mon nunoten ya andokey niy panaon a sikay inatey nen say panaon a sikay mabilay. Andi-kakanaan ya amin iray onsabi.

Ecclesiastes 5:18

Saya so arumogan ko: say sankaabigan a nagawaan na too et say pangan tan say iyinom to, tan say panliket to ed nansagputan to legan na antikey a pambilay ton inter ed sikato na Dios; sikato yay kapalaran na too.

Ecclesiastes 7:14

Manliket ka no maligen so bilay mo. Balet no nagugunigon ka, nunot mo: iiter na Dios so liket tan say gunigon tan ag mon balut naamtaan no antoy onsoblay a nagawa.

Ecclesiastes 8:15

Kanyan atibokel ed kanunotan ko a nepeg a manliket so sakey a too, ta say panliketan to labat ed sayan bilay et say pangan, say paninom to, tan say pamaliket tod laman ton dili. Nagawaan toy onya no mankikimey legan na inggetar na Dios a pambilay to diad tapew na dalin.

Saray Bilang 6:20

Insan say pari iyapay to ran nidoma-doman rigalo ed Katawan; masanton bagat ira a para pari, a kaaruman ira na pagew tan ulpo na samay karniro ya onung ed ganggan et kayaryan ira na pari. Kayari to ya, samay Nazareo nayarin oninom la na alak.

Marcos 7:29

Kanyan inkuanen Jesus ed sikato, “Lapud sayan imbalikas mo, nayarian mo lay onsempet. Pinmaway lay dimonyo ed anak mo.”

Lucas 11:41

Iter yod saray mairap-bilay so walad saray tasa tan plato yo, et nalinisan onung ed ganggan para sikayo ray amin a bengatla.

Juan 4:50

Inkuanen Jesus ed sikato, “Laka la; mambilay so anak mo!” Anisia may too ed salita nen Jesus, tan linma la.

Saray Gawgawa 10:35

Pakaliketay Dios so siopaman a walay takot ed sikato tan manggaway inkatonung, anggan antoy bansa to.

Deuteronomio 12:12

Manliket kayod man ed arap to, pati saray anak yo, saray aripen yo, tan saray Levitan manayam ed saray baley yo; nunot yo a saray Levita et anggapoy dilin dalin da.

Deuteronomio 12:7

Dimad saman a pasen, diad arap na Katawan a Dios yo ya amindision ed sikayo, sikayo tan saray kabyangay pamilya yo et kanen tan panliketan yo ray maabig a bengatlan nansasagputan yo.

Ruth 3:7

Nen kayari nen Booz ya angan tan inminom, maliket so liknaan to. Linmad abay na nibontun a sibada tan diman la dinmokul a naogip. Nankalkalnad satan si Ruth a sinmingger ed kinen Booz, inlokas toy oles, insan dinmokul ed saliyan to.