Ecclesiastes 9:10 - Maung A Balita Biblia

¹⁰ Antokaman a gawaen mo gawam ed anggaay nayarian mo, lapud anggapo lay kimey, kanunotan, pakatalus, tan kakabatan ed pasen a kawalaan da ray inaatey a dimay laen mo.

Maung a Balita Biblia

¹⁰ Antokaman a gawaen mo gawam ed anggaay nayarian mo, lapud anggapo lay kimey, kanunotan, pakatalus, tan kakabatan ed pasen a kawalaan da ray inaatey a dimay laen mo.

Ecclesiastes 9:10 Iomraidhean Croise

Genesis 37:35

Dinmagon amin iray anak ton lalaki tan bibii a manligliwad sikato, balet ag to labay so naligliwa tan inkuanto, “Anggan wala ak lad pasen a panaayaman da ray inaatey, panermenan ko ni so anak ko.” Kanyan ag to tinondaan ya inermenan si anak ton Jose.

1 Saray Awaran 22:19

Nepeg natan a masimoon tan matoor so panlingkur yod Katawan a Dios yo. Igapo yon ipaalagey so Timplo a pamagalang ed Katawan, pian niiyan yod dalem to imay Kaban na Sipanan na Katawan tan saray arum a masanton kagawaan ya ikakanad pangigalang ed sikato.”

1 Saray Awaran 28:20

Inkuanen Ari David ed anak ton Solomon, “Pabiskeg moy linawam tan ag ka natatakot. Igapom so kimey tan ag mo aabuloyan so antokaman a manebel ed sika, ta walad sika so Katawan a Dios a panlilingkuran ko. Ag to ka ikaindan; mansiansiad sika ya anggad pakasumpal moy kimey ed Timplo to.

Nehemias 2:12

ag ko imbagad siopaman so pagagawad siak na Dios para Jerusalem. Insan diad pegley-labi binmangon ak, intagar koy pigara ed saramay kakaibak, insan kami pinmaway. Samay asnon kinabayoan ko, so ayep labat ya inawit mi.

Nehemias 4:2

Diad arap na saray kakaiba to tan saray sondalo na Samaria inkuanto, “Antoy linmad olo na saray pangaskasiyan a Judio? Labay dan ipaalagey lamet so siudad? Abaloan da kasi a diad pangibagat da nasumpal da so kimey ed sanagew? Nayarian da kasin gawaen a bato ira may bunton na atemek-temek tan apool-poolan a bengatla?”

Nehemias 4:6

Kanyan intuloy miy pangipapaalagey mi lamet ed padir; ag abayag apaldua mi lay kaatagey to, lapud mapeleng a mankimey iray totoo.

Say Libro nen Job 10:21

Magano lay itaynan ko tan ag ak lan balut ompawil; onla ak ed ambilonget tan maermen a dalin,

Say Libro nen Job 10:22

dalin a walay kabilongetan, tan gewgew, dalin ya anggan say liwawa et bilonget.”

Say Libro nen Job 21:13

Maaligwas ira legay pambilay da, tan mareen ira no naoyus so linawa ra.

Saray Salmo 6:5

Diad pasen a panaayaman da ray inaatey, ag ka la nanunotan; anggapo lad may makapangidayew ed sika!

Probirbio 3:28

Ag mo ibabagad kaabay mo ya ompawil ka nabwas no nayarian mo lan tulongan natan.

Ecclesiastes 11:3

Anggan iner a dapag so tumbaan na kiew, diman to la. No makapakapal lay lorem, onoran la.

Ecclesiastes 11:6

Mantanem kad kabwasan tan labi, ta ag mo amta no ontubon amin kasi so itanem mo, odino say sakey et mabona nen say sananey.

Isaias 38:10

Ninunot ko a diad kakkaksilay bilay ko, Onla ak lad pasen a panaayaman da ray inaatey, Et naandian ak lay pankanawnawan mambilay.

Jeremias 29:13

Anapen yo ak et narumog yo ak, lapud anapen yo ak ed intiron puso yo.

Saray Bilang 13:30

Si Caleb pinareen to ray totoon manririklamo ed kinen Moises tan kuanto, “Dogpaan ti la natan iman a dalin tan dakepen tayo la; sarasarag tayon looban tan dakepen.”

Mateo 20:7

‘Anggapo lantiy mangalad sikami a mankimey,’ kuanda. Inkuanto, ‘No ontan sirin, lakayo met a mankimey ed kaubasan ko!’

Mateo 6:33

Sikayo, balet, anap yon onona so Panarian na Dios tan say pambilay yon onung ed linawa to, et iter tod sikayoy amin a nakaukolan yo.

Juan 4:34

Inkuanen Jesus ed sikara, “Say kanen ko say pangonur koy linawa na angibakid siak tan say panumpal koy kimey a pagagawa tod siak.

Juan 9:4

Natan ta agew ni, nakaukolan a gawaen ti ray pagagawa na angibakid siak, ta onsabiy labi ya anggapoy makapankimey.

Saray Taga Roma 12:11

Mankoli kayo tan ag kayo onngingiras. Ipapuso yoy panaglingkur yod Katawan.

1 CORINTO 15:10

Balet lapud baleg a panangaroy Dios, nagmaliw ak ya apostol, tan ag met naandiay kakanaan so baleg a panangaro ya inter tod siak. Mairap niy impankimey ko nen say siopaman ed sikara, anggaman ya aliwan lapud biskeg kon dili, no ag lapud baleg a panangaro na Dios ed siak.

1 CORINTO 16:10

No onsabid tay Timoteo, paliket tan pabiskeg yoy loob to diad pilimug tod sikayo, ta kaparak a manlilingkur ed Katawan.

1 CORINTO 9:24

Amta yon saray milulumba ombabatik iran amin, balet sakey labat ed sikara so makalay tumang. Batik kayo sirin a singa milulumba, pian makala kayoy tumang!

1 CORINTO 9:26

Kanyan singa ak milulumba a pilalek koy manalo, tan singa ak buksingiron ag mamoponitid dagem.

TAGA-EFESO 5:16

Anamut yoy pankanawnawa yon manggaway kamaungan, ta maoges so kiwas na bilay diad sarayan agew.

COLOSAS 3:23

Antokaman a gawaen yo, gawa yon mabolbolus, a singa kayo manlilingkur ed Katawan, aliwa labat a diad too.

1 Samuel 10:7

No nagawa ra ya, gawam so antokaman a pagawad sika na Dios.