Ecclesiastes 9:1 - Maung A Balita Biblia

¹ Dinalepdep kon maung so nipaakar ed sarayan amin, et atalusan kon a walad lima na Dios iray gagawaen na saray makabat tan matonung a totoo, anggan say panangaro ra tan say panagbosul da. Anggapoy toon makaamta no antoy nagawa ed arapen a panaon.

Maung a Balita Biblia

¹ Dinalepdep kon maung so nipaakar ed sarayan amin, et atalusan kon a walad lima na Dios iray gagawaen na saray makabat tan matonung a totoo, anggan say panangaro ra tan say panagbosul da. Anggapoy toon makaamta no antoy nagawa ed arapen a panaon.

Ecclesiastes 9:1 Iomraidhean Croise

Say Libro nen Job 12:10

Say Dios so mangiwawanwan ed bilay na saray pinalsa to; walad lima to so bilay na balang too.

Say Libro nen Job 27:12

Balet andi la, ta anengneng yo met lamlamang; akin sirin et mansasalita kayoy andi-kakanaan?” [Inmebat si Zofar]

Say Libro nen Job 5:8

No siak so sika, onsingger ak ed Dios tan sikatoy pangipiregan koy kipapasen ko.

Saray Salmo 10:14

Balet nanaimatunan mo; nanaimanom so kairapan tan say kaermenan, et sipaparaan ka lawas ya ontulong. Say pakaskasin too imamatalek toy sikaton dili ed sika; tulongan mo lawas iray mankakaukolan.

Saray Salmo 119:109

Sipaparaan ak a mangipostay bilay ko; ag ko nilingwanay ganggan mo.

Saray Salmo 31:5

Imamatalek kod sika so ispirituk. Ilaban mo ak, Katawan; matoor kan Dios.

Saray Salmo 73:3

ta angimon ak ed saray mapaatagey, nen anengneng kon onaaligwas iray totoon maoges.

Probirbio 16:3

Kerew mod Katawan a bindisionan to ray planom, et nagawam ira.

Ecclesiastes 1:17

Ginetmak ya aralen so pandomaan na pakatalus tan inkakulang-kulang, say kakabatan tan say kaambagelan. Balet naamtaan ko a singa ak onoosil ed dagem.

Ecclesiastes 10:14

Ag ontonda a manlabir lan manlabir. Anggapoy toon makaamta no antoy nagawad arapen, kanyan anggapoy makapangibaga ed too no antoy nagawa kayariy ipatey to.

Ecclesiastes 7:15

Legan na andi-kakanaan ya impanbilay ko anengneng koy amin a bengatla. Wala ray totoon matonung ya antikey so bilay da, balet wala ray maoges a totoo ya andokey so bilay da.

Ecclesiastes 7:25

Inyapasakey koy siak a dili ed pangamta tan panaral; peteg a ginetmak so mansokimat ed kakabatan tan saray ebat na saray tepet ko, tan say pangamtak na kaogsan na inkakulang-kulang.

Ecclesiastes 8:14

Balet andi-kakanaan ya. Imano yoy nagagawa ed mundo: no maminsan niiter ed saray matonung so dusa na saray totoon maoges, tan niiter ed saray totoon maoges so tumang na saray matonung a totoo. Kuanko a sakey yan andi-kakanaan.

Ecclesiastes 8:16

Kapag salien koy magmaliw a makabat, tan aralen koy nagagawa ed mundo, abirbir kon anggan sanlabi tan sanagew kan ag onogip,

Ecclesiastes 8:7

Anggapod sikatayoy makapikabat no antoy nagawa ed arapen, tan no siopay mangibagad sikatayo.

Ecclesiastes 9:6

Kaambas da lan naandi so panangaro, panagbosul, tan say panagabagey da. Ag la ran balut mibali ed antokaman a nagagawa ed sayan mundo.

Isaias 26:12

Sika, O Katawan, so mamaaligwas na bilay mi; sikay makankimey ed amin da ray gagawaen mi.

Jeremias 43:6

saray lalaki, saray bibii, saray anak, tan saray bibiin anak na ari. Inala ray amin ya intilak nen Nebuzaradan a pangulo na saray sondalo na Babilonia diad panagasikaso nen Gedalias; akapila diay Baruc tan siak.

Deuteronomio 33:3

Inaro na Katawan iray totoo to tan iyaagel to ray totoon kayaryan to. Kanyan ondakmomo itayod saliyan to tan onuren tayo ray ganggan to.

2 Timoteo 1:12

tan sikato yay makasengeg ya onya lay paniirap ko. Anggaman ontan, ag ko ibabaing yay nagagawad siak ta amtak no siopay panmamatalkan ko tan ag ko panduaruwaan a naasikaso ton maung, anggad saman ya Agew, so inmatalek kod sikato.

1 Pedro 1:5

Lapud mananisia kayo, sasalimbengan kayo na pakayariy Dios legan yon aalagden so kilalaban ya akaparaan lan nipaamta ed kaonuray panaon.

1 Samuel 2:9

“Iyagel toy bilay da ray totoo ton matoor, balet naandipat ed kabilongetan iray totoon maoges; ag manalo so too lapud biskeg ton dili.