Ecclesiastes 8:7 - Maung A Balita Biblia

⁷ Anggapod sikatayoy makapikabat no antoy nagawa ed arapen, tan no siopay mangibagad sikatayo.

Maung a Balita Biblia

⁷ Anggapod sikatayoy makapikabat no antoy nagawa ed arapen, tan no siopay mangibagad sikatayo.

Ecclesiastes 8:7 Iomraidhean Croise

Ester 5:12

“Aliwan saratan labat,” intuloy nen Haman, “si Riyna Ester angiparaan na panangan a para siak labat tan say ari, anggapo lay arum. Naimbitaan kami ni lamet nabwas.

Probirbio 24:22

Saratan a totoo et nayarin biglan naderal ira. Amtam so deral ya ipasabid sikara na Dios odino say ari?

Probirbio 27:1

Ag mo ipapasirayew so nipaakar ed nabwas. Ag mo amta no nagawa ed sayan agew.

Probirbio 29:1

No paaweten moy olom kapag sikay pepeteken, onsabiy agew a sikay biglan naderal tan anggaan mo la.

Ecclesiastes 10:14

Ag ontonda a manlabir lan manlabir. Anggapoy toon makaamta no antoy nagawad arapen, kanyan anggapoy makapangibaga ed too no antoy nagawa kayariy ipatey to.

Ecclesiastes 3:22

Abirbir ko sirin a say sankaabigan a nagawaan tayo et say panliket ed saray nansagputan tayo. Anggapo lay arum a nagawaan tayo. Anggapoy polaing a pakaamtaan tayo no antoy nagawad sikatayo kayari na ipatey tayo.

Ecclesiastes 6:12

Siopay makaamta no antoy sankaabigan a para sakey a too ed sayan andi-kakanaan tan antikey a bilay ed tapew na dalin—sakey a bilay a naandipat a singa anino? Siopay makapangibaga no antoy nagawad mundo kapatey to?

Ecclesiastes 7:14

Manliket ka no maligen so bilay mo. Balet no nagugunigon ka, nunot mo: iiter na Dios so liket tan say gunigon tan ag mon balut naamtaan no antoy onsoblay a nagawa.

Ecclesiastes 9:1

Dinalepdep kon maung so nipaakar ed sarayan amin, et atalusan kon a walad lima na Dios iray gagawaen na saray makabat tan matonung a totoo, anggan say panangaro ra tan say panagbosul da. Anggapoy toon makaamta no antoy nagawa ed arapen a panaon.

Ecclesiastes 9:12

Say sakey a too ag to kabat no kapigan so isabi na oras to. Saray totoo napatitan ira no panaon na maoges ya ag da iilaluan, tan singa ra saray manok a biglan narel ed patit, odino saray sira a narel ed iket.

Mateo 24:44

Kanyan nakaukolan a sipaparaan kayo, lapud onsabiy Anak na Too ed oras ya ag yo iilaloan.”

Mateo 24:50

Insan onsempet so amo to ed agew ya ag to iilaloan tan diad oras ya ag to amta.