Ecclesiastes 8:5 - Maung A Balita Biblia

⁵ Arawid kaatapan iray mangonur ed saray ganggan to. Say toon makabat amta to no panon tan no kapigan to ra onuren.

Maung a Balita Biblia

⁵ Arawid kaatapan iray mangonur ed saray ganggan to. Say toon makabat amta to no panon tan no kapigan to ra onuren.

Ecclesiastes 8:5 Iomraidhean Croise

Saray Salmo 119:6

No imanoen kon amin iray ganggan mo, ag ak nabaingan.

Exodo 1:17

Balet sarayan manamianak, lapud walay takot dad Dios, ag da inonur imay ingganggan na ari ed sikara; ag da pinatey iray ogogaw a lalaki.

Probirbio 12:21

Anggapoy makapoy a nagagawad saray totoon matonung, balet natatabunan na gunigon iray totoon maoges.

Probirbio 17:24

Say toon ikakana toy olo to gawan napnoy kakabatan so gegetmaen to, balet say toon makulang-kulang amayamay a bengatlay gegetmaen to.

Ecclesiastes 10:2

Inkanatural na makabat a too so manggaway katonungan, tan inkanatural na makulang-kulang a too so manggaway kaogsan.

Ecclesiastes 12:13

Kayari na sarayan amin, wala niy sakey a nibaga: Pagalangan moy Dios tan onur mo ray ganggan to, ta sikato yay makasengeg na impamalsaan na Dios ed too.

Ecclesiastes 2:14

Saray totoon makabat nanenengneng da so lalaen da, balet saray makulang-kulang ag da nanenengneng. Balet naamtaan ko met a saksakey so pansumpalan tayon amin.

Ecclesiastes 8:2

Onur mo ray ganggan na ari, tan ag ka bengatbengat mansisipan ed Dios.

Oseas 5:11

Napapairap so Israel; abalang to so dalin a kayaryan ton peteg. Onyay agawad sikato, ta impasoot toy kinmerew na tulong ed saray anggapoy niiter dan tulong.

Lucas 20:25

Inkuanen Jesus, “No ontan sirin, iter yo Impirador so nabebetangay Impirador, tan iter yo met ed Dios so nabebetangay Dios.”

Saray Gawgawa 4:19

Balet inmebat ira di Pedro tan Juan, “Sikayo lan diliy manintinsia no dinay maptek ed arap na Dios: say pangonur ed sikayo, o say pangonur ed Dios.

Saray Gawgawa 5:29

Inmebat si Pedro tan saray arum ya apostol, “Nepeg min onurey Dios, aliwan saray totoo.

COLOSAS 1:9

Kanyan nanlapud samay impakadngel miy nipaakar ed sikayo, lawas mi kayon ipipikasi. Kekerewen mid Dios a panoen to kayo komuy pakaamta na linawa to, a tinekepay maispiritun kakabatan tan pakatalus.

Saray Hebreo 5:14

Balet say kakanen ya anawet, para saray matakken la a pasal da lay mangikana na liknaan da a mangibiig ed maung tan maoges.