Ecclesiastes 7:26 - Maung A Balita Biblia

²⁶ Arumog ko a lalon ampait niy bii nen say patey. Singa patit a mangerel ed sika so panangaro tod sika odino singa sakey ya iket; singa golunggolung ya ombaliber iray taklay ton onlakap ed sika. Nibatikan ya na toon makapaliket ed Dios, balet erelen to so toon makasalanan.

Maung a Balita Biblia

²⁶ Arumog ko a lalon ampait niy bii nen say patey. Singa patit a mangerel ed sika so panangaro tod sika odino singa sakey ya iket; singa golunggolung ya ombaliber iray taklay ton onlakap ed sika. Nibatikan ya na toon makapaliket ed Dios, balet erelen to so toon makasalanan.

Ecclesiastes 7:26 Iomraidhean Croise

Genesis 19:35

Kanyan diad saman a labi, binwek da lamet si ama ra, tan inakdulan na samay yogtan; balet diad inkabwek ton maung ag to amtay agawa.

Genesis 39:9

Nampara lay pakaoley mi ed sayan abung tan anggapoy ag to inter ed siak, likud ed sika. Ag ko nayarian a gawaen itan a kabandayan, ta mankasalanan ak ed Dios.”

Exodo 10:7

Saray opisyal na ari kuandad sikato, “Kapigay pangangga na panggunigon na sayan too ed sikatayo? Abuloyan mo la ray Israelitan lalaki ya ontaynan, pian nigalang day Katawan a Dios da. Ag mo ta nanenengneng ya aderal lay Egipto?”

Probirbio 2:16

Nayarian mon iyarawian so marotak a biin ayaten to kad malamlamuyot a panagsalita to,

Probirbio 22:14

Say pikakaloguran et sakey a patit—eerelen to ray pamapasnukan na Katawan.

Probirbio 6:23

Saray bilin da singa ra liwaway silew; say panametek da ibangat da ka no panoy pambilay mo.

Probirbio 6:24

Niarawi da kad saray marotak a bibii tan nipaliis da kad makaayat a panagsalita da ray asawa na arum a lalaki.

Probirbio 9:18

Ag amta na saray napapalikdo to ya ompatey iray totoon oonlad abung to, tan saray totoon linmoob la et wala la rad dalem na pasen a panaayaman da ray inaatey.

Ecclesiastes 2:26

Iiter na Dios so kakabatan, pakatalus, tan liket ed saray mamapaliket ed sikato, balet pankikimeyen, panaanapen, tan pantitiponen to ray makasalanan pian walay niiter ed saray mamapaliket ed sikato. Sakey met yan andi-kakanaan. Singa ka onoosil labat ed dagem.

Ecclesiastes 7:27

On, kuay Managpulong, nankalkalnan akabatan ko ya, legan kon aanapen iray ebat.