Ecclesiastes 7:2 - Maung A Balita Biblia

² Magmaung niy onlad abung a walay ermen lapud walay inatey nen say onlad abung a walay ponsia, ta diad iyakar ed kawalaay inatey nipanunot a say patey et manaalagar ed sikatayon amin.

Maung a Balita Biblia

² Magmaung niy onlad abung a walay ermen lapud walay inatey nen say onlad abung a walay ponsia, ta diad iyakar ed kawalaay inatey nipanunot a say patey et manaalagar ed sikatayon amin.

Ecclesiastes 7:2 Iomraidhean Croise

Saray Salmo 90:12

Ibangat mo pad sikami no panoy katikey na bilay mi, et nayarin magmaliw kamin makabat.

Ecclesiastes 2:14

Saray totoon makabat nanenengneng da so lalaen da, balet saray makulang-kulang ag da nanenengneng. Balet naamtaan ko met a saksakey so pansumpalan tayon amin.

Ecclesiastes 2:16

Anggapoy makakanunot ed saray makabat, anggapo met so makakanunot ed saray makulang-kulang. Diad arapen iran agew, nalingwanan itayon amin. Ompatey ya amin iray katoowan, makabat may makulang-kulang.

Ecclesiastes 3:19

Ta say nagawa ed saray totoo et nagawa met ed saray ayayep; ompatey iran amin. Nampara ra a pinalsa. Anggapoy panmaungan na too ed ayep lapud andi-kakanaan so bilay para ed sikaran dua.

Ecclesiastes 3:20

Mansumpal iran dua ed saksakey a pasen—say dabuk. Dabuk so nanlapwan da, dabuk so pawilan da.

Ecclesiastes 6:6

mainawa nen say samay toon aliwan maliket so impanbilay to, anggaman a nayarin mambilay na duan liboy taon. Ag ta saksakey met lamlamang so laen dan dua?

Ecclesiastes 9:2

Anggapoy pandomaan na nagawad sikara, ta say nagawa ed matonung a too nagawa met ed maoges a too; ontan to met ed maung tan makapoy a totoo, diad saray rilihioso tan saray aliwan rilihioso, diad saray mangibabagat tan saray ag mangibabagat. Anggapoy panmaungan na maung a too ed toon makasalanan; anggapoy panmaungan na toon mansamba tan say toon ag mansamba.

Ecclesiastes 9:3

Nampapara so nagagawa ed amin a too, et sikato yay makapoy a nagagawa, a singa amin a nagagawa diad mundo. Legan a mambibilay iray totoo, mannununot ira lawas na kaogsan tan kambagelan, et kabebekta ompatey ira.

Ecclesiastes 9:5

On, saray mabilay amta ra ya ompatey ira, balet saray inaatey anggapoy amta ran balut. Anggapo lay arum a tumang da; sigput la ran alingwanan.

Isaias 47:7

Abaloan mo a sika lawas so riyna, tan ag mo inngalngalep ira yan bengatla; ag mo anggan ninunot no kapigay pangangga ra.

Jeremias 16:8

“Ag ka onloloob ed abung a kawalaay totoon manliliket. Ag ka mirorongod sikaran mangan odino oninom.

Aggeo 1:5

Ag yo ta nanaimanoy nagagawad sikayo?

Malakias 2:2

Nepeg yo ak a pagalangan diad panamegley na gagawaen yo. No ag yo dengelen so ibabagak ed sikayo, isamba ta kayo. Isambak iray bengatlan panlalapwan na pambilay yo. Diad tuay tua insambak la ra, lapud leleglemewen yoy ganggan ko.

Saray Bilang 23:10

Singa karakel na dabuk so karakel na saray Israelita. Diad gaway karakel da ag ira nabilang. Ompatey ak komun a sakey a matonung, Mangangga komuy bilay ko a sakey ed saray totoo na Dios.”

Mateo 5:4

“Maliket iray maneermen, ta ligliwaen iray Dios!

Deuteronomio 32:29

Ag da nanengneng so makasengeg na inkatalo ra; ag da natalusan so kabaliksan na inkagawa ra.

Deuteronomio 32:46

inkuanto, “Pampelengan yon onuren iray ganggan ya inter kod sikayo natad sayan agew. Ibangat yo ra ed saray anak yo, pian matoor da met ya onuren iray amin a bangat na Dios.

FILIPOS 3:19

Kaderalay pansumpalan da, ta gagawaen dan diriyos da ray pilalek na laman da. Say nepeg da komun ya ibaing so ipapasirayew da, tan saray mangaraldalin a bengatla so nununoten da.

Saray Hebreo 9:27

Nigetar ed balang too a maminsan ya ompatey, tan kasumpal to sintinsiaan na Dios.