Ecclesiastes 7:12 - Maung A Balita Biblia

¹² Say kakabatan iyagel to kad kaatapan a singa pangyagel ed sika na kuarta. Say kakabatan iyarawi to kad kaatapan—sikato yay kamaungan na pakatalus.

Maung a Balita Biblia

¹² Say kakabatan iyagel to kad kaatapan a singa pangyagel ed sika na kuarta. Say kakabatan iyarawi to kad kaatapansikato yay kamaungan na pakatalus.

Ecclesiastes 7:12 Iomraidhean Croise

Say Libro nen Job 1:10

Iyaagel mo lawas, say pamilya to, tan amin a kayaryan to. Bibindisionan moy amin a kimey to tan iitdan moy ayamayamay ya ayayep a ngalngali da nalaknabay intiron bansa.

Saray Salmo 57:1

Kasian mo ak pa, O Dios, kasian mo ak pa, ta ondarago ak sika pian arawi ak ed kaatapan. Diad silong da ray payak mo, niyaagel ak ya anggad ilabas na saray maksil a bagyo.

Probirbio 11:4

Anggapoy kakanaan so kayamanan mo no asabi lay agew na ipatey mo, balet say kaptekan nilaban toy bilay mo.

Probirbio 14:20

Say toon mairap-bilay ag labalabay na anggan say kaabay to, balet say toon mayaman dakel so kakaaro to.

Probirbio 2:11

Iyagel ka na kakabatan tan pakatalus mo,

Probirbio 2:7

Tutulongan tan iyaagel to so matonung, tan iyaagel tod kaatapan iray maptek so panagbilay da.

Probirbio 3:18

Maliket iray totoon magmamaliw a makabat; say kakabatan itdan to ra na bilay.

Probirbio 8:35

Say toon makalmod siak narurumog toy bilay, tan manliket so Katawan ed sikato.

Probirbio 9:11

Say kakabatan parokeyen toy bilay mo diad tapew na dalin.

Ecclesiastes 10:19

Say pista mampagayaga tan say alak mampasayaksak, balet no anggapoy kuarta ag ka makapampista tan makainom na alak.

Ecclesiastes 2:13

Et naamtaan ko a maung niy kakabatan nen say inkakulang-kulang, a singa say liwawa maung ni nen say bilonget.

Ecclesiastes 7:19

Dakel niy nagawaan na kakabatan para sakey a too nen say nagawaan na samploran manoley para sakey a siudad.

Ecclesiastes 9:16

Kuanko lan gendat a maung niy kakabatan nen say biskeg, balet anggapoy mangipapasen a makabat ed toon mairap-bilay odino ondedengel ed ibabaga to.

Ecclesiastes 9:18

Dakel nin kaabigan so nagawaan na kakabatan nen say nagawaan na saray armas a para bakal, balet say sakey a makasalanan baleg a kaabigan so naderal to.

Isaias 30:2

Oonla rad Egipto ya onkerew na tulong balet ag ira kinmerew ed siak na simbawa. Labay dan iyagel ira na Egipto, kanyan nanmatalek ira ed ari na Egipto.

Isaias 32:2

Balang sakey ed sikara et magmaliw a singa sakey a salimbeng no panaoy maragem tan sakey a pasen ya amutan no walay bagyo. Magmaliw iran singa kolus a managagos ed sakey ya amagamagan pasen, tan sakey a sirum ed petek na balbaleg a bato ed kinmelang a dalin.

Isaias 33:6

tan iletneg ton malet so bansa. Iyagel to lawas iray totoo to tan itdan to ray kakabatan tan pakatalus. Say sankabalegan dan kayamanan et say pangigagalang dad Katawan.

Juan 12:50

Tan amtak a say ganggan to et mangiter na bilay ya andi-anggaan. Kanyan sasalitaen ko labat so papaibagay Ama.”

Juan 17:3

Say bilay ya andi-anggaan saya: say pikabat na katoowan ed sika a saksakey a tuan Dios, tan say pikabat dad kinen Jesu-Cristo ya imbakim.

Deuteronomio 32:47

Aliwan apa ira yan salita; sikaray dilin bilay yo. Onur yo ra et mambilay kayo na andokey ed samay dalin ed nibaliw na Jordan a ngalngali yo la panayaman.”

FILIPOS 3:8

On, amin a bengatla et ipapasen kon adarak, ta nisulat la so lalon makana-kana, salanti say pakapikabat ed Cristo Jesus a Katawan ko. Lapud Cristo, imbantak ko lan amin iray bengatla; ipapasen ko lan singa dotak iray amin a bengatla, pian nagamuran ko labat si Cristo,

Saray Huis 9:15

Inmebat imay masabit ya abeban kiew, ‘No tuan labay yon pagmaliwen ak ya ari yo, gali dia sirin ta sirum kayod silong ko. No ag kayo, ompugsoy manliub ya apoy a manlapud saray masabit a sangak tan poolan to ray kiew a sidro ed Libano.’