Ecclesiastes 6:3 - Maung A Balita Biblia

³ Ibilang kon magmaung niy kipapasen na sakey ya ogaw ya inatey a nianak nen say toon sanlasus iray anak to tan mambilay na andokey, balet aliwan maliket ed bilay to tan ag napagalangan no ipompon.

Maung a Balita Biblia

³ Ibilang kon magmaung niy kipapasen na sakey ya ogaw ya inatey a nianak nen say toon sanlasus iray anak to tan mambilay na andokey, balet aliwan maliket ed bilay to tan ag napagalangan no ipompon.

Ecclesiastes 6:3 Iomraidhean Croise

Genesis 33:5

Nen anengneng nen Esau ira may bibii tan saramay ogogaw, tinepet to, “Siopa ra yay kaibam?” Inmebat si Jacob, “Sikara yay ogogaw ya inter na Dios ed siak lapud panangaro to.”

Genesis 47:9

Inmebat si Jacob, “Sanlasus tan talomplon taon lay impanbilay kon alis-alis so panayaman. Antikey tan mairap so bilay ko, ya aliwan singa saray atateng ko ya andokey so impanbilay da ya alis-alis met so nanayaman da.”

2 Saray Arari 10:1

Wala ray pitomplon kabyangay boleg nen Acab a manaayam ed siudad na Samaria. Nansulat si Jehu tan impawitan toy kopia iray manoley ed siudad, saray manonan ombaley, tan saray manaasikasod saray kabyangay boleg nen Acab. Onyay tanul na sulat:

2 Saray Arari 9:35

Balet anggapoy anengneng na saramay imbakin lalaki likud ed lapis-lapis na olo to tan saray pokel na lima tan saray sali to.

1 Saray Awaran 28:5

Initdan to ak na amayamay ya anak a laki tan diad sikara pinili toy Solomon a manoley ed intiron Israel, saray panarian na Katawan.

2 Saray Awaran 11:21

Labinwalon amin iray asawa nen Roboam tan anemaplo ray inyaamung ton bibii. Duamplo tan walon lalaki tan anemaplon bibii iray ilalak to. Si Maaca so sankainaroan to ed amin da ray asawa to.

Ester 5:11

Impanta nen Haman ed saray sangkaili to so ontan lan kayamanan to, karakel na anak ton lalaki, say impangitagey na ari ed betang to, tan say kipapasen ton sankatageyan ed amin da ray opisyal na ari.

Ester 7:10

Kanyan nibitay si Haman ed panagbitayan ya impagawa ton para si Mardokeo. Insan kinmepa so pasnuk na ari.

Say Libro nen Job 3:11

Inatey ak la komun ed dalem na eges nen inak odino diad samay bektan nianak ak.

Say Libro nen Job 3:16

odino singa ogaw ya inatey lan nianak.

Saray Salmo 58:8

Magmaliw ira komun a singa bisokul a mansumpal ed pitek; magmaliw ira komun a singa ogaw ya inatey nen nianak tan ag ton balut anengneng so liwawa.

Probirbio 17:6

Saray mamasiken ikikinon da ray apo ra, a singa saray anak a lalaki ikikinon da ray kaamaan da.

Ecclesiastes 4:3

Balet lalon maung ni ray ag la ran balut nianak, saray ag dan balut anengneng iray kaogsan a nagagawa diad tapew na dalin.

Ecclesiastes 6:4

Anggapoy kaabigan a nagamuran to yan ogaw ed kianak to; naandipat lan onlad kabilongetan tan diman la nalingwanan.

Jeremias 22:19

Singa kipompon na sakey ya asno so kipompon to, sikatoy nigayugoy tan nibantak ed paway na saray puirta na Jerusalem.”

Jeremias 36:30

Kanyan sirin, siak, say Katawan, kuankod sika, Ari Joakim, ya anggapoy kabyangay boleg mo a makapanoley ed nanarian nen David. Say bangkay mo nibantak ed pataktak a napetangan no agew tan nabetelan no labi.

Jeremias 8:2

Natipon tan nipompon ira komun, balet magmaliw iran singa saray taiy ayayep ya ataytayak ed dalin. Nitayak irad arap na agew, bulan, tan saray bitewen ya inaro tan nanlingkuran na sarayan totoo; angipanonan tan angigalangan da ra.

Mateo 26:24

Ompatey so Anak na Too, onung na ibabagay Masanton Sulat, balet kaskasian so toon mantraidor ed Anak na Too! Magmaung ni komun ya ag la nianak!”