Ecclesiastes 6:2 - Maung A Balita Biblia

² Say Dios itdan toy sakey a too na kayamanan, kagalangan, tan kayaryan, on, amin a labay to, balet ag to abuloyan a panliketan to ra. Say sakey a sangkaili la laingen so manliket. Sakey yan andi-kakanaan tan sumlang ed katonungan.

Maung a Balita Biblia

² Say Dios itdan toy sakey a too na kayamanan, kagalangan, tan kayaryan, on, amin a labay to, balet ag to abuloyan a panliketan to ra. Say sakey a sangkaili la laingen so manliket. Sakey yan andi-kakanaan tan sumlang ed katonungan.

Ecclesiastes 6:2 Iomraidhean Croise

1 Saray Arari 3:13

Iter ko met ed sikay ag mo kinerew: makagamur kay kayamanan tan say kagalangan ed legay pambilay mo, tan ag yan balut naparaan na anggan siopan ari.

1 Saray Awaran 29:25

Say Katawan initdan toy Solomon na baleg a tanduro ed arap na amin da ray Israelita. Impagmaliw to a matalonggaring ya ari nen say siopaman ya akaona nen say sikato a nanoley ed Israel.

1 Saray Awaran 29:28

Masiken la nen inatey. Andokey so bilay to, mayaman tan napnoy kagalangan. Sinmalat ed sikaton nanari si Solomon a lakin anak to.

2 Saray Awaran 1:11

Inmebat so Dios ed kinen Solomon, “Duga so kinerew mo. Ag ka kinmerew na saray kayaryan, odino kayamanan, odino kagalangan, odino say ipatey da ray kalaban mo, odino say pambilay mo na andokey. Ingen kinmerew ka na kakabatan tan pakatalus pian naoleyan mo ray totook ya angipasenan kod sikan ari.

Saray Salmo 17:14

iyagel mo ak pad saray totoon walad sikaray amin a labay da diad sayan bilay. Dusam pa ra diad panamegley na saray kairapan ya intaryam ed sikara; nawalaan komun na dakerakel a kairapan iray anak da, tan wala ni komuy nakeraan a para saray apo ra!

Saray Salmo 39:6

singa labat anino. Anggapoy kakanaan iray pansasagputan to; mantitipon na kayamanan, balet ag to amta no siopay mannanam!

Saray Salmo 73:7

ompapaway so kaogsan ed kapusoan da, tan ag ontotondan mamplano na kaogsan iray kanunotan da.

Ecclesiastes 4:4

Naaralan ko a saray totoo mapalaloy inkakoli ran mankimey, lapud makakaibeg irad kayaryan na kaabay da. Balet andi-kakanaan met ya. Singa ka met labat onoosil ed dagem.

Ecclesiastes 4:8

Walay sakey a toon mambibilay a bukbukor. Anggapoy anak to, odino say agi to, balet ag ontotondan mankimey; ag balut napepenek ed walan kayamanan to. Ag to anggan tetepeten ed sikaton dili no siopay kipaakaran na pansasagput to, tan ag to anggan manliliket. Sakey met yan andi-kakanaan, tan makapasinagem a panagbilay.

Ecclesiastes 5:13

Saya niy makapasinagem a kaogsan ya anengneng kod sayan mundo; saray katoowan mantitipon ira na kayamanan ya ikana ra ed panaon a pankaukolan da.

Ecclesiastes 5:16

Sikato ya met so sakey a maoges. Ontaynan tayo a singa insabi tayo. Et antoy nagunggona tayo no mankikimey tayon singa manisingkat na dagem?

Ecclesiastes 5:18

Saya so arumogan ko: say sankaabigan a nagawaan na too et say pangan tan say iyinom to, tan say panliket to ed nansagputan to legan na antikey a pambilay ton inter ed sikato na Dios; sikato yay kapalaran na too.

Ecclesiastes 5:19

No say sakey a too et initdan na Dios na kayamanan tan kayaryan tan inabuloyan to a panliketan to ra, nepeg a misalsalamat tan panliketan toy nansagputan to. Rigalo ya na Dios.

Isaias 55:2

Akin et gagastosen yoy kuarta yo ed antokaman ya ag makapenek? Akin et gagastosen yoy suildo yo, et siansian narasan kayo? Dengel yo ak tan gawa yoy ibabagak, et manliket kayo ed sankananaman iran kakanen.

Saray Tagleey 5:2

Walad lima na saray taga arum a bansa iray kayaryan mi; manaayam ed kaabungan mi iray totoon sangkaili.

Daniel 5:18

“Say Sankatageyan a Dios impagmaliw ton matalonggaring ya ari si amam a Nabucodonosor tan kinawesan to na kagalangan tan pakapanyari.

Oseas 7:9

et ag da nanaamamtaan a nanaoyusan iray biskeg, lapud sayan gagawaen da. Magano lay anggaan da, et ag da anggan amta.

Deuteronomio 28:33

Saray totoo na sakey a bansan ag yo amta et alaen na da ray bunga na saray tanaman a nansagputan yon pinabaleg, balet panamairap tan panamasegsegang labat so awaten yo lawas.

Deuteronomio 28:43

“Saray sangkailin manayam ed dalin yo et ombiskeg lan ombiskeg so pakayari ra, balet onkapoy lan onkapoy so pakayari yo.

Saray Huis 18:10

No makakar kayod man naimano yo ya anggapoy isisip dan dogpaan ira na anggan siopa. Maawang iman a bansa, tan walan amiy nakaukolan na saray totoo. Inter na Dios iman a dalin ed sikayo.”