Ecclesiastes 6:10 - Maung A Balita Biblia

¹⁰ Amin a nagagawa natan et abayag lan nigetar nen saman nin panaon, tan amta tayo a say too et ag nayarin misangsangan ed mabiskeg nen say sikato.

Maung a Balita Biblia

¹⁰ Amin a nagagawa natan et abayag lan nigetar nen saman nin panaon, tan amta tayo a say too et ag nayarin misangsangan ed mabiskeg nen say sikato.

Ecclesiastes 6:10 Iomraidhean Croise

Genesis 3:9

Balet tinawag na Katawan a Dios imay laki, “Iner so kawalaan mo?”

Say Libro nen Job 33:13

Akin et tetetelen moy Dios ed ag to pangebat na saray riklamom?

Say Libro nen Job 9:32

No too labat so Dios nayarian kon ebatan; nayarin manarap kamid korti pian nanengneng la no siopad sikamiy walad kaptekan.

Saray Salmo 103:15

Para sikatayon totoo, singa labat dika so bilay tayo. Ombabaleg tan ombobona itayon singa rosas a balang;

Saray Salmo 39:6

singa labat anino. Anggapoy kakanaan iray pansasagputan to; mantitipon na kayamanan, balet ag to amta no siopay mannanam!

Probirbio 21:30

Anggapoy kakanaay kakabatan, pakatalus, tan say pakaamta na too, no sumpa so Katawan ed sika.

Ecclesiastes 3:15

Antokaman a nagagawa odino nayarin nagawa et agawa la nen saman. Say Dios olit-oliten ton gawaen so nagagawa.

Ecclesiastes 6:11

No andokey so pisangsangan mo lalon anggapoy kana to, tan anggapoy nagunggonam.

Jeremias 49:19

Onsabi ak a singa isasabid malambut a pastolan na sakey a lion a nanlapud makdel a takel ed gilig na Ilog na Jordan, insan ko biglan pataynanen ed bansa ra iray Edomita. Insan manoley ed bansa so pangulon pilien ko. Siopay mipara ed siak? Siopay mampangayan onlaban ed siak? Siopan manoley so makasumpad siak?

1 CORINTO 10:22

Labay tayo kasin pangimoney Katawan? Mabiskeg itayo ta nen say sikato?