Ecclesiastes 4:8 - Maung A Balita Biblia

⁸ Walay sakey a toon mambibilay a bukbukor. Anggapoy anak to, odino say agi to, balet ag ontotondan mankimey; ag balut napepenek ed walan kayamanan to. Ag to anggan tetepeten ed sikaton dili no siopay kipaakaran na pansasagput to, tan ag to anggan manliliket. Sakey met yan andi-kakanaan, tan makapasinagem a panagbilay.

Maung a Balita Biblia

⁸ Walay sakey a toon mambibilay a bukbukor. Anggapoy anak to, odino say agi to, balet ag ontotondan mankimey; ag balut napepenek ed walan kayamanan to. Ag to anggan tetepeten ed sikaton dili no siopay kipaakaran na pansasagput to, tan ag to anggan manliliket. Sakey met yan andikakanaan, tan makapasinagem a panagbilay.

Ecclesiastes 4:8 Iomraidhean Croise

Genesis 2:18

Insan inkuan na Katawan a Dios, “Aliwan maung a mambukbukor so too. Igawaan ko na sakey a manepeg a kaiba to tan katulongan to.”

Saray Salmo 39:6

singa labat anino. Anggapoy kakanaan iray pansasagputan to; mantitipon na kayamanan, balet ag to amta no siopay mannanam!

Saray Salmo 39:7

Anto sirin, Katawan, so nayarian kon panilaloan? sika so paniilaloan ko.

Probirbio 27:20

Saray pilalek na too et ag iran balut napepenek a singa say pasen a panaayaman da ray inaatey.

Ecclesiastes 1:13

Ginetmak a sukiten tan aralen ya amin iray nagagawa diad tapew na dalin. Say Dios impasen to itayod makapasinagem a kipapasen.

Ecclesiastes 1:8

Amin a bengatla mansusumpal ed kapagaan—kapagaan ya ag nayarin ibalikas. Ag napepenek so mata ed inenengneng to; ag met napepenek so layag ed idedengel to.

Ecclesiastes 2:21

Mansasagput ka ya ipoonan mo so kakabatan, pakatalus tan dunong mo, insan mo itilak ed toon ag balut nansagput. Sakey yan andi-kakanaan, tan sakey a baleg a kaogsan.

Ecclesiastes 2:23

Amin a gawaen mo, legay pambilay mo, kapagaan tan sakit na olo so iter da. Anggan diad labi ag mandeen so kanunotan mo. Sakey met yan andi-kakanaan.

Ecclesiastes 4:7

Naimanok niy sakey ya andi-kakanaan ed sayan bilay.

Ecclesiastes 5:10

No maaro kad kuarta ag kan balut napenek; no mampilalek kan onyaman ag mon balut nagamuran so amin a pilalek to. Sakey met yan andi-kakanaan.

Ecclesiastes 5:9

Anggan say ari manmamatalek ed panagani.

Isaias 5:8

Pakaskasi kayo la! Anta wala la lantiy kaabungan tan kaalogan yo, labay yo nin naaruman ira. Ag mabayag, anggapo lay natilak a pasen a para arum a totoo, tan mambukbukor kayo la ed bansa.

Isaias 55:2

Akin et gagastosen yoy kuarta yo ed antokaman ya ag makapenek? Akin et gagastosen yoy suildo yo, et siansian narasan kayo? Dengel yo ak tan gawa yoy ibabagak, et manliket kayo ed sankananaman iran kakanen.

Mateo 11:28

“Dago kayod siak, amin yon nakekesawan ed panaawit yoy ambelat, ta pampainawaen ta kayo.

Lucas 12:20

Balet inkuay Dios ed sikato, ‘Kulang so kalakal mo! Diad sayan labi, ompatey ka. Siopa natay manawir ed saratay imparaan mon para sika?’”

1 Juan 2:16

Amin a bengatlan walad mundo—saray maoges a pilalek na too, saray labalabay a nengnengen tan alaen na totoo, tan amin a bengatla diad mundo ya ipapasirayew na totoo—nanlapu ra yan amin ed mundo. Anggapoy anggan sakey ed saraya so nanlapud Ama.