Ecclesiastes 3:20 - Maung A Balita Biblia

²⁰ Mansumpal iran dua ed saksakey a pasen—say dabuk. Dabuk so nanlapwan da, dabuk so pawilan da.

Maung a Balita Biblia

²⁰ Mansumpal iran dua ed saksakey a pasensay dabuk. Dabuk so nanlapwan da, dabuk so pawilan da.

Ecclesiastes 3:20 Iomraidhean Croise

Genesis 25:17

Nen inatey si Ismael, mantaoy sanlasus tan talomplo tan pito.

Genesis 3:19

Nakaukolan moy manlinget tan mansagput na baleg, pian makaiter so dalin na antokaman a napambilay ya anggad ipatey tan ipawil mod dalin a nanlapwan mo. Nanlapu kad dalin, tan magmaliw ka lamet a dalin.”

Say Libro nen Job 14:10

Balet no ompatey so too, anggaan to la; no naoyus so linawa to, iner lad satan so kawalaan to?

Say Libro nen Job 14:14

No ompatey so too, nabilay ni kasi? Balet manalagar ak na magmaung a panaon, anggad napalabas yan panaon na gunigon.

Say Libro nen Job 17:13

Say ilalok labat say pasen a panaayaman da ray inaatey, a dimay dokulan kon onogip ed kabilongetan.

Say Libro nen Job 30:24

Akin et kakabilen moy toon nanairapan lan maung, ya anggapo lay nagawaan to no ag ta manalagar labat na panangasi?

Say Libro nen Job 34:15

ompatey ya amin iray totoon mabilay tan ompawil irad dabuk.

Say Libro nen Job 7:9

Say lorem onlabas, et kabebekta ag mo la nanengneng; ontan met so too: ompatey insan ag la ompawil; nalingwanan la na amin da ray makapikabat ed sikato.

Saray Salmo 103:14

Amta to no antoy inkagawa tayo; nanununotan ton dabuk itayo.

Saray Salmo 104:29

No onarawi ka, natatakot ira, no ekalen moy ingas mo, ompatey ira tan ompawil irad dabuk a nanlapwan da.

Saray Salmo 49:14

nigetar iran ompatey a singa saray karniro, tan say Patey so magmaliw a pumapastol da. Taloen ira na saray totoon matonung leleg a naboboluk iray laman da ed panaayaman da ray inaatey ya arawi ed kaabungan da.

Ecclesiastes 12:7

Ompawil ed dabuk na dalin so laman to tan say ispiritu to ompawil ed Dios ya angiter ed sikato.

Ecclesiastes 3:21

Siopay makapangibaga ya onlad tagey so ispiritu na too, balet onlad dalem na dalin so ispiritu na ayep?

Ecclesiastes 6:6

mainawa nen say samay toon aliwan maliket so impanbilay to, anggaman a nayarin mambilay na duan liboy taon. Ag ta saksakey met lamlamang so laen dan dua?

Ecclesiastes 7:2

Magmaung niy onlad abung a walay ermen lapud walay inatey nen say onlad abung a walay ponsia, ta diad iyakar ed kawalaay inatey nipanunot a say patey et manaalagar ed sikatayon amin.

Ecclesiastes 9:10

Antokaman a gawaen mo gawam ed anggaay nayarian mo, lapud anggapo lay kimey, kanunotan, pakatalus, tan kakabatan ed pasen a kawalaan da ray inaatey a dimay laen mo.

Daniel 12:2

Onolid bilay iray amayamay ed saray inaatey la: manliket ed bilay ya andi-anggaan iray arum balet manliknay andi-anggaan a kababaingan iray arum.

Saray Bilang 27:13

Kayarim a nabantagan, ompatey ka a singa impatey nen agim ya Aaron,