Ecclesiastes 3:2 - Maung A Balita Biblia

² Igegetar toy panaon na kianak tan say panaon na ipatey, say panaon na pantanem tan say panaon na panani,

Maung a Balita Biblia

² Igegetar toy panaon na kianak tan say panaon na ipatey, say panaon na pantanem tan say panaon na panani,

Ecclesiastes 3:2 Iomraidhean Croise

Genesis 17:21

Balet tooren koy impisipanan kod anak mon Isaac ya iyanak nen Sara diad singa onyan panaon, no ontombuk a taon.”

Genesis 47:29

Nen asingger lan ompatey, impatawag toy anak ton Jose tan inkuantod sikato, “Iyan moy limam ed nanleetan na saray ulpok tan isipan mo ya ag mo ak ipopompon ed Egipto.

1 Saray Arari 13:2

Diad panangonur tod Katawan imay propita, inkuanto, “O altar, altar, onyay inkuan na Katawan: Nianak ed pamilya nen David so sakey a lakin ogaw a manngaran na Josias. Pateyen tod tapew mo ray paparin managlingkur ed saray paganon altar tan mangibabagat irad sika; poolan to met ed tapew mo ray pokel na inaatey a totoo.”

2 Saray Arari 4:16

insan inkuanen Eliseo ed sikato, “Diad onya ran agew ed arapen a taon manampopo kay sakey ya anak mon laki.” “Tua?” inkuanto, “Ag mo ak kari titilaan. Sakey kan too na Dios!”

Say Libro nen Job 14:14

No ompatey so too, nabilay ni kasi? Balet manalagar ak na magmaung a panaon, anggad napalabas yan panaon na gunigon.

Say Libro nen Job 14:5

Walay nigetar a dokey na bilay na too— nigetar lay bilang na bulan a pambilay to. Sikay angipasen na panganggaan to et ag to nalabsanan.

Say Libro nen Job 7:1

Say bilay na too singa pinasoot a panaglingkur na sondalo, singa bilay na pinasyan panagtrabaho,

Saray Salmo 113:9

Papagalangan tod abung, na asawan anggapoy anak; paliliketen to diad pangiter to ray anak ed sikato. Idayew yoy Katawan!

Saray Salmo 52:5

Kanyan say Dios deralen to ka ya anggad angga; singkaten to ka tan ipaway to kad panaayaman mo; ekalen to kad dalin da ray mabilay.

Probirbio 24:27

Mananap ka niy pankimeyan mo, iparaan moy alog mo, kasakbayan a mangipaalagey kay abung mo tan mampamilya ka.

Isaias 28:24

Wala tay dumaralus a mambaka tan mansagar lawas so gawaen tod daralusan to?

Isaias 38:1

Legan to met ira man ya agew, nansakit si Ari Ezekias tan ngalngali inatey. Linmad sikato si propita Isaias a lakin anak nen Amoz tan kuantod sikato, “Ibabaga na Katawan ya oksuy mo lan amiy bengatla, ta ag ka la onabig. Mamparaan kan ompatey.”

Isaias 38:5

ya ompawil ed kinen Ezekias ta ikuantod sikato, “Siak, say Katawan a Dios na lakim a David, et nadngel koy pikakasim tan anengneng koy interter na luam; pambilayen ta ka ni na labinlimay taon.

Isaias 54:1

Jerusalem, singa ka biin lepes, balet natan makapankanta tan makapaneyag ka lapud liket. Nawalaan ka natan na saray anak a dakel ni nen saray anak na biin ag balut tinaynan na asawa to.

Jeremias 1:10

Natad sayan agew iiter kod sikay pakaoley ed saray bansa tan saray nanarian, pian sikay mamagut tan mangigeba, maneral tan manalo, mamaalagey tan mangiletneg.”

Jeremias 45:4

“Balet siak a Katawan, babagbagen ko so impaalagey ko tan babaguten ko so intanem ko. Gawaen ko ya ed intiron mundo.

Mateo 13:41

Ibaki na Anak na Too ray anghil to tan tiponen da, manlapud Panarian to, iray amin a totoon panlalapway kasalanan tan amin iray totoon manggagaway kaogsan.

Mateo 15:13

Inmebat si Jesus, “Nabagut so balang tanaman ya ag intanem na Amak a walad tawen.

Lucas 1:13

Inkuanto may anghil, “Ag ka natatakot, Zacarias, ta dinengel na Dios so pikakasim! Si Elizabet ya asawam et mananak na sakey a laki. Juan so pangingaran mod sikato.

Lucas 1:20

Manlapud natan naemel ka tan ag ka makasalita, anggad pakagawa na sayan imbagak, lapud ag mo panisiaan ya ontua ray imbagak ed sika no nasabiy niganan agew.”

Lucas 1:36

Nanunotan moy kanayon mon Elizabet? Lepes tan akolaw la, balet kumanem bulan to lan malokun natan.

Juan 16:21

No mampasakit lay malokun a bii, maermen lapud asabi lay oras na panirap to. Balet no nianak lay ogaw, nalingwanan to lay kairapan to, lapud liket tod impaway ed mundo na sakey a too.

Juan 7:30

Inanap da sirin ya erelen, balet anggapoy aningkat ed sikato lapud ag ni sinmabiy oras to.

Saray Gawgawa 7:17

“Nen asingger lay panaon na panumpal na Dios ed samay sipan tod kinen Abraham, dakerakel la ray Israelita ed Egipto.

Saray Gawgawa 7:20

Diad sayan panaon, nianak si Moises, sakey ya ogaw a maababig so nengneng to. Kinomisan dan taloy bulan ed abung na ama to.

TAGA GALACIA 4:4

Balet nen nagnap lay panaon, say Dios imbaki toy Anak to. Inyanak na sakey a bii, tan nambilay ed silong na Ganggan,

Deuteronomio 34:5

Kanyan si Moises ya aripen na Katawan inatey diman ed dalin na Moab, onung na imbagay Katawan ed sikato.

Saray Hebreo 9:27

Nigetar ed balang too a maminsan ya ompatey, tan kasumpal to sintinsiaan na Dios.

1 Samuel 2:5

Saray totoon daakan so kakanen da nen saman miuupa la ra natan a mananap na nakan, balet aliwa lan narasan iray anggapoy nakan nen saman. Say biin lepes nananak na pitora, balet anggapoy nakdaan ya anak na biin maanak.