Ecclesiastes 3:14 - Maung A Balita Biblia

¹⁴ Amtak a mansiansiad ando lan ando ya amin iray gagawaen na Dios. Anggapoy nayarin iyarum ed sikara odino ekalen ed sikara. Onyay impaakseb na Dios, pian nawalaan itayoy panangigalang ed sikato.

Maung a Balita Biblia

¹⁴ Amtak a mansiansiad ando lan ando ya amin iray gagawaen na Dios. Anggapoy nayarin iyarum ed sikara odino ekalen ed sikara. Onyay impaakseb na Dios, pian nawalaan itayoy panangigalang ed sikato.

Ecclesiastes 3:14 Iomraidhean Croise

2 Samuel 22:31

Ayadyari ray gawa na sayan Dios, napanmatalkan iray salita to! Aliling toy samper ed amin da ray pa paiyagel ed sikato.

Saray Salmo 33:11

Balet mansiansian anggad angga iray plano na Katawan; ando lan andon mansiansia iray getma to.

Saray Salmo 64:9

Ontakot iran amin; dalepdepen da ray ginagawa na Dios, tan salitaen da ray gawgawa to.

Saray Salmo 76:10

Say pasnuk na totoo mansusumpal lamlamang ed lalon pangidayew dad sika; saray ag inatey ed bakal, ituloy dan silibraan iray pistam.

Probirbio 19:21

Nayarin mamplano na amin a bengatla iray totoo, balet say linawa na Katawan so nasumpal.

Probirbio 21:30

Anggapoy kakanaay kakabatan, pakatalus, tan say pakaamta na too, no sumpa so Katawan ed sika.

Probirbio 30:6

No ibagam ya imbaga toy bengatlan ag to imbaga, pampasnukan to ka tan ipanengneng ton matila ka.”

Ecclesiastes 12:13

Kayari na sarayan amin, wala niy sakey a nibaga: Pagalangan moy Dios tan onur mo ray ganggan to, ta sikato yay makasengeg na impamalsaan na Dios ed too.

Ecclesiastes 5:6

Ag mo aabuloyan ya ipelag kad kasalanan na saray salitam, pian ag ka la onlan mangibagad pari ya ag mo ginagalay nankasalanan. Akin et labay mon makapasnuk so Dios ed sika? Akin et labay mon deralen na Dios iray nansagputan mo?

Ecclesiastes 5:7

Anggaman ya amayamay iray kogip mo tan saray andi-kanan gawam tan salitam, nepeg mon pagalangan nin siansia so Dios.

Ecclesiastes 7:18

Ag mo lalabasey inkaoges odino say inkatonung mo. Igalang moy Dios et onaligwas ka met ni lamlamang.

Isaias 46:10

Nanlapud gapo impasakbay koy pansumpalan; abayag ko lan impasakbay no antoy nagawa. Imbagak a nasumpal a nasumpal iray planok; imbagak a gawaen kon gawaen iray amin a ginetmak a gawaen.

Daniel 8:8

Pinmalalo lan pinmalalo so inkalastug to may kanding, balet nen kabisbiskegan to la apoter imay balbaleg a saklur to. Balet sinmalat ed samay saklur so apatiran maparontal a saklur, tan akatoro ed sananey a dapag so balang sakey.

Saray Gawgawa 2:23

Sayan Jesus ya impalimay Dios ed sikayo, onung ed linawa tan pakapikabat ton nanlapu lad gapoy gapo, nakar yon impaipasak ed krus tan impapatey ed saray totoon makasalanan.

Saray Gawgawa 4:28

Ginagawa ran amiy nakaukolan a nagawa, onung na inggetar mo la nen saman lapud pakayarim tan linawam.

Saray Gawgawa 5:39

Balet no nanlapud Dios, ag yo ra natalo. Ompan ompaway ni ingen a say Dios so lalabanan yo!” Tinombuk na Sanidrin yan simbawa nen Gamaliel.

Saray Taga Roma 11:36

Ta pinalsa toy amin a bengatla, mambibilay ira diad panamegley to, tan mansusumpal iran amin ed sikato. Nagalang komun ed ando lan ando so Dios! Amen.

TAGA-EFESO 3:11

Ginawa ya na Dios onung ed andi-anggaan a getma to, a sinumpal to diad panamegley na Katawan tayon Cristo Jesus.

Deuteronomio 32:4

“Say Katawan so makapanyarin manangyagel yo, ayadyari tan matonung ya amin so gagawaen to; Matoor tan matwa so Dios yo; say katonungan tan kaptekan so gagawaen to.

Tito 1:2

a niletneg ed ilalod andi-anggaan a bilay. Say Dios ya ag mantila so angisipan ed sayan bilay, nanlapu lad kasakbayan na inkapalsay mundo.

Santiago 1:17

Nanlapud tawen so balang maung tan nagnap a langkap; nanlapud Ama ya amalsad amin a liwawa. Sikatoy ag mangoman tan ag met panlapway bilonget diad ibeneg to.

Puyan 15:4

Katawan, siopay ag ontakot ed sika? Siopay ag malabay a mangigalang ed ngaran mo? Sika labat so masanto. Ondagon amin iray bansa tan mangigalang irad sika, ta anengneng na amin a katoowan iray matonung a gawgawam.”