Ecclesiastes 3:11 - Maung A Balita Biblia

¹¹ Inggetar toy manepeg a panaon na amin a bengatla. Initdan to tayo na pilalek a mangamta na arapen, balet ag ton balut iter ed sikatayoy kapenek na ayadyarin pakatalus ed saray gagawaen to.

Maung a Balita Biblia

¹¹ Inggetar toy manepeg a panaon na amin a bengatla. Initdan to tayo na pilalek a mangamta na arapen, balet ag ton balut iter ed sikatayoy kapenek na ayadyarin pakatalus ed saray gagawaen to.

Ecclesiastes 3:11 Iomraidhean Croise

Genesis 1:31

Ninengneng na Dios iray pinalsa to, et maung a tuloy iran amin. Linmabas so labi tan sinmabiy kabwasan—sikato ya so kumanem ya agew.

Say Libro nen Job 11:7

Nayarian mo a sukaiten iray panganggaan na talonggaring tan pakayari na Dios?

Say Libro nen Job 37:23

Ontan lay kabaleg na pakapanyari na Dios, kanyan ag itayo makaasingger ed sikato; matonung tan maptek so pipiolup tod katoowan.

Say Libro nen Job 5:9

Ag natalusan iray gagawaen ton makapakelaw a bengatla, tan andi-tonda iray gagawaen ton milagro.

Saray Salmo 104:24

Katawan, amayamay iray pinapalsam a bengatla! Diad panamegley na ontan lan kakabatan mo, ginagawam ira! Say dalin napno na saray pinalsam.

Probirbio 16:4

Amin a ginawa na Katawan walay pansumpalan da; et saray totoon maoges deral so kasumpalan da.

Ecclesiastes 1:13

Ginetmak a sukiten tan aralen ya amin iray nagagawa diad tapew na dalin. Say Dios impasen to itayod makapasinagem a kipapasen.

Ecclesiastes 11:5

No panoy ag mo pakatalus ed inggapo na bilay ed eges na sakey a biin malokun, ontan met so ag mo pakatalus ed gagawaen na Dios ya amalsad amin a bengatla.

Ecclesiastes 7:13

Dalepdep mo no antoy ginawa na Dios. Siopay makapetek ed pikewet a ginawa na Dios?

Ecclesiastes 7:23

Inkanak so kakabatan ko diad impanubok kod sarayan amin. Ginetmak a magmaliw ak a makabat, balet ag ko nayarian.

Ecclesiastes 7:29

Saya labat so naaralan ko: Pinalsa na Dios a maptek so too, balet say too amayamay so sinmeseksek a kaogsan ed olo to.

Ecclesiastes 8:17

ag mon balut natalusan so kabaliksan na gagawaen na Dios. Anggan antoy gawaen mo, ag mon balut nakabatan. Nayarin ibaga na saray makabat ya amta ray gagawaen na Dios, balet diad katwaan to ag da amta.

Mateo 11:27

“Inter na Amak ed siak iray amin a bengatla. Anggapoy mikabat ed Anak likud ed Ama; anggapoy mikabat ed Ama likud ed Anak tan saray labay a pangipakabatan na Anak.

Mateo 13:22

Saramay ilik a dinmapod kasabitan aliling day salitay Dios a dedengelen na totoo, balet kabebekta dederalen na saray kapagaan na panagbilay tan say inkaagum ed kayamanan, kanyan ag ira mambunga.

Marcos 7:37

Ontan lay pankelaw da ray akadngel ed sayan balita tan inkuanda, “Agaylay abig na amin a gagawaen to! Iitdan toy pakadngel iray telek, tan pakasalita iray emel!”

Saray Taga Roma 1:28

Lapud saray totoo et ag da labay a kabaten so Dios, pinaolyan to ra ed maoges iran kanunotan da, kanyan gagawaen day ag manepeg iran gawa.

Saray Taga Roma 11:33

Agaylay karakel so kayamanay Dios! Ag natokur so kakabatan tan pakatalus to! Ag natalusan iray panagsintinsia tan kagagawa to!

Deuteronomio 32:4

“Say Katawan so makapanyarin manangyagel yo, ayadyari tan matonung ya amin so gagawaen to; Matoor tan matwa so Dios yo; say katonungan tan kaptekan so gagawaen to.