Ecclesiastes 2:8 - Maung A Balita Biblia

⁸ Nantipon ak na amayamay a pilak tan balituk a nanlapud saray kayamanan na ari diad saray dalin a nanoleyan ko. Wala ray lalaki tan bibiin nankakanta tan nansasayaw a pamaliket dad siak. Walad siak ya amiy bibiin niamung na too.

Maung a Balita Biblia

⁸ Nantipon ak na amayamay a pilak tan balituk a nanlapud saray kayamanan na ari diad saray dalin a nanoleyan ko. Wala ray lalaki tan bibiin nankakanta tan nansasayaw a pamaliket dad siak. Wala siak ya amiy bibiin niamung na too.

Ecclesiastes 2:8 Iomraidhean Croise

2 Samuel 19:35

Walomploy taon ko la tan anggapo lay antokaman a makaiter ed siak na liket. Ag ko la nananam so kakanen tan iinomen ko, tan ag ko la narengel so bosis da ray kumakanta. Makabelbelat ak labat ed sika, Kagalang kon Ari.

1 Saray Arari 10:10

Insan samay riyna na Seba initdan toy Solomon na ngalngali limaran toniladan balituk tan saray amayamay a rikado tan alahas. Diad amin da ray rikadon naawat nen Solomon ed anggan anton panaon, sankarakelan ira yay inter to. (

1 Saray Arari 10:14

Tinaon a makakaawat si Ari Solomon na masoluk a duamplo tan liman toniladan balituk,

1 Saray Arari 10:21

Balituk ya amin iray kupa nen Solomon, tan puron balituk ya amin iray ikakana ed baleg a kuarton tatawagey Takel na Libano. Anggapoy pilak ya inkana, ta diad panaon nen Solomon aliwa nin mabli so pilak.

1 Saray Arari 11:3

Angasawa na piton lasus a prinsisa tan angyamung ni na talon lasus ya arum iran bibii. Tinanggoyur dan onarawi ed Dios,

1 Saray Arari 14:27

Nanggaway Ari Roboam na pigaran gansan samper ya isalat tod saramay balituk a samper, insan to ra impalima ed saray opisyal a makaoley ed saray guardia na saray puirta na palasio.

1 Saray Arari 9:14

Ngalngalin limaran toniladan balituk so impaiyakar nen Hiram ed kinen Solomon.

1 Saray Arari 9:28

Nambiahi rad dalin na Ofir, tan diad impawil da angawit irad kinen Solomon na ngalngali labinanem a toniladan balituk.

1 Saray Awaran 25:1

Pinili nen David tan saray pangulo da ray Levita iray onggendan a boleg na Levita a mangipangulo ed pangigalang ed Dios: Asaf, Heman, tan Jedutun. Sikaray mangibawag na saray salitay Dios legan a totogtogen iray saltirio, saray arpa tan saray piangpiang. Saya so listaan da ray totoon apilin mangipangulo na pangigalang ed Dios tan saray kimey da:

1 Saray Awaran 25:6

Diad panangiwanwan nen ama ra nantotogtog ira na saray piangpiang tan saray arpa legan a gagawaen ed dalem na Timplo so panangigalang ed Dios. Di Asaf, Jedutun, tan Heman et wala rad silong na panangiganggan na ari.

2 Saray Awaran 9:11

Inkana nen Solomon ira yan tabla ed impanggawa tod saray takayan na Timplo tan say palasio to, tan inkana to met ed impanggawa to na saray arpa tan saray saltirio a para saray tumutogtog tan saray kumakanta. Anggapo niy anengneng nen saman a kaparpara ra ed dalin na Juda.)

Ecclesiastes 1:2

Tuan andi-kakanaan, andi-kakanaan, kuay Managpulong. Andi-kakanaan so bilay, andi-kakanaan ya amin.

Daniel 3:15

Natan sirin, karengel yod tanul na saray trumpita, kornita, arpa, lira, plauta, tan amin da ray arum a kagawaan na musika, dakmomo kayon mangigalang ed samay talintao. No ag yo labay nibantak kayon tampol ed manliub a palbaan. Dinan a dios so mangyagel ed sikayo?”

Daniel 3:5

Kadngel yod tanul na saray trumpita, a patombukay togtog na saray kornita, arpa, lira, plauta, tan saray arum nin kagawaan na musika, dakmomo kayon mangigalang ed balituk a talintaon impaalagey nen Ari Nabucodonosor.

Daniel 3:7

Katanul sirin na saray kagawaan na musika, saray totoo ed amin a bansa, anggan antoy kolor na baog da tan salita ra, et dinmakmomo ran angigalang ed samay balituk a talintaon impaalagey nen Ari Nabucodonosor.

Amos 6:5

Labalabay yoy manggawa na saray kanta a singa ginawa nen David, tan totogtogen yo ra ed saray arpa.