Ecclesiastes 2:23 - Maung A Balita Biblia

²³ Amin a gawaen mo, legay pambilay mo, kapagaan tan sakit na olo so iter da. Anggan diad labi ag mandeen so kanunotan mo. Sakey met yan andi-kakanaan.

Maung a Balita Biblia

²³ Amin a gawaen mo, legay pambilay mo, kapagaan tan sakit na olo so iter da. Anggan diad labi ag mandeen so kanunotan mo. Sakey met yan andikakanaan.

Ecclesiastes 2:23 Iomraidhean Croise

Genesis 3:17

Inkuantod samay laki, “Dinengel moy asawam tan kinan moy prutas ya imbagak ed sikan ag mo kanen. Lapud sayan ginawam, nisambay dalin. Nakaukolan a mansagput kay baleg legan mon mambilay, pian mangiter so dalin na malaem a taganom.

Genesis 47:9

Inmebat si Jacob, “Sanlasus tan talomplon taon lay impanbilay kon alis-alis so panayaman. Antikey tan mairap so bilay ko, ya aliwan singa saray atateng ko ya andokey so impanbilay da ya alis-alis met so nanayaman da.”

Ester 6:1

Diad saman a labi ag makaogip so ari, kanyan impaala toy libro na saray awaran tan impabasa to pian narengel to.

Say Libro nen Job 14:1

“Nianak a makapoy so too; antikey tan magunigon so bilay to.

Say Libro nen Job 5:7

Ingen manlapud sikato met lamlamang so gunigon na too, a singa panlalapud apoy na saray talagsik.

Saray Salmo 127:2

Anggapoy kana na pamasyay panaanap na pambilay, ya onogip na atrasado tan ombangoy masakbay. Ta iiter na Katawan so nakaukolan da ray aaroen to, legan a naogip ira.

Saray Salmo 32:4

Agew-labin dinudusa mo ak, Katawan; nakal lan sigput so biskeg ko, a singa bengatlan ambasa a pinamagay petang ed panaoy tiagew.

Saray Salmo 90:15

No kaonungay inter mod sikamin ermen, leleg da ra may taon a wala kamid segsegang, ontan pa met so iter mod sikamin liket.

Ecclesiastes 1:13

Ginetmak a sukiten tan aralen ya amin iray nagagawa diad tapew na dalin. Say Dios impasen to itayod makapasinagem a kipapasen.

Ecclesiastes 1:18

No dakel so kakabatan mo, dakel met so kapagaan mo; no kaonungay amtam, ontan met so panermenan mo.

Ecclesiastes 2:11

Insan ko dinalepdep ya amin iray ginagawak tan say ontan lan impansasagput ko ed impanggagawak. Abirbir kod satan ya anggapoy kakanaan da. Singa ak labat inmosil ed dagem; anggapoy agunggonak.

Ecclesiastes 5:12

Malet so ogip na toon kumikimey, daiset may dakel so kinan to. Balet say toon mayaman dakel so kayaryan to, kanyan ag makaogip lapud kapagaan to.

Ecclesiastes 5:17

Nagunggona tayoy mambilay a walay bilonget tan ermen, magunigon, mapasnuk, tan walay sakit.

Ecclesiastes 8:16

Kapag salien koy magmaliw a makabat, tan aralen koy nagagawa ed mundo, abirbir kon anggan sanlabi tan sanagew kan ag onogip,

Daniel 6:18

Insan pinmawil so ari ed palasio tan sanlabin ag akaogip, ag balut angan odino nanliket ed antokaman.

Saray Gawgawa 14:22

Pinabiskeg day linawa na saray disipulo, tan binilin da a mansiansia ran matoor ed pananisia. Inkuanda met ed sikara, “Dakel iray nepeg tin palabasen ya irirap diad iloob tayod Panariay Dios.”